Алаг-Эрдэнэ сум

Чөлөөт нэвтэрхий толь — Википедиагаас
Jump to navigation Jump to search
Flag of Mongolia.svg Монгол улсын
Mn coa khövsgöl aimag 2014.svg Хөвсгөл аймгийн
Алаг-Эрдэнэ сум
Улбар шар нь Мөрөн, ягаан нь Алаг-Эрдэнэ
4,500 км² газар нутагтай
2,992 хүн оршин суудаг
76,000 толгой малтай
Дотроо Шувуут, Ужиг (Цагаан бэлчир), Яргис, Цагаан бургас, Манхан, Хатгал гэх зургаан багт хуваагдана.
1931 онд үүсгэн байгуулагдсан
Эргэн тойрондоо Арбулаг, Улаан-Уул, Рэнчинлхүмбэ, Чандмань-Өндөр, Түнэл таван сум, Хөвсгөл нуураар хүрээлэгдэнэ.
Алаг-Эрдэнэ сумын төвийн ойролцоох байдал. 2006 оны 9 сар

Алаг-Эрдэнэ сум нь Хөвсгөл аймгийн сум юм. 4,500 орчим км² нутагтайгаас 1,460 км² нь ой, 2,760 км² нь бэлчээр болно. 2005 оны байдлаар тус сумын хүн ам 2992 байсан бөгөөд халх, дархад, хотгойд, урианхай ястан амьдран суудаг. Сумын төв Манхан нь аймгийн төв Мөрөнг Хатгалтай холбосон замын ойролцоо, Мөрөнгөөс хойш 62 км, нийслэл Улаанбаатараас 733 км-ийн зайд оршино. Сумын хойд хилд Хөвсгөл нуур байдаг.

Түүх[засварлах | edit source]

1926 онд Хөвсгөл аймаг байгуулагдахад Алаг-Эрдэнэ сум зохион байгуулагдсан. 1933 оны байдлаар 1006 өрхийн 3,400 орчим оршин суугч, 82,000 орчим толгой малтай байв. 1942 онд 2 баг Рэнчинлхүмбэ суманд шилжиж, мөн 1952 онд дахин 2 баг Түнэл суманд нэгджээ. 1956 онд "Хөгжил" нэгдэл байгуулагджээ.

Эдийн засаг[засварлах | edit source]

2013 оны байдлаар 130000 орчим толгой малтайгаас 26,000 нь хонь, 36,000 нь ямаа, 11,500 нь үхэр болон сарлаг, 6,400 нь адуу, 33 нь тэмээ байв[1]. 1980-аад онд Зөвлөлт Холбоот Улсын геологичид сумын нутагт өргөн хэмжээний судалгаа явуулж, фосфорын орд газар олсон бөгөөд байгаль орчинд муугаар нөлөөлнө гэдэг үндэслэлээр олборлолт явагдахгүй байгаа. Мөн хар нүүрс, бал чулуу, өөхөн чулуу элбэгтэй.

Ном зүй[засварлах | edit source]

М.Нямаа, Хөвсгөл аймгийн лавлах толь, Улаанбаатар 2001, х.14

Эшлэл[засварлах | edit source]