Арсенал (хөлбөмбөгийн баг)

Чөлөөт нэвтэрхий толь, Википедиагаас
Харайх: Удирдах, Хайлт
Арсенал
Arsenal crest
Бүтэн нэр Арсенал клуб
Хоч нэр Их буучид
Байгуулагдсан 1886 он
Цэнгэлдэх хүрээлэн Эмирейтс, Лондон
(Багтаамж: 60,355)
Эзэн Арсенал Холдинг
Дарга АнглиПитер Хилл-Вуд
Менежер ФранцАрсен Венгер
Ахлагч НидерландРобин ван Перси
Лиг Премьер лиг
2011–12 Премьер лиг, 3-р байр
Вэбсайт Клубын вэбсайт
Red jersey with white trim on shoulders and sides, white shorts, white socks with red band
Өөрийн талбай дээрх хувцас хэрэглэл
Өрсөлдөгчийн талбай дээрх хувцас хэрэглэл
Гурав дахь хувцас хэрэглэл

Хөлбөмбөгийн Арсенал клуб (англ. Arsenal Football Club) нь Английн хөлбөмбөгийн клуб бөгөөд Лондон хотын хойд нутгаас гаралтай. Арсенал нь одоо Премьер лигт тоглодог бөгөөд Нэгдүгээр дивиз болон Премьер лигт нийт 13 удаа, АХХ-ны цомд 10 удаа түрүүлсэн Английн тэргүүн зэрэглэлийн клуб юм. Тус клуб Премьер лигт нэг ч хожигдолгүйгээр түрүүлж байсан клубийн нэг.

Арсенал клуб 1886 онд байгуулагдсан бөгөөд Хөлбөмбөгийн Лигт тоглосон өмнөд бүсийн анхны клуб бөгөөд 1930 оноос завсаргүй дөрвөн удаа тэргүүн лигт түрүүлэх үедээ хоёр удаа АХХ-ны цомын эзэн болж байв. 1970-71 оны улиралд лиг болон холбооны цом түрүүлснээрээ хорьдугаар зуун гараад лиг болон цомд давхар түрүүлсэн хоёр дахь клуб болсон ба 1998, 2002 онд онд мөн л дээрх амжилтаа давтсан билээ. 2006 оны Аваргуудын лигийн шигшээ тоглолтонд шалгарсан нь Лондоны клубүүдээс анхны тохиолдол байв.

Агуулга

Түүх [засварлах]

Үүсэл 1886-1920 [засварлах]

1949-2002 он хүртэлх Арсеналын эмблэм

Арсенал клуб Лондон хотын зүүн урд хэсэг Вулижэд байрлах "Ройал Арсенал" их бууны үйлдвэрийн "Диал Сквер" хэмээх 1886 онд байгуулагдсан ажилчдын хөлбөмбөгийн багаас эхлэлтэй. 1886 оны арваннэгэн сарын сүүлээр үйлдвэрийн механикч Дэвид Данскин, ажилчин Жек Хюмбле, Ноттингем Форест клубийн тоглогч асан Фрэд Бирдсли болон Моррис Батес нар багийн нэрийг "Ройал Арсенал" болгон албан ёсоор байгуулсан түүхтэй. 1886 оны арванхоёрдугаар сарын 11-ний Истерн Уондерерс багийг 6:0 харьцаагаар хожсон нь тэдний анхны тоглолт байв. 1891 онд мэргэжлийн гараагаа эхлэсэн Ройал Арсенал багийн нэрийг "Вулиж Арсенал" болгон өөрчилж 1893 онд Английн хөлбөмбөгийн лигийн тэмцээнд өмнөд нутгийг төлөөлөн оролцсон ажээ. Арван нэгэн улирлын туршид лигийн хоёрдугаар дивизэд тоглосон клубийнхэн 1904 онд дээд лиг рүүгээ дэвшин гарч иржээ. Гэвч нутгийн дэвжээ хатуудсан тэд 1910 онд 2-р дивизон руу унаж, улмаар дампууралын эрмэгт ороод байсныг Генри Норрис болон Виллиамс Халл нар худалдан авав. 2-р дивизон руу унасан багаа Норрис 1913 онд Хойд Лондонгийн Хайвэрид байх "Арсенал цэнгэлдэх хүрээлэн" руу нүүлгэв. Дараа жил нь нэрнээсээ Вулижийг авснаар одоогийн нэрээ олжээ. 1919 онд 2-р дивизоны 5-рт байранд улиралыг дуусгасан ч Арсенал доод лиг рүү унах ёсгүй өрсөлдөгч Тоттенхэм Хотспур багийг даран дээд лигт орж чадснаар өнөөгийн 2 багийн өш хонзон эхэлсэн гэж үзэх хүмүүс бий.[1]

