Аллен Айверсон
Аллен Изэйл Айверсон (Англи: Allen Ezail Iverson, 1975 оны зургаадугаар сарын 7-нд Виржини мужийн Хэмптон хотод төрсөн) — Үндэсний сагсан бөмбөгийн холбооны Филадельфия Севенти Сиксерс, Денвер Наггетс, Детройт Пистонс болон Мемфис Гриззлис, түүнчлэн туркийн Бешикташ зэрэг багуудад тоглож байсан Америкийн нэртэй мэргэжлийн сагсан бөмбөгчин юм. Тэрээр холбон тоглогч болон шидэгч-хамгаалагчын байрлалуудад тоглодог байв. Талбай дээр бол нуруулагтаа төдийлөн тооцогдохгүй ч (183 см) тоглолтын гайхалтай ур чадвар, тэсрэлтийн хүчээр дөрвөн ч удаа НБА-гийн улирлыг оноо авалтаар тэргүүлж, Бүх оддын тоглолтонд 11 удаа сонгогдож (9-д оролцсон), 2000-2001 онд улирлын үнэ цэнэтэй тоглогчоор тодорч, замналынхаа туршид цуглуулсан оноогоороо мэнд байгаа тоглогчид дундаа гуравдугаарт эрэмбэлэгдсэн "шилдэг тоглогч" билээ.[1]. Айверсон АНУ-ын шигшээ багт 2003 оны Америкийн тивийн аварга, 2004 оны олимпын хүрэл медальтан болж байлаа.
Намтар
[засварлах | кодоор засварлах]Бага нас
[засварлах | кодоор засварлах]Алленийг эх нь 15 настайдаа төрүүлсэн гэх бөгөөд эцэг нь мөн л өсвөр насны хөвгүүн байв. Эцэг нь ерөнхийдөө орхин явсан тул удалгүй эх нь Норфолкт усан онгоцны үйлдвэрт ажилладаг хоёр охинтой эртэй нийлж хамтран амьдрах болсоноор Аллены бага нас Норфолкт өнгөрсөн юм. Эхэндээ Аллен Айверсон Америк хөлбөмбөгийн нэрт тамирчин Чикаго Бэарз багийн домог Уолтер Пэйтон шиг мэргэжлийн хөлбөмбөгчин болохыг мөрөөдөж эхлэв. Есөн настай байх үед ээжийн нь авч Air Jordan пүүз авч өгч нэг ёсондоо сагсан бөмбөгийн спорттой нөхөрлүүлэх гэсэн ч эхний сонирхол хүүд нь илүү байж үл тоосон мэт байжээ. 1990 онд хойд эцэг нь хар тамхины наймаан хэргээр шоронд орсонтой зэрэгцэн ээж нь Айверсоны дүү охиныг төрүүлж, бие нь сульдаж хөдөлмөрлөх чадваргүй болсоноор жаалхүүгийн мөрөөдөл талаар болж амьдрал тааруу болж эхэлсэн юм. Спортын гүнзгийрүүлсэн сургалттай Бетел ахлах сургуулийн 15 настай сурагч Айверсон мөнгө олохын сагсан бөмбөг сайн тоглож сурах гэсэн тэмүүлэлтэй байв. Гэртээ хэсэг амьдруулж байсан коллежийн хөлбөмбөгчин асан Гэри Мур Айверсоныг хөлбөмбөгийн оюутны аварга шалгаруулах тэмцээнд орох хүртэл дэмжлэг өгсөнөөр 1992 он гэхэд сургуулийнхаа шигшээ багийн хамт мужид дээгүүр амжилт гаргаж байв.[2] Энэ үед хамгаалагчын байрлалд тоглодог байсан түүнийг цаашид уг спортоор явахад нуруу намтай тул амжилт гаргахад тааруу гэж мэргэжлийн хүний зөвлөсөний[3] дагуу Айверсон хэсэг хугацаанд тоглоогүй. 1993 оны долоодугаар сард Айверсон гудамжны зодооны хэргээр хэрэгт татагдаж шүүхээс таван жил ял сонссон ч таван сарын дараа өршөөлөөр суллагдсан юм. Энэ явдлын дараа Аллений хувьд сэтгэлийн хүнд шархтай байсан ахлах сургуульдаа эргэн оролгүй байсаар 1994 онд Жоржтауны их сургуульд тухайн сургуулийн сагсан бөмбөгийн багийн ахлах дасгалжуулагч Жон Томпсоны дэмжлэгээр элсчээ. Дасгалжуулагч Аллений авъяасыг түргэвчилсэн бэлтгэл сургуулилалтаар шахаж ахар богино хугацаанд багийн гарааны тоглогч болгож байв. Тэр 1996 оны оюутны лигт 23 оноо, 4.6 бөмбөг таслалт, 3.2 дамжуулалт дунджилж үнэхээр мандаж байлаа.[4]
