VI Паул

Төгс жаргалт, Ромын Пап VI Паул
Пап VI Паул 1963 онд
Өргөмжлөгдсөн1963 оны 6 дугаар сарын 21
Сэнтийнээс буусан1978 оны 8 дугаар сарын 6 (15 жил, 46 хоног)
ӨмнөхXXIII Иохан
ДараахI Иохан Паул
Санваартны хэргэм хүртсэн1920 оны 5 сарын 29
Хамба ламын хэргэм хүртсэн1954 оны 12 сарын 12
Кардиналаар томилсон ПапXXIII Иохан
Хувийн мэдээлэл
Жинхэнэ нэрЖованни Баттиста Энрико Антонио Мариа Монтини
Төрсөн1897 оны 9 сарын 26 (1897-09-26)
Бресча, Италийн Вант Улс
Нас барсан6 August 1978(1978-08-06) (80 насалсан)
Кастель Гандолфо, Итали
УлсИтали
Гарын үсэг{{{signature_alt}}}
Гэгээн
Тэмдэглэлт өдөр9 сарын 26
Хүндлэгддэг шашинРомын Католик шашин
Адислагдсан2014 оны 10 сарын 1
Гэгээн Петрийн талбай, Ватикан
Адисласан хүн Пап Францис
ИвээгчМилан хотын шашны их хүрээ
Сүлд тэмдэгCoat of Arms of Pope Paul VI.svg

Гэгээн хутагт, Ромын Пап VI Паул нь Ромын католик шашны 262 дахь тэргүүн, Ватикан улсын төрийн тэргүүн байв. 1963 онд Пап XXIII Иоханы сэнтийг залгамжилсан. Ватиканы II Дээд Хуралдааныг тэргүүлэн шашны шинэчлэлийг эхлүүлэх, бусад итгэл бишрэлтэй илүү ойр харилцахыг эрхэмлэж байсан зэргээр түүний сэнтийд заларч байсан үеийг тодорхойлж болно.

Бага нас[засварлах | кодоор засварлах]

Жованни Баттиста Монтини 1897 онд Ломбардид төрсөн. Түүний эцэг нь хуульч, сэтгүүлч мэргэжилтэй бөгөөд Италийн Парламентийн гишүүнээр ажиллаж байв. Жиованни хоёр ахтай байсан. Том ах Франческо Монтини нь эмч мэргэжилтэй, удаах ах Лодовичо Монтини нь хуульч, улс төрч байсан.

1897 оны 9 сарын 30-нд Ромын католик шашны заншлаар ариун угаал хүртсэн. 1916 онд ахлах сургуулиа төгссөний дараа католик шашны санваартны сургуульд элсэн орж 1920 онд санваартны хэргэм хүртсэн. Тухайн ондоо Миланд үргэлжлүүлэн суралцаж Шашны номлол судлалаар докторын зэрэг хүртсэн. Үүний дараа Григорийн их сургууль, Ромын Сапиенза их сургуульд суралцаж эрдмийн зэрэг хүртсэн.

Шашны хүрээнд санваартнаар ажиллахаас гадна нийгмийн амьдралд идэвхтэй оролцдог байв. 1925 онд Христийн шашны өв соёлыг дэлгэрүүлэх зорилготой хэвлэлийн газрыг хамтран нээж ажиллуулж эхэлсэн.

Ромын Пап болохын өмнөх үеийн амьдралын замнал[засварлах | кодоор засварлах]

Папын нунцаар томилогдсон нь[засварлах | кодоор засварлах]

Жоржо Монтинигийн хувьд Папын нунцаар томилогдон ажилласан анхны бөгөөд цорын ганц улс нь Польш юм. 1923 онд Ватиканаас Варшавт суух нунцаар томилогдсон ч Польш улс дахь хэт үндэстний үзэлтнүүд газар авч, үймээн дэгдээж байснаас шалтгаалан аюулгүй байдлын үүднээс Ромоос түүнийг эгүүлэн татжээ.

Пап XII Пиогийн үе[засварлах | кодоор засварлах]

1920 онд Жовани Монтинигийн санваартны хэргэм хүртэх ёслолын үеэр татуулсан гэрэл зураг

Жовани Монтинигийн мэдлэг боловсролтой, мөн зохион байгуулах болон бусдад зааж сургах төрөлхийн авьяас чадварыг нь үнэлэн 1931 оноос түүнийг Ромын Папын Дипломат Академид түүхийн профессороор ажилуулж эхэлсэн байна. 1937 онд Ромын Пап, Гэгээн хутагт XII Пиогийн Төрийн хэрэг эрхлэх газарт Төрийн нарийн бичгийн даргын шууд удирдлага дор өдөр тутмын албан хэрэг эрхлэн хамаарагч болжээ.

Дэлхийн II дайны үеэр Жовани Монтини Паптай илүү ойр харилцаж, хамт мөргөл залбирал хийх болов. Жовани Монтини Ромын Папын шашны болон улс төрийн үйл хэрэгт туслах болсноор Италийн дарангуйлагч Бенито Муссолинигийн зүгээс өдөөн хатгалга болон дарамт шахалтад өртөх болов.