Херберт Чапманы эрин 1925-1940 [засварлах]

1925 онд Чапманыг Арсенал баг ерөнхий менежерээрээ томилсон байна. Шинэ менежер бэлтгэл сургуулилалтад шинэлэг зүйлсийг оруулж, од тоглогчид болох Алекс Жэймс, Клифф Бастин нарыг багтаа элсүүлж чадснаар 1930-аад оны эхэн үеийн Английн хөлбөмбөгийг Арсенал ноёлох болов. Чапманы удирдлага доор 1929-30 онд Арсенал баг нь үүсэн байгуулагдснаасаа хойш анх удаа АХХ-ны цомыг гардаж, 1930-31 онд анхны лигийн аврага болжээ. Мөн цэнгэлдэх хүрээлэнгийн нь ойролцоох метроны буудлын нэр "Гиллеспи Роод" байсныг "Арсенал" болгосон нь Чапманы ажил байсан хэмээн үздэг. Лондоны метроны буудлууд хөлбөмбөгийн багийн нэрээр нэрлэгдсэн нь зөвхөн Арсенал юм. Оройн тоглолт хийхийн тулд анх гэрэлтүүлэг хэрэглэсэн ч, Английн хөлбөмбөгийн холбоо 1950-иад оныг хүртэл хүлээн зөвшөөрөөгүй юм. Лигийн тэмцээнд анх тоглогчдод номер зүүлгэсэн нь Чапман байлаа. Ганц Арсеналд бус Дэлхийн хөлбөмбөгийн ертөнцөд томоохон хувь нэмэр оруулсан Чапман 1934 онд уушигны сүрьегээр нас барж, түүний ажлыг Жой Шаав, Жорж Аллисон нар үргэлжлүүлсэн бөгөөд Арсеналыг 3 удаа лигийн аврага (1933-34, 1934-35, 1937-38), 2 удаа Хөлбөмбөгийн Холбооны аврага болгосон юм. Гэвч дэлхийн хоёрдугаар дайн эхлэснээр лиг завсарлажээ.

Дайны дараах давхар цом ба Фэйрс цом 1947-1980 [засварлах]

Дэлхийн хоёрдугаар дайн дууссаны дараа Аллисоныг залгамжилсан Том Виттакерийн хамтаар 1947-48, 1952-53 онуудад лигийн цомыг 2 удаа өргөж, 1949-50 онд АХХ-ны цомд түрүүлсэн боловч, баг уруудах замдаа орж 1950-иад онд томоохон цом шагнал авсангүй. 2 удаа лигт аман хүзүүдэж, 1969-70 онд анх удаа Европын тавцанд Хот хоорондын Фэйрс цомд түрүүлэв. Мөн 1970-71 онд Лиг болон АХХ-ны цомд түрүүлэн давхар цом авчээ. Гэвч давхар цом авахад байсан тоглогчид өөр өөрийн замыг хөөн багаас явж, 1970-аад онд цомд хүрэхийн даваан дээрх улирлууд үргэлжилж байлаа. 1972-73 онд Лигт 2-р байр эзэлж, 3 удаа хөлбөмбөгийн холбооны цомд аман хүзүүдэж (1971-72, 1977-78, 1979-80), 1979-80 оны УЕФА-гийн цомтой багуудын цомын тэмцээнд 2-р байрт орж байсан бөгөөд авч чадсан ганц цом нь 1978-79 оны АХХ-ны цом юм. Манчестер Юнайтедтай хийсэн уг тоглолтод, сүүлийн мөчид гоол оруулснаар Арсеналчууд 3-2-оор хожсон байна. Энэ тоглолт нь Арсеналын түүхэн хожлуудын нэгт зүй ёсоор тооцогддог.

