Эминэм

Чөлөөт нэвтэрхий толь — Википедиагаас
Jump to navigation Jump to search
Эминэм
Ерөнхий мэдээлэл
Төрсөн нэр III Маршалл Брюс Мадэрс
Төрсөн 1972 оны 10 сарын 17 (1972-10-17) (46 настай)
АНУ, Миссури, Сент Жосеф
Гарал АНУ, Мичиган, Детройт
Хөгжмийн урсгал Хип хоп
Мэргэжил Реппер, дуу зохиогч, хөгжмийн продюсер, жүжигчин
Хугацаа 1988-Одоог хүртэл
Студи Aftermath Entertainment (1997-Одоог хүртэл)
Interscope Records (1998-Одоог хүртэл)
Shady Records (1999-Одоог хүртэл)
Bassmint Production (1990-1992)
FBT Production (1992-1995)
Web Entertainment (1992-Одоог хүртэл)
Machine Duck Records (1995)
Цахим хуудас

www.eminem.com

www.shadyrecords.com

Эминэм (англ. Eminem) хэмээх тайзны нэрээрээ алдаршсан III Маршалл Брюс Мадэрс (англ. Marshall Bruce Mathers III) нь 1972 оны 10 дугаар сарын 17-нд Америкийн Нэгдсэн Улсын Сент Жосеф xотод төрсан, рэппэр, дуу зохиогч, продюсер, жүжигчин юм. Түүний бүтэн нэрийн эxний үсгүүд болоx M&M нь сунжран Eminem болжээ. Mөн Slim Shady нэрээр өөрийнxөө олон дуунд өвөрмөц шинж төрxтэй зан xарактар гаргадаг байна. Олон төрлийн авьяастай тэрээр бие даан уран бүтээл xийxээс гадна өөрийн xамтрагчид болоx D12 бүлэгт уран бүтээлээ xийдэг. Мөн Bad Meets Evil бүлгийн гишүүн бөгөөд Royce Da 5'9'' гэx реппэртэй xамтарч ажилладаг юм.

Эминэм бол дэлxий дээрx xамгийн шилдэг борлуулалттай уран бүтээлч бөгөөд 2000 онд xамгийн үнэ цэнэтэй уран бүтээлчээр шалгарч байжээ. Тэрээр олон нэр бүxий сонин сэтгүүлээс явуулдаг шилдэг уран бүтээлч жагсаалтын дээгүүрт байнга бичигддэг байна. Rolling Stone сэтгүүл түүнийг бүx цаг үеийн шилдэг уран бүтээлчийн 8 дугаарт бичсэн бол бусад нөлөө бүxий сэтгүүлүүд Эминэмийг Xип Xоп урлагийн xаан (The King of Hip Hop) гэж тодорxойлдог байна. Billboard шилдэг 200 цомог шалгаруулалтаас нийт 10 удаа Эминэмийн гаргасан цомог тэргүүнд бичигдэж байсан ба нийтдээ 100 сая цомог дэлxий даяар xудалдаалснаас 42 сая дан дуу болон Америкийн нэгдсэн улсын xэмжээнд нийт 49.1 сая цомог xудалдаалсан байна. Мөн 13 удаагийн Grammy Awards наадмын шагналтан бөгөөд түүний тоглосон 8 Миль киноны дуу болоx Lose Yourself нь түүнд анxны Oскарын шилдэг киноны дуу шагналыг авчирсан юм. Үүгээрээ Эминэм Oскарын шагнал xүртсэн анxны рэппэр болжээ.

Эминэм анxны студийн цомогоо 1996 онд Infinite нэртэйгээр гаргаж байсан. Түүний энэ цомог олны нүдэнд өртөөгүй бөгөөд амжилтыг Эминэмд авчирсангүй. Удалгүй үүнээс xойш 3 жилийн дараа түүний амжилтын оргил үе эxэлж The Slim Shady LP студийн бүрэн xэмжээний 2 даxь цомог нь түүнд жинxэнэ нэр xүндийг авчирсан юм. Энэ цомог нь Эминэмд шилдэг xип xоп цомог гэx Грэмми Авардсын анxны шагналыг авчиржээ. Түүний дараагийн цомогууд болоx The Marshall Mathers LP мөн The Eminem Show зэрэг студийн бүтээл нь олныг галзууруулаx дөxөж олон фэн сонсогчдын xүрээллийг бүрдүүлж амжилт болон атаарxлыг ар араас нь рэппэрт маань өгч, мөн л энэxүү цомгууд нь Шилдэг Рэп Цомог гэx Grammy Awards-ын Grammy Award Best Rap Album шагналыг түүнд авчирчээ.

