2 сарын 13

Чөлөөт нэвтэрхий толь — Википедиагаас
Харайх: Удирдах, Хайлт
Түүхэн жилийн өдөр
1 сар · 2 сар · 3 сар
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30

2 сарын 13 нь Григорийн тооллын жилийн 44 дахь өдөр бөгөөд жилийн эцэс хүртэл 321 өдөр (өндөр жил бол 322 өдөр) үлдэж байна.

Онцлох үйл явдал[засварлах | edit source]

  • 1462 - Вестминстерийн тунхагаар Английн хаан IV Эдуард Шотландын Ислегийн лорд болов.
  • 1542 - Английн хаан VIII Хенригийн тав дахь гэргий Катерин Ховардыг садар самууныг сурталчилсан гэж үзэн цаазаар авчээ.
  • 1633 - Алдарт одон оронч Галилео Галилейг сүмийн номлол зөрчсөн гэх үндэслэлээр шүүх ажиллагаа эхэлсэн байна.
  • 1660 - Шведийн хаан X Чарльз Густаф өөд болсоноор түүний хүү дөрвөн настай XI Чарльз хаан ширээнд суужээ.
  • 1689 - Английг Уиллиам болон Мери нар хамтран захирах болов.
  • 1739 - Карналын тулаан: Ираны эзэн хаан Надер Шахын арми Карналын тулаанд Моголын эзэнт гүрнийг буулган авчээ.
  • 1867 - Бельгийн Брюссель хотын гол гудамжуудыг барьж эхлэв.
  • 1880 - Алдарт зохион бүтээгч Томас Эдисон Эдисоны эффектийг олонд танилцуулжээ.
  • 1913 - Манж Чин гүрэн мөхсөний дараа 13-р Далай лам Төвдийг тусгаар тогтнуулах тухай дөрвөн заалт бүхий баримт бичгийг Хятадын төв засгийн газарт өргөн барьжээ.
  • 1914 - АНУ-ын Нью-Йорк хотноо Америкийн хөгжмийн зохиолч, зохиолч, хэвлэн нийтлэгчдийн нийгэмлэг байгуулагдаж, эрхээ хамгаалахаар болсон байна.
  • 1931 - Британийн колони Энэтхэг нийслэлээ Калькутта хотоос Шинэ Дели рүү нүүлгэжээ.
  • 1935 - АНУ-ын Нью Жерси мужийн Флемингтон хотын шүүх Алдарт нисгэгч Чарльз Линдбергийн хүүг барьцаалж, хөнөөсөн хэрэгт Брунао Хауптманныг буруутай болохыг тогтоожээ.
  • 1945 - Дэлхийн II дайн: Герман, Унгарын цэргийн хүчийг Зөвлөлтийн "Улаан арми" буулган авсанаар Будапештийн бүслэлт зогсчээ.
    • Дэлхийн II дайн: Германы Дресден хотыг Их Британийн нисэх хүчин агаараас бөмбөгдөв.
  • 1951 - Солонгосын дайн: Хятадын арми Өмнөд Солонгосын зэвсэгт хүчний эсрэг тулаанаа эхлүүлжээ.
  • 1960 - Францын засгийн газар цөмийн зэвсгийн туршилт хийх шийдвэр гаргаснаар, цөмийн зэвсэг бүхий дэлхийн дөрөв дэх улс болов.
  • 1961 - АНУ-ын Калифорни мужийн Оланча хотоос 500 мянган жилийн настай чулуу олджээ.
  • 1978 - Австралийн Сидней хотод байрлах "Хилтон" зочид буудлын гадаа бөмбөг дэлбэрч хоёр хүн амиа алджээ.
  • 1983 - Италийн Турин хотын нэгэн кино театрт гал гарсаны улмаас 64 хүн амиа алдав.
  • 1984 - ЗХУ-ын Коммунист намын ерөнхий нарийн бичгийн даргын суудалд Константин Черненко суув.
  • 1990 - Германы нэгдэл: Зүүн болон Баруун Германы удирдлагууд Германыг нэгтгэх хоёр шатлалт бодлого хэрэгжүүлнэ гэдгээ олон нийтэд зарлажээ.
  • 1996 - Непалын хаант улс болон Непалын коммунист намынханы хооронд үүссэн улстөрийн маргаан иргэний дайн болж хувирав.
  • 2004 - Харвард-Смитсонианы Астрофизикийн төв цул очир эрдэнээс бүтсэн жижиг одыг илрүүлжээ. Эрдэмтэд энэ одыг Битлзийн дуунаас сэдэвлэн "Люси" хэмээн нэрлэжээ.
  • 2007 - Тайваны сөрөг хүчний тэргүүн Ма Йенг-Жү Гоминдан намын даргын суудлаа хүлээлгэн өгчээ. Тэрээр 2008 онд болох Ерөнхийлөгчийн сонгуультай холбогдуулан суудлаа хүлээлгэн өгсөн байна.
  • 2008 - Австралийн ерөнхий сайд Кевин Радд уугуул австраличуудын эсрэг ажиллагаа явуулж, бүхэл бүтэн үеийг үгүй хийсэн явдалд албан ёсоор уучлал гуйжээ.
  • 2012 - Европын сансар судлалын агентлаг Европын холбооны анхны пуужин болох "Вега"-г хөөргөж, задгай сансарт гаргав.
  • 2017 - Умард Солонгосын удирдагч Ким Чен Уны эцэг нэгт ах Ким Жон Нам Малайзын нисэх онгоцны буудалд химийн халдлагад өртөн амиа алджээ.

