Баярын Жаргалсайхан

Чөлөөт нэвтэрхий толь — Википедиагаас
Jump to navigation Jump to search

Баярын Жаргалсайхан (1915 - 2005 оны 10 сарын 24) нь Гадаад Явдлын Яамны сайд байсан, Онц бөгөөд Бүрэн эрхт Элчин сайд цолтой дипломатч юм.

Тэрээр 1915 онд Дорнод аймгийн Халхгол суманд төржээ. 1925-1929 онд хошууны бага сургууль, 1929-1930 онд Хэнтий аймгийн дунд сургууль, 1930-1933 онд Намын төв сургууль, 1937-1940 онд Москва хотын Дорно дахины дээд сургуульд тус тус суралцаж төгссөн.

1933-1937 онд Улаанбаатар хотын залуучуудын эвлэлийн хорооны зохиолын эрхлэгч, дарга, "Хувьсгалт залуучуудын эвлэл", "Залуучуудын үнэн", "Хүмүүжил жигшил" сэтгүүлийн эрхлэгч, "Үндэсний эрх" сонины хариуцлагатай нарийн бичгийн дарга, Монголын зохиолчдын холбооны нарийн бичгийн дарга, 1947-1950 онд Шинжлэх ухааны хүрээлэнгийн дарга, 1955-1956 онд Монголын зохиолчдын хорооны даргаар тус тус ажиллажээ.

Б.Жаргалсайхан Монгол Улсын гадаад харилцааны салбарт 1941 оноос эхлэн 40 гаруй жил ажиллахдаа Засгийн газрын протоколын эрхлэгч, Гадаад явдлын яамны Ёслолын хэлтсийн дарга, Гадаад явдлын яамны нэгдүгээр орлогч сайд, сайд, МАХН-ын Төв Хорооны Гадаад харилцааны хэлтсийн дарга, БНМАУ-аас ЗСБНХУ-д суугаа Элчин сайдын яамны нэгдүгээр нарийн бичгийн дарга, БНМАУ-аас БНХАУ, Чехословак, Франц, Египет, Алжир, Энэтхэг улсад суугаа Элчин сайд, НҮБ-ын дэргэдэх Байнгын төлөөлөгч зэрэг өндөр хариуцлагатай албыг хашиж байв.

Тэрээр 1961 онд Монгол Улсыг НҮБ-д гишүүнээр элсүүлэх Засгийн газрын төлөөлөгчдийн бүрэлдэхүүнд багтаж, улмаар НҮБ-ын дэргэд суугаа анхны Байнгын төлөөлөгчөөр ажилласан юм.

Б.Жаргалсайхан Ардын Их Хурлын 1,2,3,4,7 дахь удаагийн сонгуулиар АИХ-ын депутатаар сонгогдож, АИХ-ын дарга, Гадаад хэргийн байнгын комиссын дарга, Дэлхийн энхтайвныг хамгаалах байнгын хорооны гишүүний сонгуульт ажлыг гүйцэтгэж иржээ.

Бүтээлүүд[засварлах | edit source]

  • Алаг жарны бодрол,
  • Хувь тавилангийн эрхшээл -/2004/,
  • Африкийн тэмдэглэл,
  • Олон жилийн хууч,
  • Авахуй, гээхүй,
  • Ойрхи Дорнодын асуудал,
  • Дээдсийн газрын онгон,
  • Ганга мөрөн,
  • Нэгэн зүйл бодол гэх зэрэг ном бүтээл тууривжээ.

Гавьяа, шагнал[засварлах | edit source]

Онц бөгөөд Бүрэн эрхт элчин сайд цолтой.

  • “Сүхбаатарын одон”,
  • “Хөдөлмөрийн гавьяаны улаан тугийн одон” - 2 удаа,
  • “Алтан гадас” одон - 2 удаа болон бусад медалиудаар шагнагджээ.

Ишлэл[засварлах | edit source]

Жаргалсайхан гуай нийтлэл Баабар 2015 оны 1-р сарын 26-нд бичжээ.