Пунцагийн Жасрай
| Пунцагийн Жасрай | |
 Монгол Улсын Ерөнхий Сайд | |
|---|---|
| 1992.07.21 — 1996.07.19 (4 жил) | |
| Өмнөх | Дашийн Бямбасүрэн |
| Дараах | Мэндсайханы Энхсайхан |
 Монгол | |
| 1992—2004 он (12 жил) | |
| Овог нэр | Пунцагийн Жасрай |
| Төрсөн | 1933 оны 11 сарын 26 Монгол Улс, Говь-Алтай, Бугат |
| Өнгөрсөн | 2007 оны 10 сарын 25 (
|
| Улс | Монгол (БНМАУ → МУ) |
| Нам эвсэл | Монгол Ардын Хувьсгалт Нам |
| Сургууль | Москвагийн эдийн засаг, информатикийн их сургууль |
| Мэргэжил | улс төрч, эдийн засагч |
| Алдар цол | |
| Монгол Улсын Гавьяат Эдийн засагч | |
Пунцагийн Жасрай (1933 оны 11-р сарын 26-нд төрсөн Говь-Алтай аймгийн Бугат суманд төрсөн-2007 оны 10-р сарын 25-нд Улаанбаатар хотод нас барсан) нь Монголын улс төрч, эдийн засагч. 1992 оноос 1996 он хүртэл Монгол Улсын 17 дахь Ерөнхий сайд.
Намтар
[засварлах | кодоор засварлах]Боловсрол
[засварлах | кодоор засварлах]1950 онд Говь-Алтай аймгийн Тонхил сумын долоон жилийн дунд сургууль, 1956-1961 онд Зөвлөлт Холбоот Улсын Москва хотын Эдийн засаг-статистикийн дээд сургуулийг төгсчээ.
Тэрээр 1970 онд Эдийн засгийн шинжлэх ухааны дэд эрдэмтний зэрэг хамгаалсан бөгөөд Олон улсын дээд боловсролын академийн жинхэнэ гишүүн, Москвагийн эдийн засаг, статистик, информатикийн их сургууль, МУИС-ийн Хүндэт доктор цолтой.
Ажил
[засварлах | кодоор засварлах]- 1950-1956 Говь-Алтай аймгийн Бугат, Баян сумын бага сургуульд багш, захирал, аймгийн АДХГЗ-ны Гэгээрлийн хэлтэст байцаагч
- 1961-1967 онд Эдийн засгийн дээд сургуульд багш
- 1965-1966 онд Эдийн засгийн хүрээлэнд аспирант
- 1967-1970 онуудад БНМАУ-ын Статистикийн төв газарт орлогч дарга
- 1970-1976 онуудад БНМАУ-ын Улсын үнийн хороо, Үнэ, стандартын улсын хорооны дарга
- 1976-1978 онд Монгол Ардын Хувьсгалт Намын Төв хорооны хэлтсийн эрхлэгч
- 1978-1984 онд Улсын төлөвлөгөөний комиссын нэгдүгээр орлогч дарга бөгөөд БНМАУ-ын сайд
- 1984-1989 онд БНМАУ-ын Сайд нарын Зөвлөлийн орлогч дарга бөгөөд Улсын төлөвлөгөөний комиссын дарга
- 1989-1990 онд МАХН-ын Төв Хорооны Улс төрийн Товчооны орлогч гишүүн, Төлөвлөгөө, эдийн засгийн улсын хорооны дарга бөгөөд Сайд нарын Зөвлөлийн нэгдүгээр орлогч дарга
- 1990-1992 онд Монгол Улсын Үйлдвэрлэл, үйлчилгээний хоршоодын холбооны ерөнхийлөгч
- 1992-1996 онуудад Монгол Улсын Улсын Их Хурлын гишүүн, Монгол Улсын Ерөнхий сайд
- 1996-2004 онд УИХ-ын гишүүн
- 2000 оноос Эдийн засгийн үндэсний дээд сургуулийн удирдах зөвлөлийн даргаар ажиллаж байсан.
Мөн төрөөс Алтан гадас одон, Хөдөлмөрийн гавьяаны улаан тугийн одонгоор хоёр удаа шагнагдаж, Монгол Улсын гавьяат эдийн засагч цол хүртсэн.
Тэрээр 2007 оны 10 сарын 25-нд МАХН-ын 25-р их хуралд төлөөлөгчөөр сонгогдон оролцож байх үед зүрх нь зогсож нас барсан юм.
Баримтууд
[засварлах | кодоор засварлах]- Монгол улсын Ерөнхийлөгч П. Очирбат, Ерөнхий сайд П.Жасрай нарын зөвшөөрлөөр 1995 онд Монгол улсын газар нутгийг Айбекс гэдэг группт 90 жилийн хугацаатай концессээр олгох мөн Молам группт Монгол улсын агаарын орон зай, гадаад худалдааны эрхийг 60 жилийн хугацаатай олгох тухай гэрээнүүдийг байгуулж байсан нь мэдэгдэн шуугиан тарин цуцлагдаж байжээ.
- Ерөнхий сайд Жасрайн зөвшөөрлөөр Монгол Улсын Засгийн Газар Базарсадын Жаргалсайханы Буян компанид баталгаа гаргаж өгсөнөөс уламжлан Жаргалсайхан нь энэхүү баталгаагаараа японы Марубени корпорациас ихээхэн хэмжээний /хэдэн сая ам доллар/ зээл авсан байна. Дараа нь Жаргалсайхан нь зээлээ төлөхөөс зугатсан тул "Марубени" нь Монгол улсын Засгийн газрыг Олон улсын арбитрын шүүхэд өгч байсан дуулиант хэрэгтэй холбоотой асуудал нь худал мэдээлэл болсон тул. Энэхүү хэрэг нь шийдэгдсэн билээ.
- Зээ охин Аюушийн Ариунзаяа нь Нийгмийн хамгааллал, хөдөлмөрийн сайдаар 2020-2022 онд ажилласан.
Бүтээлүүд
[засварлах | кодоор засварлах]- Магадлалын онол
- Мал аж ахуйн зардлыг тооцох арга зүйн асуудал
- Эдийн засгийн онол
- Эдийн засгийн мэдээлэл, шинжилгээ
| Өмнөх Дашийн Бямбасүрэн |
Монгол Улсын Ерөнхий Сайд 1992-1996 |
Дараах Мэндсайханы Энхсайхан |