Монгол Улсын Засгийн Газар

Монголын Улс Төр
Үндсэн хууль Хүний эрх Хүний Эрхийн Комисс ЛГБТ эрх Үндсэн хуулийн түүх
Гүйцэтгэх засаглал Ерөнхийлөгч (жагсаалт) Ухнаагийн Хүрэлсүх Ерөнхий Сайд (жагсаалт) Лувсаннамсрайн Оюун-Эрдэнэ
Хууль тогтоох Улсын Их Хурал Дарга: Гомбожавын Занданшатар Одоогийн гишүүд
Шүүх засаглал Дээд Шүүх Үндсэн хуулийн цэц
Сонгууль Саяхны сонгууль Ерөнхийлөгчийн: 2017 2021 Парламентын: 2016 2020 Улс төрийн нам
Засаг захиргааны хуваарь Аймаг Сум
Гадаад харилцаа Гадаад харилцааны яам Сайд: Батмөнхийн Батцэцэг Монгол улсад суугаа / Монгол улсын Дипломат төлөөлөгчийн жагсаалт Иргэншлийн тухай хууль Паспорт Визний шаардлага Визний бодлого

Ерөнхий Сайд Лувсаннамсрайн Оюун-Эрдэнийн тэргүүлж буй Монгол Улсын Засгийн Газрын өнөөгийн бүрэлдэхүүн нь 2020 оны Улсын Их Хурлын сонгуулийн үр дүнд байгуулагдсан У. Хүрэлсүхийн засгийн газар бүрэн бүрэлдэхүүнээрээ огцорсны дараа 2021 оны 1 сарын 27-нд Ерөнхий сайд УИХ-ын чуулганаар томилогдож, 1 сарын 29-нд танхимын сайд нарыг УИХ-д танилцуулснаар тангараг өргөж үүрэгт ажилдаа орсон.

Засгийн газрын тухай хуульд нэмэлт өөрчлөлт оруулснаар 2022 оны 1 сард Эдийн засаг, хөгжлийн яам болон Цахим хөгжил, харилцаа холбооны яамыг шинээр байгуулжээ.

2022 оны 1 сарын 17-ны өдрийн Засгийн Газрын хуралдаанаар Байгаль орчин, аялал жуулчлалын сайд Нямжавын Уртнасанг огцруулахаар болж, 1 сарын 18-нд түүний оронд Бат-Өлзийн Бат-Эрдэнийг УИХ-ын чуулганд танилцуулж, сайдаар томилов.

2022 оны 8 сард Үндсэн Хуулийн Цэц Үндсэн хуульд оруулсан нэмэлт өөрчлөлтийн тодорхой заалтыг хүчингүй болгосонтой холбогдуулан Засгийн Газрын тухай хуульд өөрчлөлт оруулж, ингэснээр 2022 оны 8 сарын 30-нд УИХ-ын нэр бүхий гишүүд шинээр сайдын албанд томилогдов. Гэсэн ч Хөдөлмөр, нийгмийн хамгааллын сайдаар шинээр томилогдсон Даваажанцангийн Сарангэрэл "Халамжаас хөдөлмөрт" хэлэлцүүлгийн үеэр хэлсэн үгэндээ ороогдож огцрох хүсэлт гаргасныг ерөнхий сайд ёсоор болгож, оронд нь 10 сарын 21-нд Төмөрбаатарын Аюурсайханыг томилоод байна.

Улмаар 2023 оны 1 сарын 5-нд УИХ-ын гишүүн бус 2 сайдаа УИХ-ын гишүүдээр сольж, мөн Боомтын сэргэлтийн сайдыг томилсноор засгийн газар бүрдэв.

Бүрэн эрх

Монгол Улсын Засгийн Газар төрийн хуулийг биелүүлж, аж ахуй, нийгэм, соёлын байгуулалтыг удирдах нийтлэг чиг үүргийн дагуу дараах үндсэн бүрэн эрхийг хэрэгжүүлнэ.

