1924 оны Өвлийн Олимп
| Өвлийн олимпын анхдугаар наадам I Olympic Winter Games | |
 | |
| Зохиогдсон хот |  Франц, Шамони |
|---|---|
| Оролцсон улс | 16 |
| Оролцогчдын тоо | 258 |
| Зохиогдсон спортын тэмцээнүүд |
7 төрөл, 16 цогц медаль |
| Нээлтийн ёслол | 1924 оны 1 сарын 25 |
| Хаалтын ёслол | 1924 оны 2 сарын 5 |
| Наадмыг нээгч | Гастон Видаль |
| Тамирчдын тангараг | Камилле Мандриллон |
| Төв цэнгэлдэх хүрээлэн |
Стад Олимпик |
Өвлийн олимпын анхдугаар наадам буюу Шамонигийн олимп (Англи: I Olympic Winter Games) нь 1924 оны 1 сарын 25-наас 2 сарын 5 хүртэл Альпийн нурууны Монблан оргилын бэлд орших, Францын Шамонид зохион байгуулагдсан өвлийн олимпын наадам юм. Тухайн үедээ Францын ҮОХ-ноос Олон Улсын Өвлийн Спортын долоо хоног (Франц: Semaine Internationale des Sports d'Hiver) гэдэг нэрээр, туршилтын журмаар зохион байгуулагдсан бөгөөд дараагийн жил нь Олон Улсын Олимпын Хорооны Ерөнхий Ассемблейгаар Өвлийн олимпын анхдугаар наадам гэж нэрлэхээр тогтсон байна.
1924 онд ийнхүү эхэлсэн өвлийн олимп 1992 он хүртэл зуны олимптой нэг жилд зохион байгуулагддаг байв.
Наадмын тойм
[засварлах | кодоор засварлах]Эхлэл
[засварлах | кодоор засварлах]Уран гулгалт Лондон, Антверпены олимп, хоккей Антверпены олимпын хөтөлбөрт багтаж байсан ч өвлийн спортын төрлүүд нь улирлаас шалтгаалдаг билээ. 1921 онд Лозаннад болсон Олон Улсын Олимпын Хорооны хурлаар өвлийн спортын төрлүүдийг дэлгэрүүлэх, ижил боломж олгох талаар шийдэж, урт удаан хугацааны мэтгэлцээний эцэст "Олон улсын өвлийн спортын долоо хоног"-ийг 1924 онд Шамонид зохион байгуулахаар шийдсэн юм.
2 дахь өдөр
[засварлах | кодоор засварлах]Өвлийн олимпын түүхэнд анхны алтан медалийг тус наадмын нээлтийн хөтөлбөр болох тэшүүрийн 500 метрийн төрөлд Чарльз Жевтрав хүртсэн байна. Тэшүүрийн бусад төрөлд Жулиус Скутнабб, Клас Тюнгберг нар тэргүүлсэн аж.
4 дэх өдөр
[засварлах | кодоор засварлах]Соня Хени 17-хон настайдаа эмэгтэйчүүдийн уран гулгалтын төрөлд оролцов. Хэдийгээр тэр сүүлийн байрт орсон ч фэнүүдийн дунд алдаршиж, дараагийн 3 олимпын аварга болсон билээ.
6 дахь өдөр
[засварлах | кодоор засварлах]Гиллис Графстрём 1920 оны зуны олимпын уран гулгалтын төрөлд түрүүлсэн амжилтаа бататгаж, спортын нэг төрлөөр, гэхдээ өвөл зуны олимпын аль алинд нь алтан медаль авсан хүн болж түүхэнд үлдэв.
8 дахь өдөр
[засварлах | кодоор засварлах]Канадын хоккейн баг өрсөлдөгч багуудаасаа хол тасархай болохоо харуулж, хэсгийн тоглолтонд Швейцар, Чехословак, Швед, Их Британийн багуудтай тоглохдоо 110 гоол оруулж, дөнгөж 3-хан гоол алдсан байна.
