Порше

"Порше" үгээр энд холбогдлоо. Бусад other uses, «Порше (disambiguation)»-с харна уу.

Dr. Ing. h. c. F. Porsche Aktiengesellschaft Др. Инж. х. др. Ф. Порше хувьцаат компани
Эрх зүйн хэлбэр	Хувьцаат Компани
Үүсгэн байгуулагдсан	1931
Төв байр	Штутгарт, Баден-Вюртемберг, Герман
Удирдлага	Оливер Блуме, (ТУЗ-ийн дарга, ерөнхий захирал) Вольфганг Порше, (ТУЗ-ийн дарга)
Ажилчид	≈ 27.600 (2016)
Эргэлтийн хөрөнгө	22,3 тэрбум EUR (2016)
Салбар	Автомашины аж үйлдвэр
Цахим хуудас	www.porsche.com

Штутгарт хот дахь үйлдвэрийн төв байр, Порше

1936 онд хийгдсэн Порше Тип 60, прототип буюу туршилтын загвар

Dr. Ing. h.c. F. Porsche AG (Товчилсон үгийн утга нь: Doktor Ingenieur honoris causa Ferdinand Porsche Aktiengesellschaft буюу орчуулбал: Доктор, инженер, хүндэт доктор, Фердинанд Порше хувьцаат компани) нь германы автомашин үйлдвэрлэгч бөгөөд төв нь Штутгарт хотын Цуффенхаузен дүүрэгт байрладаг. Энэ компани нь 1931 онд Поршегийн Фердинандын Штутгарт хотод анх үүсгэн байгуулсан зохион бүтээх товчооноос үүсэлтэй бөгөөд дараа нь автомашины үйлдвэрлэлд орон спорт загварын автомашин үйлдвэрлэх болсноор эхэлсэн түүхтэй. Порше нь 2009 оноос хойш Фолксваген концернд харьяалагдах болсон.

Түүхэн замнал

1931-1937 он: Др. Инж. х. д. Ф. Порше ХХК

1931 оны дөрөвдүгээр сарын 25-нд Фердинанд өөрийн гэсэн зохион бүтээх албан байртай болон түүндээ Др. Инж. х. д. Ф. Порше ХХК, хөдөлгүүр- болон автомашины зохион бүтээц болон зөвлөгөө гэсэн нэр өгөн бүртгүүлээд, үйл ажиллагаа явуулж эхэлсэн аж. Компанийн анхны ажилтнуудын тоонд түүний хүү Поршегийн Ферригээс гадна ахлах инженер Карл Рабе, хурдны хайрцаг буюу дамжуулагчийн мэргэжилтэн Карл Фроелих, дотоод шаталтын хөдөлгүүрийн мэргэжилтэн Жозеф Калес болон тэнхлэгийн хийцийн мэргэжилтэн Жозеф Цаарадник нараас бүрдэж байлаа.

Анхны захиалгат автомашины загварууд нь хэт өндөр өртөгтэй байснаас шалтгаалан цуврал бүтээгдэхүүн болж чадаагүй. Ингээд 1933 онд Авто Унионы захиалгаар уралдааны автомашин хийх гэрээ авсан бөгөөд 16 цилиндр бүхий ардаа мотортой автомашины загвар гаргасан нь маш амжилттай болсон.

1934 онд германы автомашины аж үйлдвэрийн холбооны захиалгаар Фолксваген (ард түмэнд зориулсан хямд үнэтэй автомашин) зохион бүтээх гэрээ хийсэн бөгөөд энэ нь сүүлд КдФ-Ваген буюу Фолксваген Кэфер гэсэн нэртэй болсон. Энэ захиалгын гэрээ болон түүнээс хамааралтайгаар бий болсон шинэ компани болох Фолксваген G.m.b.H.-д Фердинанд Порше нь үндсэн захирлаар ажиллан өнөөгийн Фолксваген концерны эх суурийг тавьсан юм.

