Болдын Жавхлан
| Болдын Жавхлан МУЗГ-ийн Гишүүн | |
| Одоо хашиж буй | |
| Албаа хүлээн авсан; 2021 оны 1 сарын 29 | |
| Ерөнхий сайд | Лувсаннамсрайн Оюун-Эрдэнэ |
|---|---|
| Өмнөх | Чимэдийн Хүрэлбаатар |
| Төрсөн | 1975 оны 5 сарын 12 Монгол, Дархан хот |
| Улс төрийн нам | Монгол Ардын Нам |
| Төгссөн сургууль | Монгол Улсын Их Сургууль АНУ, Индианагийн Их Сургууль |
| Мэргэжил | Эдийн засагч |
Болдын Жавхлан (1975 оны 5 сарын 12-нд Дарханд төрсөн) нь Монгол Улсын улс төрч, эдийн засагч. Монголбанкны тэргүүн дэд ерөнхийлөгчөөр ажиллаж байсан тэрээр 2016 оны УИХ-ын сонгуульд МАН-аас Дархан-Уул аймагт нэр дэвшин ялалт байгуулсан бөгөөд, 2020 онд дахин сонгогджээ. Улмаар 2021 оны 1 сарын 29-нд Сангийн сайдаар томилогдсон.
Намтар[засварлах | кодоор засварлах]
Болдын Жавхлан 1975 оны 5 дугаар сарын 12-ны өдөр Дархан хотын Нэгдсэн эмнэлэгт, Лувсангийн Болд, Мэндбаярын Энхмандах нарын дунд хүү болон төржээ.
Боловсрол[засварлах | кодоор засварлах]
- 1977-1982 онд Дархан хотын 5 дугаар цэцэрлэг
- 1982-1990 онд Дархан хотын 17-р дунд сургууль
- 1990-1992 онд Сүхбаатар аймаг 1-р дунд сургууль /бүрэн дунд боловсрол/
- 1992-1997 онд МУИС, Эдийн Засгийн Сургуульд банкны эдийн засагч
- 2007-2008 онд АНУ, Калифорнийн Их Сургуулийн Риверсайдын хэлний сургууль
- 2008–2009 онд АНУ, Индианагийн Их Сургуульд тус тус суралцсан.
Эдийн засагч мэргэжилтэй, орос, англи хэлтэй.
Ажилласан байдал[засварлах | кодоор засварлах]
- 1997-1999 онд Монголбанк, Хяналт шалгалтын газрын хянан шалгагч
- 1999-2000 онд Монголбанкнаас ХААН банкинд Бүрэн эрхт төлөөлөгч, Эрх хүлээн авагч
- 2000-2004 онд Монголбанк, Хяналт шалгалтын газрын ахлах хянан шалгагч
- 2004-2006 онд Худалдаа Хөгжлийн Банк, Үйл ажиллагаа эрхэлсэн захирал
- 2006-2007 онд Худалдаа Хөгжлийн Банк, Дэд ерөнхийлөгч
- 2010 -2016 онд Монголбанкны Тэргүүн Дэд Ерөнхийлөгч
- 2016 онд УИХ дахь МАН-ын бүлгийн зөвлөх
- 2016 оноос УИХ-ын гишүүн
- 2021 оны 1 сарын 29-нөөс Сангийн сайд
Гэр бүл[засварлах | кодоор засварлах]
Тэрээр эхнэр, нэг хүүтэй.