Бразилиа

Бразилиа хот
суурин газар
порт. Brasília [Бразия]
Зүүн дээд булангаас: Холбооны Бүгд Найрамдах Бразил Улсын Үндэсний Конгресс, Жускелино Кубичек гүүр, Хөшөөт тэнхлэгүүд, Паласио да Альворада, Бразилын сүм.
Зүүн дээд булангаас: Холбооны Бүгд Найрамдах Бразил Улсын Үндэсний Конгресс, Жускелино Кубичек гүүр, Хөшөөт тэнхлэгүүд, Паласио да Альворада, Бразилын сүм.
Бразилиа is located in Бразил
Бразилиа
Бразилиа
Улс, орон  Бразил (ХБНБУ)
Бүс, орон Өрнөд төв
Муж, тойрог Холбооны тойрог
Суурин газар Бразилиа
Газар нутаг 5,802 км²
Газрын байц д.т.д. 1171 м
Хүн ам (2013) 2,789,761 хүн
Хүн ам (бөөг.) 2013 онд 4,041,042
1960-4-21 Хот үүсэн байгуулагдсан
Цагийн бүс Бразилын цаг (ГЦ-3)
Утасны дуг. (+55) 61
Шуудан-дугаар 70000-000
Цахим хуудас brasilia.df.gov.br

Бразил улсын нийслэл Брази́лиа хот (порт. BrasíliaБрази́я) Бразил орны төв хэсэгт улсынхаа Холбооны тойрогт харьяалагдан оршдог. 2013 онд 2.8 сая хүн оршин сууж байснаас харвал тус улсын дөрөвдүгээр их хот нь юм.

Далайн эргийн Рио-де-Жанейрод нийслэл байсныг нутгийн төвд шилжүүлэх санал 1827 оноос эхлэн яригдаж 1956 оноос барилгачид дөрвөн жил шавдан ажилласны үрээр 1960 оны 4 сарын 21-нд Бразилиа хот үүсч, Салвадор (1549–1763), Рио-де-Жанейро (1763–1960)-гийн дараах Бразил орны түүхэн дэх гурав дахь нийслэл болжээ. Газрын хувьд Өрнөд төв бүс, Бразилын тэгш өндөрлөгийн төв хэсэгт далайн түвшнээс дээш 1171 метр өндөрт байдаг ба жилийн турш өдрийн 26 °C хэм орчим дулаан, бороо хур их ордог. Засаг захиргаан хуваарь ёсоор улсын доорх Холбооны тойрог (нийслэл хавийн газар) хэмээх нутгийн төв болно. Түүн дотроо суурин газар (município) хэмээн зүйлчлэгдэнэ.

Хүн ам зүй[засварлах | кодоор засварлах]

Шашин Хувь
Католик 56.62%
Протестант 26.88%
Шүтлэггүй 9.20%
Нутгийн шашин 3.50%
Он Хүн ам
1960 140,165
1980 1,176,935
2000 2,051,146
2010 2,562,963

1960 онд үүсэн байгуулагдсан Бразилиагийн хүн амын тоо жилд дунджаар 2.82%-аар өсч байна. XX зуунд үүссэн дэлхийн өөр ямар ч хот богино хугацаанд ингэж томроогүй. 1989 онд нэг сая, 2000 онд хоёр сая хүнтэй болж байсан бол 2013 онд хотын харьяалж буй 5802 км² газарт 2,789,761 хүн оршин сууж байна.

Хотын хүн амын тал хувь (48.2%) нь холимог арьстан, бас нэг тал хувь (42.2%) нь цагаан арьстан юм. Бас хар арьстан (7.7%), Азиас ирсэн (1.6%) хүмүүс тодорхой хувь эзэлдэг. Бүх хүн амын 52.2% эмэгтэй, 47.8% эрэгтэй.

Хүн амын олноор улсдаа Рио-де-Жанейро, Сан-Паулу, Салвадорын дараа 4 дэх том хот болчихоод байна.

Хотын нутгаас гадна эргэн тойрны дагуул хот, хүй дүүргийн хамтаар бодвол энэ хавьд 4 сая хүн байгаа.

Барилга, байшин[засварлах | кодоор засварлах]

Бразилиа хот улсын нийслэл болохын хувьд Бразилын төрийн гурван өндөрлөг бүгд байрладаг. Мөн Бразилын олон компанийн төв байр байдаг. Хот нь олон хороололд хуваагддаг ба эдгээр нь Зочид буудлын хороолол, Банкны хороолол эсвэл Элчин сайдын яамдын хорооолол гэх мэтээр тодорхой үйл ажиллагаанд чиглэсэн хорооллууд бий.

Бразилиа хот

Ах дүү хот[засварлах | кодоор засварлах]

Бразилиа дараах хотуудтай ах дүүгийн адил харилцаж байна.[1]

Цахим холбоос[засварлах | кодоор засварлах]

 Commons: Brasília – Викимедиа зураг, бичлэг, дууны сан

Лавлах холбоос[засварлах | кодоор засварлах]

  1. "Brasilia Global Partners". Internacional.df.gov.br. Archived from the original on 2014-02-28. Retrieved 2014-02-25.
  2. Martin Austermuhle (2012-03-15). "D.C., Welcome Your Newest Sister City: Brasília". Dcist.com. Archived from the original on 2013-03-18. Retrieved 2013-03-18.
  3. "Lisboa - Geminações de Cidades e Vilas". Associação Nacional de Municípios Portugueses [National Association of Portuguese Municipalities] (in Portuguese). Archived from the original on 2015-02-01. Retrieved 2013-08-23. {{cite web}}: Unknown parameter |trans_title= ignored (|trans-title= suggested) (help)CS1 maint: unrecognized language (link)
  4. "NYC's Partner Cities". The City of New York. Archived from the original on 2013-08-14. Retrieved 2012-12-16.