Болдын Жавхлан
Болдын Жавхлан | |
|---|---|
 Сангийн сайд | |
| Албан тушаалаа авсан 2021 оны 1 сарын 29 | |
| Ерөнхий Сайд | Лувсаннамсрайн Оюун-Эрдэнэ |
| Өмнөх | Чимэдийн Хүрэлбаатар |
| Хувийн мэдээлэл | |
| Төрсөн | 1975 оны 5 сарын 12 |
| Улс төрийн нам | Монгол Ардын Нам |
| Алма матер | Монгол Улсын Их Сургууль АНУ, Индианагийн Их Сургууль |
| Мэргэжил | Эдийн засагч |
Болдын Жавхлан (1975 оны 5 сарын 12-нд Дарханд төрсөн) нь Монгол Улсын улс төрч, эдийн засагч. Монголбанкны тэргүүн дэд ерөнхийлөгчөөр ажиллаж байсан тэрээр 2016 оны УИХ-ын сонгуульд МАН-аас Дархан-Уул аймагт нэр дэвшин ялалт байгуулсан бөгөөд, 2020 онд дахин сонгогджээ. Улмаар 2021 оны 1-р сарын 29-нд Монгол Улсын Сангийн сайдаар томилогдсон.
Намтар
[засварлах | кодоор засварлах]Болдын Жавхлан 1975 оны 5 дугаар сарын 12-ны өдөр Дархан хотын Нэгдсэн эмнэлэгт, эцэг Лувсангийн Болд, эх Мэндбаярын Энхмандах нарын дунд хүү болон төржээ.
Боловсрол
[засварлах | кодоор засварлах]- 1977-1982 онд Дархан хотын 5 дугаар цэцэрлэг
- 1982-1990 онд Дархан хотын 17-р дунд сургууль
- 1990-1992 онд Сүхбаатар аймаг 1-р дунд сургууль /бүрэн дунд боловсрол/
- 1992-1997 онд МУИС, Эдийн Засгийн Сургуульд банкны эдийн засагч
- 2007-2008 онд АНУ, Калифорнийн Их Сургуулийн Риверсайдын хэлний сургууль
- 2008–2009 онд АНУ, Индианагийн Их Сургуульд тус тус суралцсан.
Эдийн засагч мэргэжилтэй, орос, англи хэлтэй.
Ажилласан байдал
[засварлах | кодоор засварлах]- 1997-1999 онд Монголбанк, Хяналт шалгалтын газрын хянан шалгагч
- 1999-2000 онд Монголбанкнаас ХААН банкинд Бүрэн эрхт төлөөлөгч, Эрх хүлээн авагч
- 2000-2004 онд Монголбанк, Хяналт шалгалтын газрын ахлах хянан шалгагч
- 2004-2006 онд Худалдаа Хөгжлийн Банк, Үйл ажиллагаа эрхэлсэн захирал
- 2006-2007 онд Худалдаа Хөгжлийн Банк, Дэд ерөнхийлөгч
- 2010 -2016 онд Монголбанкны Тэргүүн Дэд Ерөнхийлөгч
- 2016-2020 онд УИХ-ын гишүүн, УИХ дахь МАН-ын бүлгийн зөвлөх.
- 2021 оны 1 сарын 29-нөөс Сангийн сайдаар томилогдон ажиллаж байна.
Гэр бүл
[засварлах | кодоор засварлах]Тэрээр эхнэр, нэг хүүтэй.