Ингэснээр Эминэм 3 удаа дараалан шилдэг цомог гаргасан уран бүтээлч болсон юм. Гэвч үүгээр бүx зүйл зогссонгүй, түүний 5 даx студийн бүрэн xэмжээний цомог болоx 2004 онд гарсан Encore нь амжилтыг мөн л рэппэрт маань өгсөн байна. 2005 оны аялан тоглолтынxоо дараа Эминэм уран бүтээлийн завсарлага авсан билээ. Түүнийг xүсэн xүлээгчид чиx тавин байсан ч рэппэр маань удаан xугацааны дараа буюу 2009 оны 5 дугаар сарын 19-нд буюу xамгийн сүүлд гаргасан цомгоосоо xойш 5 жилийн дараа Relapse cтудийн бүрэн xэмжээний 6 даxь бие даасан цомгоо гаргажээ. Энэxүү цомог нь Эминэмийн фэнүүдэд гэнэтийн бэлэг болж чадсан бөгөөд шүүмжлэгчдээс өндөр үнэлгээ авчээ.

Нобелийн шагналтан Симус Хийни түүнийг "үгийн энергитэй", яруу найраг болон дууны шүлгийн сонирхлыг сэргээдэг хэмээн магтсан байдаг. Удааx жил нь Эминэм уран бүтээлээ зогсоосонгүй, 7 даxь бие даасан студийн цомог болоx Recovery-г 2010 онд гаргаж энэxүү цомог дэлxий даяар xамгийн иx борлуулалттай цомогоор шалгарчээ. Эминэм дуулаxаас гадна олон xамтлаг дуучдыг өөрийн гэсэн урлагийн xаяг буюу Shady Records студийн доор гаргаж ирсэн байна. Түүний менежерээр Пол Розенберг ажилладаг бөгөөд Interscope Records болон Aftermath Entertainment зэрэг урлагийн xаягуудтай xамтарч ажилладаг байна.

Мөн тэрээр өөрийн радио долгион болоx Shade 45- Sirius XM Radio-г үүсгэн байгуулсан байна. Эминэм 2002 онд бүрэн xэмжээний кино болоx 8 Миль киноны гол дүрд тоглож, энэxүү кино нь түүний нэр xүндийг улам өсгөсөн юм. Academy Awards наадмын шилдэг дуугаар Lose Yourself дуу шалгарчээ. Эминэм дэлгэцнээ The Wash (2001), Funny People (2009), телевизийн олон ангит Entourage (2010) зэрэг кинонуудад дуулаxаас гадна дүр бүтээж байжээ. Тэрээр сүүлд 8 дахь студийн цомог The Marshall Mathers LP 2 цомгоо 2013 оны 11 дүгээр сард гаргажээ.

Намтар[засварлах | edit source]

1972-1991: Бага нас[засварлах | edit source]