Жорж Грэмын эрин 1986-1995 [засварлах]

1986 онд Арсеналын тоглогч асан Жорж Грэм ерөнхий менежер болж клубын 3 дахь Алтан үеийг авчирав. Томилогдоод эхний жил болох 1986-87 онд лигт түрүүлж, 1988-89 онд лигийн аваргын төлөө ширүүн тэмцэж байсан Ливерпүүлийг лигийн сүүлийн тоглолтод тэдний стадион болох Энфилдэд нь нэмэлт цагт хожин шуугиантайгаар аваргалав. Энэ тоглолт нь Арсеналын хамгийн алдартай тоглолтуудын нэг юм. 1990-91 онд ганц хожигдолтойгоор лигт аваргалж, 1993 онд АХХ-ны цом, Лигийн цомд даблдаж, 1994 онд УЕФА-гийн цомтой багуудын цомд тус тус түрүүлэв. Гэвч тоглогч авахдаа зуучлагч Рьюн Хаажаас хахууль авсан нь илэрч, 1995 онд багийн удирдлага халжээ. Дараагийн ерөнхий менежерээр Брюс Риох томилогдсон ч ганц улирал дуусгаад багаас явав.

Aрсен Венгерийн эрин 1996-өнөөг хүртэл [засварлах]

1990-ээд оны дундаас 2000 оны багийн өндөр амжилт нь 1996 онд ерөнхий менежерээр томилогдсон Арсен Венгертэй шууд холбоотой. Венгер шинэлэг тактик, бэлтгэлийн арга барил оруулахын зэрэгцээ Англи хүнд байхгүй зүйлийг гадаад тоглогчдоор нөхжээ. Хоолны дэглэм, архи уухыг хориглосон дүрэм гаргаж, гадаад тоглогчдыг хөгжүүлэх зэрэг нь Премьер лигт маш хүчтэй нөлөөлсөн байна. Мөн Венгерийн нөлөөнд автаагүй дасгалжуулагч ганц ч үлдээгүй гэж үздэг. Бярдсан хамгаалалт голлосон уламжлалт тоглолтоороо алдартай Арсеналыг 1980-аад онд "Famous 4" гэж хочлодог байв. 4 хамгаалагч болох Тони Адамс, Ли Диксон, Найжел Уинтербёрн, Мартин Киоун болон хаалагч Дэвид Симэн нараас бүрдсэн хана хэрэм мэт хамгаалалттай байснаас бусад багийн тоглогч, хөгжөөн дэмжигчид, сэтгүүлчид тэднийг "1-0-ийн Арсенал", "Уйтгартай, хамгаалахаас өөрийг хийдэггүй баг" хэмээн гоочлон дууддаг байлаа. Гэвч Венгер ирснээр энэ бүхэн эцэс болж, гадаад тоглогчдыг эрчимтэй хөгжүүлэн гайхамшигтай дамжуулалтыг зэвсгээ болгосноор хүчирхэг довтолгоотой баг болон хувиржээ. Венгер 1997-98 онд багийн түүхэнд 2 дахь болох лигийн аварга, АХХ-ны цомыг давхар авч, 2001-02 онд 3 дахь удаагаа давхар цом авсан байна. 1999-00 онд УЕФА-гийн цомд хоёр дугаар байрт орж, 2002-03, 2004-05 онуудад АХХ-ны цомд аваргалав. 2003-04 онд улирлын туршид ганц ч ялагдалгүй дуусгасан нь түүхэнд "The Invincibles" （Ялагдашгүй） хэмээн мөнхөрсөн юм. Үргэлжлүүлэн 49 тоглолт хожигдоогүй ба энэ амжилт нь өнөөг хүртэл эвдэгдээгүй байна. Мөн цомын тэмцээнийг оролцуулаад 2007 оны 4 сарын 9-нөөс 2007 оны 11 сарын 24-ний өдрийг хүртэл 28 тоглолт дараалан хожигдоогүй билээ. 2005-06 онд анх удаа УЕФА Аваргуудын Лигт аваргын төлөө тоглосон ч Барселонад хожигдсон юм. Венгерийн удирдлага доор 12 улирал өнгөрүүлэхдээ наймд нь Арсенал лигийн аварга, эсвэл хоёрдугаар байранд орж байлаа. 1993 онд Премьер лиг байгуулагдсанаас хойш аварга болсон 4 багийн （Манчестер Юнайтед, Блэкберн Роверс, Челси） нэг юм. Гэвч дараалан түрүүлсэн удаагүй. 2006 оны 6 сард 93 жил ашигласан Хайвэригээ орхин, шинэ Эмирейтс цэнгэлдэх хүрээлэн рүү нүүж, Аякс багтай хийсэн Деннис Бергкампын зодог тайлах тэмцээнээр нээлтээ хийжээ.

