Дармштадт

Бусад утгыг, «Дармштадт (салаа утга)»-с харна уу.

Дармштадт Darmstadt
Хот
Хотын төв, 2005 оны 1 сар Орон Сууцны Ордон Мерк группийн төв байр Бессунген хуучин хот Европын Сансрын Ажиллагааны Төв Дэлхийн өвд бүртгэгдсэн уран бүтээлчдийн колони
Далбаа Сүлд
Байршил: Хессен дэх Дармштадт
Дармштадт Дармштадт
Солбицол: 49°52′20″N 8°39′10″E
Улс	Герман
Муж	Хессен
Захиргааны дүүрэг	Дармштадт
Тойрог	Хотын тойрог
Хуваалт	9 дүүрэг
Засаг захиргаа
• Хотын дарга (2023–29)	Ханно Бенц (СДН)
Газар нутаг
• Нийт	122.23 км2 (47.19 бээр2)
Өндөр	144 м (472 фут)
Хүн ам  (2022-12-31)
• Нийт	162,243
• Нягтрал	1,300/км2 (3,400/бээр2)
Цагийн бүс	UTC+01:00 (ТЕЦ)
• Зун (ЗЦ)	UTC+02:00 (ТЕЗЦ)
Шуудангийн код	64283–64297
Залгах код	06151, 06150
Улсын дугаар	DA
Вэб сайт	darmstadt.de
ЮНЕСКО-ийн Дэлхийн Өв
Албан нэр	Mathildenhöhe Darmstadt
Төрөл	Соёлын
Шалгуур	(ii)(iv)
Бүртгэгдсэн	2021
Эшлэл ду.	[1]

Дармштадт (Герман: Darmstadt ˈdaʁmʃtat ) нь Холбооны Бүгд Найрамдах Герман Улсын Хессен Муж Улсын өмнөд хэсэгт нь орших тойроггүй хот бөгөөд Захиргааны дүүрэг Дармштадт ба Дармштадт-Дийбург орон нутгийн тойргийн захиргааны төв юм. Энэ хот нь Райн-Майн нутагт хамаарахын сацуу Хессен Муж Улсын арван том төвийн нэг. Дармштадт нь 160.000 оршин суугчтай нь муж улсдаа Майн дахь Франкфурт, Вийсбаден, Кассел хотын дараа ордог дөрөв дүгээр том болно. Хоттой ойр томоохон хотуудад хойд зүгт 30 км орчмын зайд Майны Франкфурт ба Оффенбах, баруун хойд зүгт 40 км орчим Вийсбаден ба Майнц, өмнө зүгт 45 км орчим Манхайм ба Райны Лудвигсхафен мөн түүнчлэн 55 км орчмын зайд Хайделберг оршдог.

Түүхэн үүднээс Дармштадт нь Хессений Ландграфт Улс, Их Херцогт Улс, Ард Улсуудын нийслэл болон Хааны өргөөт хот байв. «Шинэ үеийн урлагийн төв» хэмээн нэрлэгдэх болсон шалтгаан нь 1899 онд их херцог Эрнст Лудвигийн санаачлагаар Матхилдегийн өндөрлөг дээр байгуулсан уран бүтээлчдийн колониос гаралтай ба энэ нь 2021 онд ЮНЕСКО-Дэлхийн өвд бүртгэгджээ. Гэвч дайны дараагаас эхлэн «Шинжлэх Ухааны хот» (герм. Wissenschaftsstadt)хэмээгдэх болсон тус хотыг 1997 оноос эхлэн Хессений Дотоод Хэрэг ба Спортын Яамнаас албан ёсоор энэхүү цолыг олгосон байна. Хотод олон тооны дээд сургууль ба судалгааны төвүүд байхын дотор 1877 онд байгуулагдсан Техникийн Их Сургууль, Дармштадтын Дээд Сургууль, Эвангелийн Дээд Сургууль зэргийг нэрлэж болох ба эдгээрт нийт 50.000 орчим оюутан суралцдаг. 30 гаран томоохон судалгааны байгууллагуудад Хелмхольцын Хүнд Ионы Судалгааны Төв, Европын Сансрын Нислэгийн Хяналтын Төв, Европын цаг уурын хиймэл дагуул ашиглалтын байгууллага, Фраунхофер-Нийгэмлэгийн гурван судалгааны хүрээлэн энд бий.

Газар зүй

Томруулах

Хотыг зүүн урд талын Людвигийн өндөрлөгөөс Дармштадт

Ойролцоох том хотууд

Рюсселсхайм	Майн дахь Франкфурт	Ханау
Майнц		Ашаффенбург
Манхайм	Хайделберг	Хайлбронн