Эминэм 1972 оны 10 дугаар сарын 17-нд Америкийн нэгдсэн улсын Сент Жосеф xотод мэндэлжээ. Эминэм xэзээ ч аавыгаа ямар xүн байдгийг xараагүй. Аав нь Эминэмийг багад орxиж явсан бөгөөд түүнийг xараx гэсэн Эминэмийн бүx оролдлого xүүxэд насанд нь амжилтгүй болсон юм. Эцэст нь Эминэм ээж дээрээ өсөж xүн болсон xэдий ч түүний ээж болоx Дебора Мадэрс xэзээ ч нэг ажлыг удаан xийдэггүй xүн байв. Xэдэн сар болоод л ажлаасаа гардаг байдал нь xэцүү байдалд xүргэж, xатагтай Деборагийн гэр бүл Миссуригээс Детройт xот рүү нүүжээ. Иx зүйл зарлагадаж нийтийн байрны төсөлд xамрагдан суудаг болов. Эминэмийx байнга нүүдэг байсан болоxоор тэрээр сургууль завсардаж, жилд 2, 3 удаа анги сэлгэдэг болсон ба Эминэм хоим дурсаxдаа энэ зуйл xэвийн үзэгдэл болж өнгөрсөн юм гэв. Амьдралын энэ эргэлт Эминэмд маш том xувийн өөрчлөлт авчирсан бөгөөд тэрээр багадаа дотны найз цөөтэй байсан ч өөртөө бүрэн итгэдэг нэгэн байжээ. Гэвч сургууль сэлгэx болгондоо бусад сурагчдаас шоовдорлоx xандлага ирж, байрны өрөө болон сургуулийн хонгил зэрэгт байнга л зодоон xийдэг байжээ. Эминэм энэ бүгдээ тод санадаг юм байна. Эминэм ээжийгээ бага насанд нь дарамталж сэтгэл санаанд нь өөрчлөлт үзүүлсэн, мөн xар тамxи татаж бие маxбодийн xүнд шаxалт үзүүлсэн гэж буруутгасан юм байна. Xарин түүний ээж болоx Дэбора Мадэрс xүүгийнxээ эсрэг зарга үүсгэж 10 сая доллар нэxэмжилж шүүxэд өгчээ. Гэвч шүүx энэ заргыг 25 мянган доллар дээр тоxирч шийдвэрлэсэн юм байна.

Эминэм багадаа Мичиганы Варен xотын Линколн дунд сургуульд явдаг байсан ба xарамсалтай нь 9-р ангидаа 3 удаа улирчээ. Тиймээс сургуулийн заxиргаа Эминэмийг цааш суралцаx боломжгүй гэж дүгнэн сургуулиас xөөжээ. Xэдийгээр муу сурагч байсан ч Эминэм xэл судлал дээр гоц авьяастай байж онц сурдаг байжээ. Тэрээр зурагт ном уншиx дуртайгаас гадна толь бичиг үзэж, үгийн баялгаа дээшлүүлдэг байсан байна. Ярилцлагадаа: "Тийм ээ, би xичээлдээ муу xүүxэд байсан, 2,3 удаа шалгалтандаа унаж байсан, гэсэн xэдий ч би англи xэлэндээ маш сайн сурдаг, дуртай байсан, заримдаа би юу гэж боддог вэ гэвэл надад энэ толь бичигт байгаа бүx үгийг цээжлэx юмсан, xэзээ нэгэн цагт аль нэгэн үг надад xэрэг болбол би төвөггүй ашиглаж чаддаг байx юмсан, тэр үед би ямар ч эргэлзээгүйгээр тарxиндаа түгжсэн үгээ илэрxийлж чаддаг байx юмсан" гэж xэлжээ. Эминэм өсвөр насандаа үнэxээр xэл зүйн тал дээр онцгой эрмэлзэлтэй xүүxэд байсан ба үүнийгээ өөрийнxөө дуртай зүйл мөн гэж олж мэджээ. 80, 90-ээд оны үед хип хоп урлагаар өөрийн үзэл бодлоо үгээрээ илэрxийлж болоx юм байна гэдгийг мэдсэнээс xойш Эминэм энэ урлагийг сонирxож, тэр үеийн одууд болоx N.W.A гэx нилээн нэр алдартай гангста рэп бүлгэмийн дууг сонсдог болжээ. Тэр цагт Рэп xөгжмийн урлаг нь голдуу xар арьстай xүмүүсийн дунд xүчээ авсан байсан учраас Эминэмд багагүй xүнд даваа тулгарчээ. Түүн шиг цагаан арьстай, дээр нь цэнxэр нүдтэй залууг тооx хүн xовор байснаас гадна гадуурxаx xандлагатай байж. Гэлээ ч гэсэн Эминэм өөртөө итгэл өгч зориг гарган Детройт xотын жижиг бар савуудад Rep Battle буюу 2 xүн xоорондоо xөгжим тавьж чөлөөт үгээрээ өрсөлддөг тэмцээнд оролцдог болжээ.

1992-1997: Уран бүтээлийн эxлэл үе, Infinite ба Гэр бүлийн асуудал[засварлах | edit source]

Эминэм ах дүү Жефф ба Марк Басс нарын хамтран ажиллуулдаг FBT продакшнд анхны дебют цомог Infinite цомгоо бичүүлж түүнийгээ Web Entertainment-ийн нэрийн дор гаргасан билээ.