Тоглогчид [засварлах]

Тео Уолкотт

Нэгдүгээр багийн бүрэлдэхүүн [засварлах]

2010 оны наймдугаар сарын 13-ны байдлаар.[2]

Тэмдэглэл: Төрийн далбаанууд нь ФИФА буюу Олон улсын хөлбөмбөгийн холбоонд тухайн тоглогчийн аль улсын нэрийн өмнөөс тоглодог болохыг заасан.

Д. Байрлал Тоглогч
1 Испани GK Мануэль Альмуниа
2 Франц MF Абу Диаби
3 Франц DF Бакари Санья
4 Герман DF Пер Мертезакер
5 Бельги DF Томас Вермален
6 Франц DF Лоран Кошельни
7 Чех MF Томаш Росицки
8 Испани MF Микель Артета
9 Өмнөд Солонгос FW Пак Чу-Ён
10 Нидерланд FW Робин Ван Перси
11 Бразил DF Андре Сантос
11 Мексик FW Карлос Вела
13 Польш GK Войцех Шенсный
14 Англи FW Тео Уолкотт
15 Англи FW Алекс Окслайд Чамбэрлэйн
Д. Байрлал Тоглогч
16 Уэльс MF Аарон Рэмси
17 Камерун MF Александр Сонг
18 Франц DF Себастьен Скиллачи
19 Англи MF Жек Уилшир
20 Швейцари DF Йохан Журу
21 Польш GK Лукаш Фабиански
23 Орос FW Андре Аршавин
25 Англи DF Карл Женкинсон
27 Кот д'Ивуар FW Жирвиньо
28 Англи DF Киран Гиббс
29 Марокко FW Маруан Шамах
30 Израйль MF Иосиф Бенаёон
31 Япон FW Рио Мияачи
39 Франц DF Франсис Кокүэйлин
52 Дани FW Никлас Бентнер

Нөөц бүрэлдэхүүн [засварлах]

2010 оны наймдугаар сарын 13-ны байдлаар.[3]

Тэмдэглэл: Төрийн далбаанууд нь ФИФА буюу Олон улсын хөлбөмбөгийн холбоонд тухайн тоглогчийн аль улсын нэрийн өмнөөс тоглодог болохыг заасан.