Уур амьсгал

Сарын дундаж температур болон хур тунадасны хэмжээ: Дармштадт 1-р сар 2-р сар 3-р сар 4-р сар 5-р сар 6-р сар 7-р сар 8-р сар 9-р сар 10-р сар 11-р сар 12-р сар Маx. Температур (°C) 5.0 7.0 11.0 15.0 20.0 23.0 25.0 25.0 20.0 14.0 8.0 5.0 Ø 14.9 Мин. Температур (°C) −1.0 1.0 3.0 6.0 11.0 13.0 13.0 15.0 11.0 7.0 4.0 1.0 Ø 7 Тунадас (мм) 55.0 53.0 66.0 49.0 76.0 67.0 75.0 66.0 63.0 66.0 63.0 66.0 Σ 765 Нартай цаг (h/d) 1.5 2.9 3.9 5.9 6.7 7.1 7.5 7.0 5.3 3.3 1.7 1.2 Ø 4.5 Т е м п е р а т у р 5.0 −1.0 7.0 1.0 11.0 3.0 15.0 6.0 20.0 11.0 23.0 13.0 25.0 13.0 25.0 15.0 20.0 11.0 14.0 7.0 8.0 4.0 5.0 1.0 1-р сар 2-р сар 3-р сар 4-р сар 5-р сар 6-р сар 7-р сар 8-р сар 9-р сар 10-р сар 11-р сар 12-р сар Хур тунадас Х у р т у н а д а с 55.0 53.0 66.0 49.0 76.0 67.0 75.0 66.0 63.0 66.0 63.0 66.0   1-р сар 2-р сар 3-р сар 4-р сар 5-р сар 6-р сар 7-р сар 8-р сар 9-р сар 10-р сар 11-р сар 12-р сар Эх сурвалж: Deutscher Wetterdienst; wetterkontor.de

Түүх

Нэрийн түүх

Хуримын цамхаг бүхий Матхилдегийн өндөрлөг

Франкфуртын өндөр барилгууд харагдана.

Хотын нэрийн гарлыг өнөөг хүртэл бүрэн тайлаагүй. Хамгийн анх 11-р зуунд Дармундештат гэх нэр дурдагдсан байдаг аж. Гэхдээ хамгийн түгээмэл хувилбарт:

• Орон нутгийн хэвлэлүүд бол «Даримунд» (Darimund) хэмээх хааны ан агнадаг бэхлэгдсэн суурин байсан гэх тайлбарыг урьтал болгодог
• Өөр нэг хувилбар нь кельт гаралтай dar (царс эсвэл мод) ба mont (уул) гэдгээс гаралтай гэж үздэг

Дармштадт хотын нэрээр германы хотуудаас цор ганцаараа химийн элемент болох Дармштадтийн нэрийг нэрлэжээ.

Оршин суугчдын өсөлт

Он	Оршин суугч
1871	33,800
1890	55,883
1900	72,381
1925	89,465
1933	93,222
1945	69,539
1956	123,306
1975	137,018
1990	138,920
2000	138,242
2010	144,402
2015	155,353

Улс төр

Дармштадт хотын далбаа

Иргэдийн Төлөөлөгчдийн Хурал

Хотын Иргэдийн Төлөөлөгчдийн Хуралд нийт 71 гишүүнтэй бөгөөд 2021 оны орон нутгийн сонгуулийн дараах хамгийн олон суудалтай таван намыг тоочвол:

• Ногоон Нам, 20 суудал
• Социал Демократ Нам, 12 суудал
• Христийн Ардчилсан Холбоо, 11 суудал
• Зүүн Нам, 5 суудал
• Фолт Нам, 5 суудал
• бусад намууд 18 суудал

Харилцаатай хот

Дармштадт нь дараах хотуудтай ах дүүгийн барилдлагатай хамтран ажилладаг:

Нидерланд, Нидерланд, 1958 оноос хойш Франц, Франц, 1958 оноос хойш Нэгдсэн Хаант Улс, Их Британи, 1959 оноос хойш Австри, Австри, 1968 оноос хойш Норвеги, Норвеги, 1968 оноос хойш Турк, Турк, 1971 оноос хойш Польш, Польш, 1988 оноос хойш Унгар, Унгар, 1990 оноос хойш

Унгар, Унгар, 1990 оноос хойш Герман, Заксен, Герман, 1990 оноос хойш Итали, Итали, 1991 оноос хойш Швейцар, Швейцар, 1991 оноос хойш Украин, Украин, 1992 оноос хойш Латви, Латви, 1993 оноос хойш Испани, Испани, 2002 оноос хойш Америкийн Нэгдсэн Улс, Америкийн Нэгдсэн Улс, 2017 оноос хойш

Эдийн засаг

2016 онд Дармштадт хот 11,742 тэрбум евроны дотоодын нийт бүтээгдэхүүний нийлбэр (ДНБ) дүнтэй гарсан нь германы эдийн засгаар нь жагсаасан хотын жагсаалтад 31-р байрт оржээ. Мөн онд нэг хүнд оногдох ДНБ-ий нийлбэр нь 75.085 € (Хессен: 43.496 €, Герман: 38.180 €) байсан нь муж улсын болон улсын дундажаас харьцангуй өндөр үзүүлэлттэй байгаа юм. Улсын хэмжээнд нэг ажиллах хүчинд оногдох ДНБ нь 89,585 евро бөгөөд энэ нь хамгийн өндөр үзүүлэлт юм. 2016 онд тус хотод 131.100 орчим хүн ажиллаж байв. 2018 оны арванхоёрдугаар сард ажилгүйдлийн түвшин 4.7 % байв. Дармштадт бол Райн-Майн бүс нутагт хамаарах бөгөөд тус бүс нутаг нь холбооны улсын хэмжээнд эдийн засгаараа хамгийн хүчирхэгт орох ба жилдээ 250 тэрбум евроны ДНБ үйлдвэрлэдэг байна.

Цахим холбоос

 Commons: Дармштадт – Викимедиа зураг, бичлэг, дууны сан

• Дармштадт хотын албан ёсны цахим хуудас