Тайсон Чендлер

Чөлөөт нэвтэрхий толь, Википедиагаас
Харайх: Удирдах, Хайлт
Tyson Chandler March 2012.jpg

Тайсон Клеотис Чендлер (англ. Tyson Cleotis Chandler, 1982 оны аравдугаар сарын 2-нд Калифорни мужийн Хэнфорд хотод төрсөн) — Америкийн сагсан бөмбөгчин бөгөөд Үндэсний Сагсан Бөмбөгийн Холбооны Нью Йорк Никс болон Америкийн шигшээ багийн төвийн тоглогч юм. Чендлер 2001 оны драфтын №2 болж Лос Анжелес Клипперс багт хуваарилагдсан ч Клипперс Чикаго Буллз (2001—2006) багийн Элтон Брэндээр сольсон байдаг. Чикаго багаас Нью Орлеан Хорнетс (2006—2009), Шарлотт Бобкэтс[1] (2009—2010), Даллас Маверикс[2] (2010—2011) багуудад тоглож байсан бөгөөд 2011 оны арванхоёрдугаар сарын 9-нд Нью Йорк Никс багтай дөрвөн жилийн гэрээг 58 сая доллараар байгуулан элсчээ.[3] Маверикс багт байх сүүлийн улиралдаа НБА-гийн аварга (2011) болж байв. Мөн шинэ багтаа өнгөрүүлсэн анхны улиралд "НБА-гийн Шилдэг хамгаалагчаар" нэрлэгдсэн байдаг билээ.

Чендлер Олимп (2012), дэлхий (2010), Америк тивийн аварга тамирчин билээ.

Товч мэдээлэл[засварлах]

  • Өндөр — 216 см
  • Жин — 106 кг
  • Өмсгөлийн дугаар — 6

Эшлэл[засварлах]

  1. Bobcats Acquire Tyson Chandler from New Orleans Hornets. NBA.com (July 28, 2009). 2009-07-28-д хандсан.
  2. Mavericks acquire chandler and ajinca in five-player trade. NBA.com (July 13, 2010). 2010-07-13-д хандсан.
  3. Tim MacMahonESPNDallas.comFollowArchive (December 10, 2011). Center Tyson Chandler agrees to terms with New York Knicks - ESPN Dallas. Espn.go.com. 2012-04-24-д хандсан.

Холбоос[засварлах]

Commons
Викимедиа дуу дүрсний сан: Тайсон Чендлер