1. Үндсэн хууль, бусад хуулийн биелэлтийг улс даяар зохион байгуулж хангах;
2. шинжлэх ухаан, технологийн нэгдсэн бодлого, улсын эдийн засаг, нийгмийн хөгжлийн үндсэн чиглэл, улсын төсөв, зээл, санхүүгийн төлөвлөгөөг боловсруулж Улсын Их Хуралд өргөж, гарсан шийдвэрийг биелүүлэх;
3. салбарын ба салбар хоорондын, түүнчлэн бүс нутгийн хөгжлийн асуудлаар арга хэмжээ боловсруулж хэрэгжүүлэх;
4. хүрээлэн байгаа орчныг хамгаалах, байгалийн баялгийг зүй зохистой ашиглах, нөхөн сэргээх арга хэмжээ авах;
5. төрийн захиргааны төв байгууллагыг шуурхай удирдаж, нутгийн захиргааны байгууллагын үйл ажиллагааг удирдан чиглүүлэх;
6. улсыг батлан хамгаалах хүчин чадлыг бэхжүүлж, үндэсний аюулгүй байдлыг хангах;
7. хүний эрх, эрх чөлөөг хамгаалах, нийгмийн хэв журмыг бэхжүүлэх, гэмт хэрэгтэй тэмцэх арга хэмжээ авч хэрэгжүүлэх;
8. төрийн гадаад бодлого хэрэгжүүлэх;
9. Улсын Их Хуралтай зөвшилцөж дараа соёрхон батлуулахаар Монгол Улсын олон улсын гэрээ байгуулах, хэрэгжүүлэх, түүнчлэн Засгийн газар хоорондын гэрээ байгуулах, цуцлах.

Бүрэлдэхүүн

Тэргүүлэгчид

Албан тушаал	Нэр	Нам, эвсэл
Ерөнхий сайд	Лувсаннамсрайн Оюун-Эрдэнэ	МАН
Шадар Сайд	Сайнбуяны Амарсайхан	МАН
Шадар Сайд	Чимэдийн Хүрэлбаатар	МАН

Яамд

Яам	Сайд	Нам, эвсэл
Гадаад харилцааны яам	Батмөнхийн	МАН
Сангийн яам	Болдын Жавхлан	МАН
Хууль зүй, дотоод хэргийн яам	Хишгээгийн Нямбаатар	МАН
Байгаль орчин, аялал жуулчлалын яам	Бат-Өлзийн Бат-Эрдэнэ	МАН
Батлан хамгаалах яам	Гүрсэдийн Сайханбаяр	МАН
Боловсрол, шинжлэх ухааны яам	Лувсанцэрэнгийн Энх-Амгалан	МАН
Барилга, хот байгуулалтын яам	Цэрэнпилийн Даваасүрэн	МАН
Зам тээврийн хөгжлийн яам	Сандагийн Бямбацогт	МАН
Хөдөлмөр, нийгмийн хамгааллын яам	Төмөрбаатарын Аюурсайхан	МАН
Хүнс, хөдөө аж ахуй, хөнгөн үйлдвэрийн яам	Хаянгаагийн Болорчулуун	МАН
Эрүүл мэндийн яам	Содномын Чинзориг	МАН
Уул уурхай, хүнд үйлдвэрийн яам	Жамбалын Ганбаатар	МАН
Эрчим хүчний яам	Баттогтохын Чойжилсүрэн	МАН
Соёлын яам	Чинбатын Номин	МАН
Эдийн засаг, хөгжлийн яам	Чимэдийн Хүрэлбаатар	МАН
Цахим хөгжил, харилцаа холбооны яам	Ням-Осорын Учрал	МАН

• Жич: Нэрийг нь тодруулсан сайд нар УИХ-ын гишүүнээр давхар ажилладаг.

Бусад

Албан тушаал	Нэр	Нам, эвсэл
Засгийн газрын Хэрэг эрхлэх газрын дарга	Дашзэгвийн Амарбаясгалан	МАН
Монгол Улсын сайд, Түгжрэлийг бууруулах үндэсний хорооны дарга	Жамъянхорлоогийн Сүхбаатар	МАН
Спорт, олимпизм хариуцсан сайд	Бадмаанямбуугийн Бат-Эрдэнэ	МАН
Монгол Улсын сайд, Боомтын сэргэлтийн үндэсний хорооны дарга	Хүрэлбаатарын Булгантуяа	МАН

Цахим холбоос

• Монгол Улсын Засгийн Газар