Д. Байрлал Тоглогч
— Нидерланд MF Насер Баразит
— Англи DF Томас Круз
— Англи DF Крэйг Истмонд
— Англи MF Жей Эммануэль-Томас
— Камерун DF Седрик Эвина
— Гана MF Эммануэль Фримпонг
— Ирландын Бүгд Найрамдах Улс MF Конор Хендерсон
Д. Байрлал Тоглогч
— Англи DF Гэвин Хойт
— Англи MF Генри Лансбери
— Англи FW Рис Мёрфи
— Англи MF Марк Рэндалл
— Ирландын Бүгд Найрамдах Улс GK Жеймс Ши
— Англи FW Жей Симпсон
— Франц FW Жиль Суну
— Англи MF Санчес Уотт

Зээллэгээр явсан [засварлах]

Тэмдэглэл: Төрийн далбаанууд нь ФИФА буюу Олон улсын хөлбөмбөгийн холбоонд тухайн тоглогчийн аль улсын нэрийн өмнөөс тоглодог болохыг заасан.

Д. Байрлал Тоглогч
— Мексик FW Карлос Вела (Реал Сосьедад баг руу)
Д. Байрлал Тоглогч
— Дани FW Никлас Бентнер (Сандерланд баг руу)

Алдартай тоглогчид [засварлах]

Арсенал клубийн түүхэн дэх хамгийн олон гоол оруулсан тоглогч Тьерри Анри
  • Уэльс Боб Жон (1922–1937)
  • Англи Чарли Бьюкен (1925–1928)
  • Англи Том Паркер (1926–1932)
  • Англи Жек Ламберт (1926–1933)
  • Англи Жо Халм (1926–1937)
  • Англи Эдрис Хэпгуд (1927–1939)
  • Англи Дэвид Жек (1928–1934)
  • Уэльс Чарли Жонс (1928–1934)
  • Англи Клифф Бастин (1929–1947)
  • Шотланд Алекс Жеймс (1929–1937)
  • Англи Лесли Комптон]] (1930–1950)
  • Англи Жорж Мэйл (1930–1948)
  • Англи Фрэнк Мосс (1931–1936)
  • Англи Вильфред Коппинг (1934–1939)
  • Англи Тед Дрейк (1934–1939)
  • Англи Рег Льюис (1935–1953)
  • Англи Жорж Суиндин (1936–1953)
  • Англи Жо Мерсер (1946–1954)
  • Англи Дон Ропер (1947–1956)
  • Уэльс Жек Келси (1951–1962)
  • Англи Жорж Армстронг (1962–1977)
  • Шотланд Боб Уилсон (1963–1974)
  • Шотланд Фрэнк Маклинток (1964–1973)
  • Англи Жон Рэдфорд (1964–1976)
  • Англи Питер Симпсон (1964–1978)
  • Англи Питер Стори (1965–1977)
  • Англи Боб Макнаб (1966–1975)
  • Шотланд Жорж Грэм (1966–1972)
  • Хойд Ирланд Пэт Райс (1967–1980)
  • Англи Чарли Жорж (1969–1975)
  • Хойд Ирланд Самуэль Нельсон (1969–1981)
  • Англи Рэй Кеннеди (1969–1974)
  • Ирландын Бүгд Найрамдах Улс Лайам Брейди (1973–1980)
  • Ирландын Бүгд Найрамдах Улс Дэвид О'Лири (1975–1993)
  • Хойд Ирланд Пэт Женнингс (1977–1984)
  • Англи Тони Адамс (1983–2002)
  • Англи Дэвид Рокасл (1985–1992)
  • Англи Мартин Киоун (1985–1986, 1993–2004)
  • Англи Пол Мерсон (1986–1997)
  • Англи Алан Смит (1987–1995)
  • Англи Майкл Томас (1987–1991)
  • Англи Стив Боулд (1988–1999)
  • Англи Ли Диксон (1988–2002)
  • Англи Найжел Уинтербёрн (1988–2000)
  • Англи Дэвид Симэн (1990–2003)
  • Англи Иан Райт (1991–1998)
  • Англи Жон Женсен (1992–1996)
  • Англи Рэй Парлор (1992–2004)
  • Англи Дэвид Платт (1995–1998)
  • Нидерланд Деннис Бергкамп (1995–2006)
  • Франц Николя Анелька (1996–1999)
  • Франц Патрик Виейра (1996–2005)
  • Франц Эмманюэль Петит (1997–2000)
  • Нидерланд Марк Овермарс (1997–2000)
  • Швед Фредрик Юнгберг (1998–2007)
  • Англи Эшли Коул (1999–2006)
  • Франц Тьерри Анри (1999–2007)
  • Нигери Нванкво Кану (1999–2004)
  • Украйн Олег Лужный (1999–2003)
  • Бразил Силвиньо (1999–2001)
  • Франц Робер Пирес (2000–2006)
  • Франц Сильвен Вильтор (2000–2004)
  • Бразил Эду (2001–2005)
  • Англи Сол Кэмпбелл (2001–2006, 2010–)
  • Бразил Жилберто Силва (2002–2008)
  • Кот д'Ивуар Коло Туре (2002–2009)
  • Герман Йенс Леманн (2003–2008)
  • Испани Сеск Фабрегас (2003–2011)
  • Испани Мануэль Альмуния (2004–)
  • Испани Антонио Рейес (2004–2007)
  • Нидерланд Робин ван Перси (2004–)
  • Франц Матью Фламини (2004–2008)
  • Кот д'Ивуар Эммануэль Эбуэ (2005–)
  • Беларусь Александр Глеб (2005–2008)
  • Дани Никлас Бентнер (2005–)
  • Того Эммануэль Адебайор (2006–2009)
  • Англи Тео Уолкотт (2006–)
  • Чех Томаш Росицки (2006–)
  • Бразил Невес (2006–)
  • Франц Абу Диаби (2006–)
  • Франц Вильям Галлас (2006–2010)
  • Хорват Эдуардо да Силва (2007–)
  • Франц Бакари Санья (2007–)
  • Франц Самир Насри (2008-2011)
  • Орос Андрей Аршавин (2009-)