1937-1972 он: Др. Инж. х. д. Ф. Порше КГ

Түүний инженерийн товчоо нь орлого сайтай байсан учир 1937 онд коммандит гезеллшафт (германы аж ахуйн нэгжийн бас нэг хэлбэр) болгон өөрчилсөн бөгөөд энэ компанийн хэлбэр нь 1972 он хүртэл үргэлжлэв. 1937-1945 оны хооронд Порше КГ Фолксваген үйлдвэр нь нийт 20,6 сая Райхсмаркийг автомашины хөгжүүлэлт, туршилт болон бусад үйлчилгээнд зарцуулсан байна. 1937 онд германы ажилчин ангид зориулсан ард түмний трактор зохион бүтээх захиалга авсан байдаг. Дэлхийн 2-р дайны үеэр Поршегийн хийсэн бүтээлүүдэд шумбагч автомашин болон бага оврын дайны зориулалттай жип буюу бартаат замын тэрэг орохоос гадна 1939 онд хөнгөн жинтэй танк үйлдвэрлэх захиалга ч авч байж. Мөн түүнчлэн танкийн загварууд болох тигер, элефант, маус зэргийн хийцийн зураг төсөл гаргах захиалгууд авч байснаас, түүний зохион бүтээсэн бензин болон цахилгаан моторт тигер танкийн хөдөлгүүрийн найдваргүй ажиллагаа болон үйлдвэрлэлтийн өндөр өртөгөөс шалтгаалан үйлдвэрлэгдээгүй юм.

Поршегийн Ферри нь 1947 онд эцгийнхээ Штутгарт дахь компанийг өөрийн нэр дээр шилжүүлэн авч үйл ажиллагааг нь үргэлжлүүлсэн бөгөөд учир нь тухайн үед түүний эцэг Фердинанд францын дайны хоригдлоор хоригдож байсан аж.

1951 онд Фердинанд Порше нас барсны дараа түүний хүү Поршегийн Ферри компанийн хөрөнгийн талыг өвлөн авч өнөөдрийн олны мэдэх уралдааны загварын автомашин үйлдвэрлэж эхэлсэн аж. Мөн Поршегийн эмблем болон Поршегийн тугны сүлд тэмдгийг Ферри зурж гаргасан байна. Ферригийн эгч Лоуйзе Порше нь Антон Пиёхтэй суусан бөгөөд мөн компанийн хөрөнгийн үлдсэн талыг нь өвлөн авсан юм.

• 
  Порше 356
• 
  Порше Элефант, танкийн загвар

1972 он: Др. Инж. х. д. Ф. Порше ХК

1972 онд Др. Инж. x. д. Ф. Порше коммандит гезеллшафт гэсэн компанийн хэлбэрээс хувьцаат компани болон өөрчлөгдсөн. Эгч дүүсийн хооронд нэлээд хэд хэдэн удаа удирдлагын үүрэг хариуцлагаас улбаалан маргаан гардаг байв. Тиймээс Ферри Порше болон түүний эгч Лоуйзе Пиёх нараас хойш ахин гэр бүлийн хүмүүсийг компанийн удирдлагаар томилохгүй байх шийдвэрийг эгч дүүс гаргасан байна. Үүнээс хамааралтайгаар Фердинандын ач нар болох хөгжил хариуцсан дарга Фердинанд Пиёх, үйлдвэрлэлт хариуцсан дарга Ханс-Петер Порше болон ахлах дизайнер Фердинанд Александр Порше нар ажлаа орхин гарсан байна.

1980-аад он хүртэл цөөн тооны спорт загварын автомашин үйлдвэрлэж байсан ч түүнээсээ олсон орлого нь зах зээлд амжилттай оршин тогтнох боломжийг олгож байсан гэж өөрсдөө дүгнэн үздэг аж. Харин 80-аад оны сүүлээр долларын ханшын хэт уналтаас шалтгаалан эдийн засгийн хүнд байдалд орсон. Ингээд 1991-1992 оны хооронд нийт 23.000 автомашин борлуулсан бөгөөд энэ хугацаанд 240 сая дойч маркийн алдагдалтай ажилласан байна.

1992 онд Виедекингийн Венделин ерөнхий захирлаар томилогдон 2009 хүртэл ажилласан. Энэ хугацаанд дэлхийн хамгийн өндөр орлоготой компани, Штутгарт хотын хамгийн их татвар төлөгч компани болсноор Даймлер-Бенцийг ч ардаа орхисон байна. 2006 онд Порше нь нийт 97.000 автомашин үйлдвэрлэсэн бөгөөд энэ тоогоороо германд хамгийн жижиг бие даасан автомашин үйлдвэрлэгч компани юм.