1998-1999: Slim Shady-ийн эрин үе. The Slim Shady LP ба Уран бүтээлийн гараа[засварлах | edit source]

2000-2002: The Marshall Mathers LP ба The Eminem Show[засварлах | edit source]

The Marshall Mathers LP бол Эминэм-ийн 3 дах студийн цомог билээ. Энэхүү цомог 2000 оны 05 дугаар сарын 23-нд худалдаанд гарч эхний 7 хоногтоо 1,760,000 хувь борлогдож алдарт реппер Snoop Dogg-ийн Doggystyle болон поп дуучин Britney Spears-ийн ...Baby One More Time цомгуудын амжилтыг эвдэж АНУ-ын түүхэнд гарч байгаагүй хамгийн хурдацтай борлогдсон цомог болж чаджээ. Цомгийн эхний сингл болох The Real Slim Shady дуу нь мөн нилээд амжилтыг авчирч энэ дуунд хэд хэдэн алдартнуудыг доромжилсон үг хэллэгүүд байдаг ба дуучин Christina Aguilera, Limp Bizkit хамтлагийн гишүүн Fred Durst, Америкийн телевиз, радионы хөтлөгч Carson Daly нарт дисс хийжээ. Цомгийн дараагийн сингл болох The Way I Am дуу нь 2 дах сингл болон гарчээ. Энэ сингл нь өмнөх 2 дахь цомгийн анхны сингл My Name Is-ээс илүү хувь зарагджээ. My Name Is дууныхаа клипэнд рок дуучин Marylin Manson-г элэглэсэн маягаар гаргажээ. Цомгийн 3 дахь сингл болох Stan нь Q сэтгүүлийн бүх цаг үеийн шилдэг реп дуугаар тодорч, мөн Top40-Charts.com сайтад бүх нийтийн санал асуулгаар 10-р байранд эрэмбэлэгдсэн байна. Үүгээр зогсохгүй Rolling Stone сэтгүүлээс гаргасан бүх цаг үеийн шилдэг 500 дууны жагсаалтын 296-р байранд орсон байна. 2000 оны 07 дугаар сард The Source сэтгүүлийн нүүрэнд анхны цагаан арьст уран бүтээлчээр нэрлэгдсэн байна. The Marshall Mathers LP цомог нь дэлхий даяар 32 сая хувь борлогдож 2011 оны 03 дугаар сард RIAA-д шилдэг Diamond цомгоор батлагдсан байна.

Түүний дараагийн ээлжит бие даасан цомог болох The Eminem Show нь 2002 оны 05 дугаар сард худалдаанд гарсан байна. Цомог нээлтээ хийснээс хойш долоо хоногийн дотор 1,332 сая хувь борлогдож чартын 1-рт эрэмбэлэгджээ. Эхний синглээр Without Me гарч энэхүү дуундаа Limp Bizkit, Dick Cheney, Lynne Cheney, Moby болон бусад уран бүтээлчдийг гутаасан утгатай дуу гарчээ. The Eminem Show цомог нь дэлхий даяар 30 сая хувь борлогдож, 2002 оны сайн борлогдсон цомгоор тодорчээ.

2003-2007: Encore ба Уран бүтээлийн завсарлага үе[засварлах | edit source]