Менежерүүд [засварлах]

Саарал үс, цэнхэр хослолтой зүүн тийш харж буй нь
Арсен Венгер
  • 1897—1898 Шотланд Томас Митчелл
  • 1898—1899 Англи Жорж Элкот
  • 1899—1904 Англи Гарри Брэдшоу
  • 1904—1908 Шотланд Фил Келсо
  • 1908—1915 Шотланд Жорж Морелл
  • 1915—1919 Англи Жеймс Макивен
  • 1919—1925 Англи Лесли Найтон
  • 1925—1934 Англи Герберт Чепмен
  • 1934—1934 Англи Жо Шоу ба Жон
  • 1934—1947 Англи Питерс Жорж Эллисон
  • 1947—1956 Англи Том Уиттакер
  • 1956—1958 Англи Жек Крэйстон
  • 1958—1962 Англи Жорж Свиндин
  • 1962—1966 Англи Билли Райт
  • 1966—1976 Англи Берти Ми
  • 1976—1983 Хойд Ирланд Терри Нил
  • 1983—1986 Англи Дональд Хоуи
  • 1986—1986 Англи Стив Бартеншоу
  • 1986—1995 Шотланд Жорж Грэм
  • 1995—1995 Шотланд Стюарт Хьюстон
  • 1995—1996 Шотланд Брюс Риок
  • 1996—1996 Шотланд Стюарт Хьюстон
  • 1996—1996 Хойд Ирланд Пэт Райс
  • 1996— Франц Арсен Венгер

Шагналууд [засварлах]

Дотоодын [засварлах]

