Дашийн Адилбиш

Дашийн Адилбиш (1917 онд Монгол улсын Сайн ноён хан аймгийн Үйзэн гүний хошуунд /өнөөгийн Өвөрхангай аймгийн Тарагт сум/ төрсөн-1993 онд Улаанбаатар хотод нас баржээ)-Монгол Улсын улс төрч, дипломат хүн.

1934 онд Монголтрансын жолооч бэлтгэх сургуульд сураад Улсын Бага хурлын Тэргүүлэгчдийн дарга Дансранбилэгийн Догсомын жолоочоор ажиллаж байжээ.

1942 онд ЗХУ-ын Москва хотод Дорно дахины хөдөлмөрчдийн эв хамтын дээд сургуулийг төгсөөд улс төрийн ажил эрхэлж байсан.

1946 онд Монголын Үйлдвэрчний Эвлэлийн Төв Зөвлөлийн дарга.

1950-1953 онд ЗХУ-д суугаа ЭСЯ-ны 1 дүгээр зөвлөх,

1953-1956 онд БНМАУ-аас ЗХУ-д суугаа Элчин сайд, мөн БНЧСУ-л хавсран суугаа Элчин сайдын алба хашсан.

1956-1957 онд Гадаад Явдлын Яамны сайд,

1957-1959 онд БНУнгар улсад суугаа Элчин сайд,

1962-1963 онд БНМАУ-аас Энэтхэгт суугаа Элчин сайд,

1973-1978 онд БНМАУ-аас Югославт суугаа Элчин сайдаар тус тус ажиллажээ.

1993 онд Улаанбаатар хотод нас барсан.

Гэр бүл

эхнэр:-Ц.Дуламжав Төв аймгийн болон улсын эмэгтэйчүүдийн хорооны дарга байсан.

Шагнал

Төр засгаас түүний хөдөлмөр бүтээлийг үнэлж “Алтан гадас” одонгоор хоёр удаа, “Хөдөлмөрийн гавьяаны улаан туг”-ийн одон, Сүхбаатарын одон болон ойн медалиудаар шагнажээ. Мөн зарим гадаад улсын медалиудаар шагнуулсан байна.

1956 онд Онц бөгөөд бүрэн Эрхт Элчин сайд дипломат цол хүртсэн.