Мэндэлсэн алдартнууд[засварлах | edit source]

  • 1469 - Хебрью хэлийн дүрмийг зохиогч Элиа Левита (1549 онд нас барсан)
  • 1599 - Ромын пап VII Александер (1667 онд нас барсан)
  • 1766 - Английн нэрт эдийн засагч Томас Роберт Мальтус (1834 онд нас барсан)
  • 1768 - Францын 15 дахь ерөнхий сайд Эдуард Адольф Касимир Жозеф Мортье (1835 онд нас барсан)
  • 1855 - Францын 11 дэх ерөнхийлөгч Поль Дешанель (1922 онд нас барсан)
  • 1885 - АНУ-ын 35 дахь тэргүүн хатагтай Бесс Труман (1982 онд нас барсан)
  • 1888 - Грекийн ерөнхий сайд Георгиос Папандреу (1968 онд нас барсан)
  • 1902 - Америкийн улстөрийн шинжээч Харольд Лассуэлл (1978 онд нас барсан)
  • 1910 - Нобелийн шагналт Америкийн физикч Уиллиам Шокли (1989 онд нас барсан)
  • 1913 - Саудын Арабын хаан Халид (1982 онд нас барсан)
  • 1923 - Дууны хурдыг гүйцэж түрүүлсэн анхны нисгэгч Чак Йегер
  • 1929 - Панамын зэвсэгт хүчний тэргүүн Омар Торрихос (1981 онд нас барсан)
  • 1933 - Камерун улсын хоёр дахь ерөнхийлөгч Пол Бияа
  • 1934 - Алтан бөмбөрцгийн хоёр удаагийн шагналт жүжигчин Жорж Сигал
  • 1947 - Америкийн сагсанбөмбөгч, дасгалжуулагч Майк Кришевски
  • 1965 - Папуа Шинэ Гвиней улсын долоо дахь ерөнхий сайд Петер О'Нил
  • 1979 - Мексикийн нэрт хөлбөмбөгч Рафаел Маркез
  • 1983 - Олимпийн алт, хүрэл медальт, Дэлхийн хошой аварга Их Британий завьч Анна Уоткинс
  • 1984 - Олимпийн алт, мөнгөн медальт, Дэлхийн гурав, Европын 16 алтан медальт Нидерландын усанд сэлэгч Хинкелайн Шройдер
  • 1990 - Францын хөлбөмбөгч Мамаду Сахо
  • 1994 - Голландын хөлбөмбөгч Мемфис Депай

Нас барсан алдартнууд[засварлах | edit source]

  • 1130 - Ромын пап II Онориус (1060 онд төрсөн)
  • 1141 - Унгарын хаан II Бела (1110 онд төрсөн)
  • 1905 - Оросын уран зураач Константин Савицки (1844 онд төрсөн)
  • 1928 - Монгол Улсын ерөнхий сайд Балингийн Цэрэндорж (1868 онд төрсөн)
  • 1942 - Бразилийн 11 дэх ерөнхийлөгч Эпитасио Пессоа (1865 онд төрсөн)
  • 1967 - "Ниссан Мотор" компанийг үндэслэгч Айкава Ёшисүке (1880 онд төрсөн)
  • 1976 - Нигерийн дөрөв дэх ерөнхийлөгч Муртала Мохаммед (1938 онд төрсөн)

Тэмдэглэлт өдөр[засварлах | edit source]

  • Flag of Myanmar.svg Мьянмар Хүүхдийн өдөр
  • Дэлхийн радиогын өдөр