Түрүү (13): 1930–31, 1932–33, 1933–34, 1934–35, 1937–38, 1947–48, 1952–53, 1970–71, 1988–89, 1990–91, 1997–98, 2001–02, 2003–04
Хоёрдугаар байр (8): 1925–26, 1931–32, 1972–73, 1998–99, 1999–2000, 2000–01, 2002–03, 2004–05
  • Хоёрдугаар дивиз
Хоёрдугаар байр (1): 1903–04
Түрүү (10): 1930, 1936, 1950, 1971, 1979, 1993, 1998, 2002, 2003, 2005
Хоёрдугаар байр (7): 1927, 1932, 1952, 1972, 1978, 1980, 2001
  • Лигийн цом
Түрүү (2): 1987, 1993
Хоёрдугаар байр (4): 1968, 1969, 1988, 2007
  • АХХ-ны Коммунити Шиелд (2002 оноос өмнө FA Charity Shield гэдэг байсан)[5]
Түрүү (12): 1930, 1931, 1933, 1934, 1938, 1948, 1953, 1991 (хамтран), 1998, 1999, 2002, 2004
Хоёрдугаар байр (7): 1935, 1936, 1979, 1989, 1993, 2003, 2005

Европ [засварлах]

Хоёрдугаар байр (1): 2006
  • Европын лигүүдийн аваргуудын цом
Түрүү (1): 1994
Хоёрдугаар байр (2): 1980, 1995
  • Inter-Cities Fairs Cup
Түрүү (1): 1970
  • УЕФА-гийн цом
Хоёрдугаар байр (1): 2000
  • УЕФА Супер цом
Хоёрдугаар байр (1): 1994

Эшлэл [засварлах]

  1. ↑ http://www.sportnews.mn/2011/02/05/%E2%80%9C%D0%BB%D0%B8%D0%B2%D0%B5%D1%80%D0%BF%D1%83%D0%BB%D1%8C%E2%80%9D-%E2%80%9C%D0%BC%D0%B0%D0%BD%D1%87%D0%B5%D1%81%D1%82%D0%B5%D1%80-%D1%8E%D0%BD%D0%B0%D0%B9%D1%82%D0%B5%D0%B4%E2%80%9D-%D0%B8/
  2. ↑ First Team Players. Arsenal F.C. 11 August 2008-д хандсан.
  3. ↑ Reserve Players. Arsenal F.C. Gamebold. 13 August 2009-д хандсан.
  4. ↑ Up until 1992, the top division of English football was the Football League First Division; since then, it has been the Premier League. Similarly until 1992, the Second Division was the second tier of league football, which since the 2004–05 season has been known as The Championship.
  5. ↑ The trophy was known as the Charity Shield until 2001, and as the Community Shield since then. Reference: Ross, James (28 August 2009). England – List of FA Charity/Community Shield Matches. RSSSF. 12 January 2010-д хандсан.

Холбогдолтой ном товхимолууд [засварлах]

Холбоос [засварлах]

Албан ёсны вэбсайтууд
Фэнүүдэд зориулсан вэбсайтууд
Мэдээллийн вэбсайтууд
Ү · Х · ЗАрсенал (хөлбөмбөгийн баг) – багийн одоогийн бүрэлдэхүүн

6 Косельни · 7 Росицкий · 8 Артета · 9 Подольски · 10 Уилшир 11 А. Сантос · 12 Жиру · 14 Уолкотт · 15 Окслейд-Чэмберлен · 16 Рэмзи · 18 Скиллачи · 19 Казорла · 20 Журу · 21 Фабьяньски · 22 Кокелин · 23 Аршавин · 24 Манноне · 25 Женкинсон · 26 Фримпонг · 27 Жервиньо · 28 Гиббс · 29 Шамах · Дасгалжуулагч: Венгер

 ·

ү • х • з
Английн Премьер лиг		 Flag of England.svg
2012-13 оны Премьер лиг
Хуучин багууд
Улирал

"http://mn.wikipedia.org/w/index.php?title=Арсенал_(хөлбөмбөгийн_баг)&oldid=331410"-с авсан