Дэлхийн II дайны хүнд хэцүү жилүүдэд Ватиканы удирдах тогтолцоог дайны нөхцөл байдалд тохируулан зохион байгуулах, шашны мөргөл зан үйл, шашны сургуулиудын үйл ажиллагааг хэвийн үргэлжлүүлэх, дайны хохирогч, дүрвэгсдэд тусламж үзүүлэх зэрэг ажлуудыг гардан зохион байгуулж байв.

Жовани Монтинигийн санаачилгаар Папын ордон болон Ватиканы бусад ордныг нээн дайны аюулд өртсөн 15000 гаруй хүмүүсийг оруулж, эмчлэн сувилах, хоол хүнсээр хангах ажлыг эхлүүлжээ. Мөн Холбоотны цэргүүдэд тусламж хүргэх, фашизмын эсрэг тэмцэж Тэнхлэгийн хүчний хорих газраас ирсэн хүмүүсийг орогнуулан хамгаалж байжээ.

Дэлхийн II Дайн дууссаны дараа Жовани Монтини Папын тусламжийн санг өргөтгөн бие даасан байгууллага болгож "Каритас Итали"-ийг байгуулсан нь өнөөдөр дэлхий даяар үйл ажиллагаа явуулж буй Олон улсын хүмүүнлэгийн Каритас байгууллагын эхлэл болжээ.

Милан хотын шашны их хүрээний хамба болсон нь[засварлах | кодоор засварлах]

1953 онд Миланы шашны их хүрээний хамба, Италийн хамба нарын Зөвлөлийн Нарийн бичгийн даргаар томилогджээ. Миланы шашны их хүрээнд хамбаар ажиллах болсноор түүний үзэл бодол олон нийтэд ил тод хүрэх болсон байна. Жовани Монтини үзэл бодлын хувьд өмнөх үеийн хамба нараас ялгаатай, зарим тохиолдолд эрс тэс байв. Тэрээр католик шашинтнууд протестантууд болон бусад шашинтнуудыг ч хүндэтгэн хүлээн авах хэрэгтэй гэж үздэг байжээ. 1957 онд Милан хотод айлчилсан Англикан сүмийн санваартнуудтай найрсаг харилцаа холбоо тогтоон Кантербэригийн хамбатай захидлаар харилцах болсон байна.

Кардиналаар өргөмжлөгдсөн нь[засварлах | кодоор засварлах]

1958 оны 10 сард Пап XII Пио нас барж Ватиканы нууц зөвлөгөөнөөр Анжело Ронкалиг шинэ Папаар сонгожээ. Шинээр сонгогдсон Анжело буюу Пап XXIII Иохан тус оны 11 сард шинэ кардиналуудыг томилохоор нэрс зарласны дотор Жовани Монтини багтсан байв.

1958 оны 12 сарын 15-нд Пап XXIII Иохан түүнийг кардиналаар өргөмжлөв. Жовани Монтини кардинал болсныхоо дараа дэлхийн олон орноор айлчилжээ. Кардинал байх хугацаандаа 15 удаа гадаад улс оронд айлчилснаас дурьдвал 1960 онд Бразил, АНУ-ын Нью Йорк хот, Вашингтон хот, Чикаго хот, Индиана муж улсын Нотр Дам их сургууль, Бостон хот, Филадельфиа, Бальтиморт, 1962 онд Африкийн Гана, Судан, Кени, Леопольд Вангийн нутаг дэвсгэр (Одоогийн БН Конго Улс), Өмнөд Африк, Нигери улсуудад айлчилжээ.

Ромын Пап болсон замнал[засварлах | кодоор засварлах]

Ватиканд Пап XII Пий болон Пап XXIII Иохантай ойр дотно мөн шашны номлол сургаалийг сайн судалсан тул дараагийн Папаар сонгогдох хамгийн өндөр магадлалтай кардинал хэмээн түүнийг үзэж байв. 1963 оны 6 сарын 3-нд Пап XXIII Иохан хорт хавдрын улмаас жанч халж, шинэ Ромын Папыг сонгох Нууц зөвлөгөөн эхэлжээ.

Ватиканы Нууц Зөвлөгөөний 6 дахь удаагийн хуралдаанаар Жовани Монтини Ромын Папаар сонгогджээ. Кардиналуудын Коллежийн тэргүүн түүнд санал хураалтаар түүнийг сонгогдсныг хэлж, хүлээн зөвшөөрч байгаа эсэхийг асуухад тэр латин хэлээр Accepto, in nomini Dominis (Эзэн нэр алдраар зөвшөөрч байна) гэж хариулжээ.

Систиний дуганы яндангаар өглөөний 11цаг 22 минутанд цагаан утаа тавьж сүсэгтнүүдэд шинэ Ромын Пап сонгогдсоныг зарласан байна.


Өмнөх
XXIII Иохан
262 дахь Ромын пап
1963-1978
Дараах
I Иоанн Павел