Компанийн лого

• 
  Ваймарын Нэгдсэн Улсын нэгэн муж улс байсан Бүгд Найрамдах Вюртемберг Улсын сүлд 1922-1933 он
• 
  Штутгарт хотын сүлд

Kомпанийн тухай

Үйлдвэрлэлт явуулдаг газрууд

Төв байршил болох Штутгарт хотын Цуффенхаузен дахь үйлдвэрээс гадна Лайпциг хотын салбар үйлдвэр болон бусад европын улсуудад автомашины үйлдвэрлэлээ явуулдаг. Мөн түүнчлэн Финландын Валмет Автомотиве компанид Порше Каиманыг үйлдвэрлэж байгаад сүүлд буцаан германд үйлдвэрлэх болсон. SUV буюу бартаат замын тэрэг болох Каиеннег Словакид байх Фолксваген Братиславд үйлдвэрлэдэг.

Эргэлтийн хөрөнгийн тоон үзүүлэлт

Он	Татварын өмнөх ашиг (Сая. Евро)	Эргэлтийн хөрөнгө (Тэрбум. Евро)	Нийт борлуулалт (Автомашин)
1994/1995	5,8	1,333	21.124
1995/1996	27,9	1,438	19.262
1996/1997	84,5	2,093	32.383
1997/1998	166	2,591	36.686
1998/1999	357	3,161	43.982
1999/2000	434	3,648	48.797
2000/2001	592	4,442	54.586
2001/2002	828	4,857	54.234
2002/2003	933	5,582	66.803
2003/2004	1.088	6,148	76.827
2004/2005	1.238	6,574	88.379
2005/2006	2.110	7,273	96.794
2006/2007	5.857	7,368	97.515
2007/2008	1.228a	6,247a	98.652b
2010	1.736	9,232	96.473
2011	2.108	10,928	116.978
2012	2.648	13,865	143.096
2013	4.187	14,326	155.094
2014	4.320	17,205	187.208

^a Энэ тоо зөвхөн Порше ХК-д хамаарна
^b Охин компаниудтайгаа хамт нийт борлуулалтын тоо

Германы зах зээлд гарч байгаа суудлын автомашины эзлэх хэмжээ

Он	Нэгж ширхэгээр	Зах зээлд эзлэх хувь
2014	24.365	0,80 %
2013	20.799	0,70 %
2012	20.516	0,70 %
2011	18.690	0,60 %
2010	16.257	0,56 %
2009	15.343	0,40 %
2008	16.221	0,52 %
2007	17.663	0,56 %
2006	17.490	0,50 %
2005	16.565	0,50 %
2004	16.223	0,50 %
2003	14.252	0,44 %
2002	12.212	0,38 %
2001	11.683	0,35 %

