Пол Пирс

Пол Пирс
Paul Pierce
Paul Pierce Nets.jpg
«Вашингтон Уизардс» — № 34
Жижиг довтлогч
Өндөр: 201 см
Жин: 107 кг
Иргэншил: Америкийн Нэгдсэн УлсАмерикийн Нэгдсэн Улс Америкийн Нэгдсэн Улс
Мэндэлсэн: 1977 оны 10 сарын 13 (1977-10-13) (45 настай),
Калифорни, Окленд
Ахлах сургууль: Инглвүүд (Калифорни, Инглвүүд)
Драфт: 10, 1998, Бостон Селтикс
Тоглогчийн замнал
Амжилт, шагналууд

Пол Энтони Пирс (англ. Paul Anthony Pierce, 1977 оны аравдугаар сарын 13-нд Калифорни мужийн Окленд хотод төрсөн) — Америкийн мэргэжлийн сагсан бөмбөгчин бөгөөд Үндэсний сагсан бөмбөгийн холбооны Вашингтон Уизардс багийн довтлогч юм.

Товчхон[засварлах | кодоор засварлах]

1998 оны драфтын эхний тойргийн 10 дахь сонголтоор Бостон Селтикс багт очсоноосоо хойш бүх улиралд гараанд гарж байгаа. Тэрээр 9 удаагийн бүх одод, 4 удаа бүх НБА-гийн багт нэрлэгдэж, 2008, 2010 онуудад Бостон Селтиксийг финалд үлдээхэд голлох үүрэг гүйцэтгэсэн. Улмаар 2008 онд финалын Үнэ цэнэтэй тоглогчийн шагналыг хүртсэн. Мөн Бостон Селтикс багийн өмсгөлтэй 20,000–гаас дээш оноо авсан гуравхан тоглогчийн нэг (Нөгөө 2 тоглогч нь Ларри Бёрд, Жон Хавличек). Тэрээр Инглвүүд ахлах сургуулийн сагсан бөмбөгийн од байсан бөгөөд 1995 онд Макдональдсын бүх Америкийн наадамд ирээдүйн одод болох Кевин Гарнетт, Стефен Марбури, Винс Картер нартай хамт оролцож байжээ. Мөн тухайн жилийн цагирган дээрээс довтлох үзүүлбэрийн тэмцээнд Картер түрүүлж байсан түүхтэй. Ахлах сургуулиа дүүргээд Канзасын их сургуульд эрүүгийн эрх зүйн ангид суралцаж байх хугацаандаа алдарт дасгалжуулагч Рой Виллиамсын удирдлага дор дунджаар 16 оноо авч, 6 самбараас бөмбөг авалт хийж байжээ. НБА-д ороод удалгүй довтолгоо болон самбараас бөмбөг авалт, хамгаалалтаараа лигийн шилдэг тоглогчдын нэг болж чадсан. 2002 онд зүүн бүсийн финалд Нью-Жерсигийн эсрэг 3 дах тоглолтын 4 дүгээр үед 19 оноо авч, гайхалтай эргэн ирэлтийг хийсэн. 2005-2006 оны улиралд лигийг оноо авалтаараа тэргүүлж, 2006 оны хоёрдугаар сарын 4-нөөс гуравдугаар сарын 12 хүртэл 14 тоглолт дараалан 30-с дээш оноо авч, Селтикс багийн шинэ амжилтыг тогтоосон.

2000 оны есдүгээр сарын 25-нд нэгэн шөнийн клубт Пирс зодолдож буй хүмүүсийг салгахыг оролдож байгаад нүүр, хүзүү болон нуруундаа 11 удаа хутгалуулсан байна. Түүний багийн анд Тони Батти ахынхаа хамт ойролцоох эмнэлэгт хүргэж амийг нь аварч байжээ.

2013 оны зургаадугаар сарын 28 буюу драттын үеэр Бостон Селтикс болон Бруклин Нетс багууд Пирс, Кевин Гарнетт, Жейсон Терриг 2014, 2016, 2018 оны драфтын I тойргийн эрхээр солилцов.[1]

2014 оны долоодугаар сарын 17-нд Пирс чөлөөт тоглогчийн хувиар Вашингтон Уизардстай гэрээлэв.[2]

Эшлэл[засварлах | кодоор засварлах]

  1. ↑ Nets, Celtics work out blockbuster. ESPN.com (June 28, 2013). June 28, 2013-д хандсан.
  2. ↑ Wizards Sign Paul Pierce. NBA.com (July 17, 2014). July 17, 2014-д хандсан.

Холбоос[засварлах | кодоор засварлах]

 Commons: Пол Пирс – Викимедиа зураг, бичлэг, дууны сан
 Загварыг тухайлан харах «Вашингтон Уизардс» багийн одоогийн бүрэлдэхүүн

2 Уолл •  3 Бил •  4 Гортат •  7 Харрингтон •  9 Уэбстер •  13 Серафин •  14 Райс •  17 Темпл •  22 Портер •  24 Миллер •  31 Синглтон •  34 Пирс •  35 Букер •  42 Нене •  90 Гүүден •  Блэр •  Эли •  дасгалжуулагч Рэнди Уиттман

 Загварыг тухайлан харах Америк АНУ-ын эрэгтэйчүүдийн сагсан бөмбөгийн шигшээ баг (6-р байр) Америк

4 Майкл Финли •  5 Бэрон Дэвис •  6 Андре Миллер •  7 Жермейн О'Нил •  8 Антонио Дэвис •  9 Пол Пирс •  10 Режи Миллер •  11 Шон Мэрион •  12 Жей Уильямс •  13 Бен Уоллес •  14 Элтон Брэнд •  15 Раф Лафренц •  Дасгалжуулагч: Жорж Карл

"https://mn.wikipedia.org/w/index.php?title=Пол_Пирс&oldid=588354"-с авсан