Лувсангийн Эрдэнэчулуун

Чөлөөт нэвтэрхий толь — Википедиагаас
Jump to navigation Jump to search

Лувсангийн Эрдэнэчулуун (1948-) нь Монгол Улсын Гадаад хэргийн сайдаар ажиллаж байсан дипломатч.

Намтар[засварлах | edit source]

Л.Эрдэнэчулуун 1948 оны 10 дугаар сарын 10-нд Улаанбаатар хотод төрсөн. Монгол Улсын төрийн зүтгэлтэн С.Лувсангийн хүү.

1972 онд ЗХУ-ын Москва хот дахь Олон улсын харилцааны дээд сургууль, 1988 онд ОХУ-ын ГЯЯ-ны дэргэдэх Дипломатын Академийг тус тус дүүргэсэн.

1972-1980 онд Гадаад явдлын Яамны Олон улсын байгууллагын хэлтэст атташе, гурав, хоёрдугаар нарийн бичгийн дарга, 1980-1984 онд НҮБ дахь Байнгын төлөөлөгчийн газарт хоёр, нэгдүгээр нарийн бичгийн даргаар ажилсан.

1985-1990 онд ГЯЯ-ны Хэвлэл, мэдээллийн хэлтсийн дарга, 1990-1996 онд Монгол Улсаас НҮБ-д суугаа Байнгын төлөөлөгчийн газарт Байнгын төлөөлөгчийн орлогч, Байнгын төлөөлөгч байсан.

1997-1998 онд Монгол Улсын Ерөнхийлөгч Н.Багабандийн Гадаад бодлогын зөвлөх,

1999 оны 2 дугаар сараас МАХН-ын дарга Н.Энхбаярын Гадаад бодлогын зөвлөх, 2000 оны 7 дугаар сараас Монгол Улсын Ерөнхий сайдын гадаад бодлогын зөвлөхөөр тус тус ажиллаж байв.

2000 оны 8 дугаар сараас 2004 оны 7 дугаар сар хүртэл Монгол Улсын Засгийн газрын гишүүн, Гадаад хэргийн сайдын албыг хашсан.

2005 онд Хүний аюулгүй байдлын судалгааны төвийг үүсгэн байгуулсан.

Англи, орос хэлтэй.

Шагнал, цол[засварлах | edit source]

Л.Эрдэнэчулууны хөдөлмөр бүтээлийг төр засгаас үнэлж “Хөдөлмөрийн хүндэт медаль”, “Алтан гадас” одонгоор шагнажээ.

Монгол Улсын Онц бөгөөд Бүрэн эрхт Элчин сайд цолтой.