Эx үүсвэр: Холбооны германы тээврийн газар

Загвар

Цуврал загварууд

Он тооллын дараалал

Үйлдвэрлэсэн хугацаа	Үйлдвэрлэлийн цуваа	Тайлбар	Зураг
Цуврал спорт загварын боксер мотортой автомашин
1948–1965	Порше 356	Анхны цувралаар үйлдвэрлэсэн автомашин бөгөөд Порше 911-ийн яг өмнөх загвар юм. 356, 356 A, 356 B, 356 C гэсэн нэртэйгээр борлуулагдсан.
1954–1956	Порше 550	Порше 356 дээр суурилан хөгжүүлсэн уралдааны автомашин ба цөөн тоогоор хэрэглэгчийн захиалгаар бас үйлдвэрлэсэн.
1964–1989	Порше 911 сонгодог загвар	Поршегийн хамгийн алдартай, цувралаар үйлдвэрлэгдсэн спорт загварын автомашин. Анх 1963 онд Майны Франкфурт хотод болсон олон улсын автомашины үзэсгэлэн дээр Порше 901 гэсэн нэртэйгээр олонд танилцуулсан. Харин Peugeot, 901 гэсэн дугаарыг хэрэглэж болохгүй хэмээн шүүхэд өгсөний улмаас Порше 911 болгон өөрчилсөн юм.
1965–1969 болон 1976	Порше 912	911-г бодвол арай хүч багатай, 356 SC-д хэрэглэж байсан дөрвөн цилиндрт мотортой хувилбар. Моторын чадлыг 95 м.x.нээс 90 м.x. болгон багасгасан.
1970–1976	Порше 914	VW-Порше 914 Фолксвагентай хамтран ажилласанаар бүтсэн автомашин юм. 914/4 загвар нь дөрвөн цилиндрт мотортой бол 914/6 гэсэн тэмдэглэгээтэй загвар нь зургаан цилиндрт мотортойгоор худалдаанд гарсан.
1971	Порше 916	Порше 916 нь 914/6-загвар дээр суурилсан. Түүнд угсарсан зургаан цилиндрт мотор нь Порше 911 S-с авсан. Энэ загварыг ердөө л 11 ширхэгийг үйлдвэрлэжээ.
1975–1989	Порше 930	„911 Турбо“ гэсэн нэрээр илүү танил бөгөөд энэ турбо-техникийг эхлээд BMW цуврал үйлдвэрлэлдээ хэрэглэж эхэлсэнээс хойш хоёр жилийн дараа Порше ч мөн цувралаар ашиглаж эхэлжээ.
1987–1988	Порше 959	1983 онд 911-ийн суурь дээр бүтээгдсэн загвар. Порше 959-загвараас нийт 200 ширхэгийг үйлдвэрлэсэн байдаг.
1988–1993	Порше 964	Энэ загварт Порше 959-с маш олон эд анги авч ашигласан. Мөн анх удаа дөрвөн дугуй хөтлөгчтэй 911, Каррера 4, зэрэг болон 959 гаралтай техникээс ч мөн ашиглажээ. 964 нь маш олон их биеийн хувилбартай.
1993–1998	Порше 993	Порше 993 нь aгаарын хөргөлт бүхий боксер моторт 911 хувилбарын сүүлчийн загвар юм. 993 нь өмнөх загвар 964-тэй адил коупе, кабрио, турбо болон 1987 онд үйлдвэрлэгдэж байсан Тарга-с хойш анх удаа цахилгаан удирдлагатай шилэн дээвэртэй хийгджээ.
1996–2004	Боксстер/Tип 986	Порше Боксстер-ын анхны хувилбар. Энэ тэрэг нь зургаан цилиндрт-бокссер-дунд байрлалтай мотортой бөгөөд түүнийг зөвхөн родстер загвараар л үйлдвэрлэв.
1997–2005	Порше 996	„Эльферс“ (911 загварыг ингэж нэрлэдэг, эльф гэдэг нь арван нэг гэсэн үг) цоо шинэ их биеийн хувилбар нь усан хөргөлттэй мотортойгоор угсрагдсан. Энэ загваруудын нэр нь: Каррера, Каррера 4 болон Каррера 4S мөн түүнчлэн эдгээрт хамааралтай кабрио хувилбарууд, цаашлаад Тарга, Турбо, Турбо S, 911 GT2, 911 GT3-с гадна 300 ширхэгээр үйлдвэрлэлтийг нь хязгаарласан 911 GT3 RS зэрэг ордог.
2004–2009	Боксстер/Тип 987	Порше Боксстер-ийн дараагийн хувилбар. Үүнийг 2004 оны арваннэгдүгээр сараас эхлэн худалдаанд гаргажээ.
2004-2011	Порше 997	996-ийн залгамж үе. Каррера, Каррера S, Каррера 4, Каррера 4S, Тарга 4, Тарга 4S, Турбо, GT3, GT3 RS, GT2 болон GT2 RS гэсэн загваруудаас сонгох бололцоотой байв.