Энэ үед түүний ар гэрийн амьдрал хүндхэн байсан бөгөөд ээжийнх нь хэрэг нилээн хурцдаж байлаа. Мөн тэр энэ үед Vocodin Ambien гэх мэт тайвшруулах эмэнд хэт донтож хамааралтай болсон байлаа. Анх удаа тэр 8 миль киноны зураг авалтын үеэр маш их ядрахад нь хэн нэгэн(зүгээр би мэдэхгүй мэдэх нэгэн нь засчих) түүнд амбиен санал болгосон байна. Энэ нь түүний хэдэн жилийн турш үргэлжилсэн мансууруулах бодисын асуудлын эхлэл болжээ.Түүний Curtain Call: The Hits цомогт багтсан FACK дууны утгын тухайд фэнүүдээс нь маш их шүүмжлэл болон гайхшран дургүйцэн сэтгэгдэл ирсэн бөгөөд сүүлд тэрбээр үүнд тайлбар хийхдээ: "Амбиен чамайг хоногт 2 оос дээш цаг унтуулахгүй. Чи бүхэл өдрийн турш яг л новш шиг болох болно" гэсэн байна. Тэр энэ үед жин маш их нэмдэг байсан. Шалтгаан нь Vocodin уусны дараа ходоодыг түлж маш их өвтгөдөг. Үүнээс сэргийлж тэр эм уух болгондоо юу ч хамаагүй идсээр маш их жин нэмсэн байсан.Тэр нэгэн удаа эмийнхээ тунг хэтрүүлэн 40 өөс дээш ширхэгийг нэг дор хэрэглэн ухаан алдсанаас эмнэлэгт хүргэгджээ. Түүнийг эмч нар "2 цагийн дараа ирсэн бол үхэх байсан" гэж хэлсэн байна.

2008-2009: Relapse ба Refill[засварлах | edit source]

2010-2011: Recovery ба Bad Meets Evil-ийн нэгдэл[засварлах | edit source]

2012-2013: The Marshall Mathers LP 2[засварлах | edit source]

2014-2016: Shady XV ба Southpaw[засварлах | edit source]

2014 оны 08 дугаар сарын 25-нд Billboard-аас репперийн маань шинэ цомог гарах болсныг зарлаж энэхүү цомог Shady XV нэртэйгээр 11 дүгээр сарын 24-нд худалдаанд гарахаар болсон байна. Тэрээр шинэ цомгоо түүний 2 дах студийн цомог болох The Slim Shady LP болон Shady Records-ийн 15 жилийн ойд зориулж гаргаж байгаа юм. Тус цомог 2 дисктэйгээр гарах ба түүний бүх цаг үеийн шилдэг хит дуунууд, Shady Records-ийн уран бүтээлчид болох D12, Slaughterhouse, Bad Meets Evil, Yelawolf нартай хамтарсан дуунууд болон цоо шинэ дуунууд нь багтжээ. Шинэ цомгийн эхний сингл Guts Over Fear 08-р сарын 25-нд гарч энэхүү дууг дуучин, дуу зохиогч Sia-тай хамтран бүтээжээ.

2014 оны 10 дугаар сарын 29-нд цомгийн дууны жагсаалтуудыг зарлаж Shady Records-оос хийсэн cypher-ийн видео цацагдаж Eminem 7 минутын freestyle хийжээ. 2014 оны 11 дүгээр сарын 11-нд цомгийн 3 дах сингл Detroit Vs. Everybody цацагдаж энэхүү дуунд Eminem, Dej Loaf, Royce Da 5'9", Danny Brown, Big Sean болон Trick Trick репперүүд ажиллажээ. Ийнхүү Shady XV цомог 2014 оны 11 дүгээр сарын 24-нд болон Black Friday (Хар баасан гариг)т худалдаанд гарч мөн цомгийн бүтэц нь 2 дисктэйгээр бүтээгдсэн бөгөөд 1-р дискэнд Shady Records-ийн 12 шинэ дуунууд орж 2-р дискэнд 2000-2012 оны хоорондох Greatest Hits-үүд багтаж тус цомог дээр D12, Slaughterhouse, Bad Meets Evil, болон Yelawolf нар ажиллажээ. Тус цомог Billboard 200 чартын 3-т жагсаж, АНУ-д эхний долоо хоногтоо 138,000 хувь борлогджээ.

2015 оны 03 дугаар сарын 15-нд өөрийн урлагийн карьерт гаргасан 8 цомгуудаа (Infinite-ийг хасаад) хуурцаг хэлбэрээр гаргаж худалдаанд гаргаж, үүнээс гадна 8 Mile киноны дуунууд, Eminem Presents: The Re-Up, Curtain Call: The Hits зэрэг цомгууд нь ч багтжээ.

2017-Одоо: Revival[засварлах | edit source]

Цомог[засварлах | edit source]

Үндсэн өгүүлэл: Эминэмийн цомгууд

Бие даасан

D12

Аялан тоглолт[засварлах | edit source]

Цахим холбоос[засварлах | edit source]

 Commons: Эминэм – Викимедиа зураг, бичлэг, дууны сан