10 дахь өдөр
[засварлах | кодоор засварлах]Графстрёмтой адилаар, Канадын хоккейн баг 1920 оны Антверпены зуны олимпоос алтан медаль авсан амжилтаа Шамонид давтав. Канадууд хоккейн спортын олимпын хөтөлбөрт багтсан эхний 7 олимпын 6-д нь түрүүлж, дэлхийд ноёрхож байсан билээ.
Спортын төрлүүд
[засварлах | кодоор засварлах]7 төрлийн спортын 16 цогц медалийн төлөө тамирчид өрсөлдсөн. Олон эх сурвалжид кёрлинг, цэргийн манааг албан ёсны бус, үзүүлэх төрөл байсан гэж бичдэг. Гэхдээ тухайн үедээ тийм ялгаа байгаагүй. 2006 оны 2 сард ОУОХ кёрлингийг тус олимпын албан ёсны хөтөлбөрт багтаж байсан гэж тооцохоор шийдэж, медальтнуудыг нь албан ёсны дүнд оруулахаар болсон байна.
Оролцсон орнууд
[засварлах | кодоор засварлах]16 орны тамирчид анхны өвлийн олимпын наадамд оролцжээ.
| Оролцогч Үндэсний Олимпын Хороонууд |
|---|
Эстонийн хурдны тэшүүрчин Кристфрид Бурмайстер тэшүүрийн төрөлд оролцохоор бүртгүүлсэн боловч уралдаагүй байна.[1]
Тамирчдын тоо Үндэсний Олимпын Хороогоор
[засварлах | кодоор засварлах]| ОУОХ Үсгэн Код | Улс | Тамирчин |
|---|---|---|
| GBR |  Их Британи | 44 |
| FRA | Франц | 43 |
| SWE |  Швед | 31 |
| SUI |  Швейцар | 30 |
| TCH |  Чехословак | 27 |
| USA |  Америкийн Нэгдсэн Улс | 24 |
| ITA |  Итали | 23 |
| BEL |  Бельги | 18 |
| FIN |  Финланд | 17 |
| NOR |  Норвеги | 14 |
| CAN |  Канад | 12 |
| POL |  Польш | 7 |
| AUT |  Австри | 4 |
| HUN |  Унгар | 4 |
| YUG |  Югослав | 4 |
| LAT |  Латви | 2 |
| Нийт | 304 | |
Медалийн хүснэгт
[засварлах | кодоор засварлах]* Зохион байгуулагч орон (Франц)
| Байр | ҮОХ | Алт | Мөнгө | Хүрэл | Нийт |
|---|---|---|---|---|---|
| 1 | Норвеги | 4 | 7 | 6 | 17 |
| 2 | Финланд | 4 | 4 | 3 | 11 |
| 3 | Австри | 2 | 1 | 0 | 3 |
| 4 | Швейцар | 2 | 0 | 1 | 3 |
| 5 | Америкийн Нэгдсэн Улс | 1 | 2 | 1 | 4 |
| 6 | Их Британи | 1 | 1 | 2 | 4 |
| 7 | Швед | 1 | 1 | 0 | 2 |
| 8 | Канад | 1 | 0 | 0 | 1 |
 Холимог баг | 1 | 0 | 0 | 1 | |
| 10 | Франц* | 0 | 0 | 3 | 3 |
| 11 | Бельги | 0 | 0 | 1 | 1 |
| Нийт (11 оролцогч) | 17 | 16 | 17 | 50 | |
Цахим холбоос
[засварлах | кодоор засварлах]
- ↑ "I taliolümpiamängud Chamonix 1924 (25. jaanuar – 5. veebruar)" (Эстони хэлээр). Postimees. 2006-01-18. Эх хувилбараас архивласан: 2012-09-12.
- ↑ Эш татахад гарсан алдаа: Invalid
<ref>tag; no text was provided for refs named "1924_olympics.com".