Керала

Керала
муж
കേരളം (малаялам)
Завь сууц
Завь сууц
Энэтхэгийн газрын зурагт Керала
Энэтхэгийн газрын зурагт Керала
Улс ЭнэтхэгЭнэтхэг Энэтхэг
Муж Керала
Дотроо 14 тойрогт хуваагдана
Мужийн төв Тируванантапурам
Газар нутаг 38,863 км² (22-р том)
Хүн ам (2011) 33,387,677 (13-р олон)
Нягт сийрэг 900 хүн/км²
1956 онд Керала муж бүтэн болсон

Керала (лат-га. Kerala) — Энэтхэг улсын харьяа, нутгийн өрнө өмнөд биед оршдог муж.

38 мянган км² газар нутаг, 33 сая хүн амтай. Албан ёсны бөгөөд нутгийн хэл нь малаялам.

Газар зүй[засварлах | кодоор засварлах]

Физик газрын зураг

Керала нутаг Энэтхэгийн хойгийн өрнөд өмнөд үзүүрт оршдог.

Лаккадивын тэнгис Өрнө Гат уулын нуруу хоёрын завсарт тогтсон.

590 км, 11-120 км өргөн урт сунасан хэлбэртэй. Эргийн нам доор газар оршдог.

Нутгийн Анамуди уул (2695) нь Энэтхэгийн өмнөд хэсгийн хамгийн өндөр уул юм.

Эрэг дагуу байгалийн сувагтай, 44 гол мөрөнтэй. Энэтхэгийн гадаргын усны 8% энд байна.

Жилийн дундаж хур тунадас — 2923 мм. Дундаж температур — 19.8 °C — 36.7 °C.

Ургамал амьтнаар баян. Аянга, цунами гэх мэт байгалийн гамшиг тохиолддог.

Хүн ам зүй[засварлах | кодоор засварлах]

Керала газар нутаг бага, улсын дундажаас гурав дахин илүү шигүү хүн суурьшсан нутаг юм.

2011 оны байдлаар хүн амын 93.9% бичиг үсэгт тайлагдсан. Хүний хөгжлийн илтгэлцүүр 0.790 байгаагаараа улсын хэмжээнд тэргүүн байр эзэлдэг. Ядуурлын түвшин ихээр буурсан. «Керала загвар» гэсэн үлгэр жишээ бий.

Нутгийн хүн амын 96% нь мужийн албан ёсны хэл болох малаялам хэлээр хэлэлцэнэ. тамил, каннада хэлтэн мөн бий.

Хүн амын 55% хиндү, 26% лал, 18% христ шашин шүтлэгтэй.

Хот суурин[засварлах | кодоор засварлах]

Томоохон хот (2011 оны байдлаар):

Түүх[засварлах | кодоор засварлах]

Керала нутаг эрт цагаас худалдааны боомт хавийн газар байсан. Чинжүү, халуун ногооны худалдаа явагддаг байв.

Венад, Коёкорын вант улс оршин байсны дараа Португалын далайчид ирж колоничлон суусан. Дараа нь Франц, Нидерланд, Британийн мэдэлд шилжсэн.

1947 онд Энэтхэг улс тусгаар тогтноход Траванкор, Кочин гэсэн хоёр вант улс Энэтхэгийн холбоонд нэгдэж Траванкор-Кочин муж үүсэн байгуулагдав. 1956 оны засаг захиргааны өөрчлөн байгуулалтаар Мадрас мужаас Малабар тойргийг салган тус Траванкор-Кочинтой нэгтгэж Керала муж болгожээ.

Зураг[засварлах | кодоор засварлах]