2005–2012	Порше Каиман (Тип 987c)	Энэ Порше Боксстерд суурилсан ба 2005 оноос 2012 оны хооронд худалдаалагджээ. 911-тэй харьцуулахад Каиман нь хоёр хүний суудал бүхий цэвэр спорт коупе загвар юм.
2011 оноос хойш	Порше 991	997-ийн залгамж үе буюу одооны 911-цуваа бөгөөд 2011 онд анх Майны Франкфуртын автомашины үзэсгэлэнд гаргасан юм.
2012 оноос хойш	Боксстер/Тип 981	Порше Боксстер-ийн одооны үйлдвэрлэж байгаа хувилбар. 2012 оны дөрөвдүгээр сарын 14-с борлуулж эхэлсэн.
2013 оноос хойш	Порше Каиман (Тип 981c)	Порше Каиман (Тип 987c)-н дараах үеийн загвар нь 2013 онд худалдаанд гарсан.
Цувралаар үйлдвэрлэгдсэн цуваа байрлалт мотортой, спорт загварын автомашин
1976–1988	Порше 924	Энэ тэрэг нь анхандаа VW-Порше 914-ийн залгамж үе болгон Фолксвагенд зориулан бүтээгдсэн ба эхний загваруудад Аудигийн сайжруулсан моторыг угсарчээ.
1979–1982	Порше 931	Порше 931 нь „Порше 924 Турбо“ гэсэн нэртэйгээр 1980-аад оны эхээр борлуулагдсан
1981	Порше 937	„Порше 924 Каррера GT“ нэртэй худалдаалагдсан бөгөөд уралдааны загвартай Порше 924 Каррера GTS-ийн гудамжны зөвшөөрөлтэй хувилбар юм.
1981–1991	Порше 944	Порше 92-ийн залгамж нь коупе болон кабрио хэлбэртэй үйлдвэрлэгдэн 1980-аад оны Порше компанид хамгийн их орлого оруулсан автомашин юм. Үндсэн их бие нь Порше 924-өөс гаралтай ба харин дугуйн дээд хэсгийн хормойг өргөтгөн 924 Каррера GTS-тэй төстэй болгожээ.
1985–1991	Порше 951	Порше 951 нь „Порше 944 Турбо“ нэртэй зах зээлд гарсан. Энэ тэрэг нь 944-цувралын шилдэг загвар нь байсан юм.
1992–1995	Порше 968	Порше 944-ийн залгамж халаа. Коупе, кабрио болон КС (Клубспорт) загвартайгаар нийт 11.241 ширхэгийг 1992 оноос 1995 оны хооронд үйлдвэрлэжээ. Турбо-хувилбарыг 305 м.x. мотортойгоор 1993-1994 онуудад 10 ширхэгийг үйлдвэрлэв.
Цуврал спорт загварын Ү-мотортой (цилиндрийн байрлал салаа хэлбэртэй) автомашин
1977–1995	Порше 928	Энэ загвар нь Порше 911-ийг орлон гарч ирэх ёстой байв. Энэ автомашин нь Гран Турисмод хамаардаг. Түүнд салаа найман цилиндртэй мотор угсран 1995 он хүртэл үйлдвэрлэжээ. Шилдэг загварт 928 GTS ордог.
2003–2006	Порше Каррера GT	Тухайн үед Поршегийн үйлдвэрлэсэн хамгийн хүчтэй цуврал автомашин юм. Цувралаар үйлдвэрлэх бүрэн бололцоотой уралдааны зориулалттай автомашин. Түүний үйлдвэрлэлтийг 2006 оны тавдугаар сард 1270-ширхэгээр зогсоосон аж.
Дээд ангиллын лимузин, Ү-мотортой
2009 оноос хойш	Порше Панамера	Энэ дөрвөн хаалгатай спорт купье нь 2009 оноос хойш худалдаанд гарсан. Моторыг нь төв байр болох Цуффенхаузенд үйлдвэрлэсэн бол их биеийг нь Ханновер хот дахь Фолксвагены үйлдвэрт үйлдвэрлэн эцсийн угсралтыг Лайпциг хотод байрлах Поршегийн салбар үйлдвэрт хийж гүйцэтгэдэг байна.
Sport Utility Vehicles (SUV)
2002–2010	Порше Каиенне (Тип 9PA)	Поршегийн цувралаар үйлдвэрлэсэн анхны SUV-загвар. Каиенне, Каиенне S, Каиенне Турбо, Каиенне Турбо S болон Каиенне GTS загваруудаас сонгох боломжтой. Эдгээр загвар нь Фолксваген Тоуарег болон Ауди Q7 хоёртой нэг суурь дээр хийгдэх бөгөөд ихэнхийг нь Братиславын салбар үйлдвэртээ угсардаг. Tөгсгөлийн угсралтыг Порше Лайпциг ХХК хийж гүйцэтгэдэг.
2010 оноос хойш	Порше Каиенне (Тип 92A)	Порше Каиенне (Тип 9PA)-ийн дараах үеийн загвар.
2014 оноос хойш	Порше Макан	Макан нь Поршегийн хоёр дахь SUV-загвар юм. Энэ загвар нь Каиенне-г бодвол харьцангуй жижиг бөгөөд Ауди Q5 дээр суурилан хийгддэг.