НБА
[засварлах | кодоор засварлах]1996 оны долоодугаар сарын 26-нд драфтын тэргүүн сонголтоор Филадельфия Севенти Сиксерс багт элссэн юм. НБА-гийн шиннэ залуу тоглогчийн анхны улирлаа 23.5 оноо, 7.5 дамжуулал, 2.1 бөмбөг таслалт дунджилсан тун сайн амжилтаар үдсэн юм. Сайны хажуугаар гэдэгчлэн 1997 оны наймдугаар сард Айверсон хар тамхины хэрэгт холбогдож, тойргийн шүүхээс 100 цагийн албадан хөдөлмөрийн шийтгэл авч байлаа. 1999 оны нэгдүгээр сард багтайгаа зургаан жилийн 70 сая долларын гэрээг байгуулсан нь тухайн үедээ шуугиан тарьж байлаа.[5] Айверсон бол Филадельфия багт хамгийн чухал байв. Улирал бүрт дунджаар 40 минут талбай дээр тоглож, 31.4, 31.1, 30.7, 27.6 гэх мэт оноог дунджилж байсан нь дөрвөн удаа НБА-гийн улирлыг тэргүүлэх хангалттай үзүүлэлт байж чадсан юм.
2006 оны арванхоёрдугаар сарын 19-нд Филадельфия багт Денвер Наггетс багаас санал ирж, Айверсон багийн хэд хэдэн тоглогчийн хамт очсон билээ. Энд ирээд улирлын онооны аварга болоход тун дөхөж баг нэгт Кармело Энтони улирлыг магнайлсан юм.[6]. Сан-Антонио Спёрс багтай Денвер хасагдах шатанд таарч ялалт байгуулахад Айверсоны үүрэг онцгой байсаныг дурдах нь зүйтэй.[7]
2008 оны арваннэгдүгээр сарын 3-нд Детройт Пистонс багтай, 2009 оны есдүгээр сарын 10-нд Мемфис Гриззлис багтай тус тус гэрээ байгуулан эгнээнд нь элсэж[8] удалгүй Филадельфия багтаа арвннэгдүгээр сард эргэн ирсэн түүхтэй.[9]. Айверсон Туркийн Бешикташ багт[10] нэг улирал тоглосоны дараа 2013 оны аравдугаар сарын 30-нд зодог тайлсанаа зарлаж байлаа. 2014 оны 03-р сарын 01-ий өдөр НБА-гийн анхны баг Филадельфия-76 нь Айверсоны "3" дугаарын өмсгөлийн хүндэтгэн мөнхөлсөн билээ.
Эшлэл
[засварлах | кодоор засварлах]- ↑ NBA & ABA Active Leaders and Records for Points. Basketball-Reference.com
- ↑ Allen Iverson Bio. NBA.com
- ↑ Southern Discomfort (Memento 24. Есдүгээр сар 2009 цахим архивт). Ned Zeman. Sports Illustrated. 25 октября 1993
- ↑ Georgetown Basketball History: Top 40 Players (Memento 4. Арванхоёрдугаар сар 2008 цахим архивт) Загвар:Недоступная ссылка. HoyaBasketball.com
- ↑ Allen Iverson timeline. ESPN. 20 декабря 2006
- ↑ "Miller, Smith go to Sixers in deal for Iverson" (англи хэлээр). ESPN. 2006-12-20. Эх хувилбараас архивласан: 2013-08-27. Татаж авсан: 2010-12-29.
- ↑ "Spurs Close Out Nuggets in Game 5" (англи хэлээр). NBA.com. 2007-05-03. Эх хувилбараас архивласан: 2013-11-01. Татаж авсан: 2010-12-29.
- ↑ Iverson, Grizzlies end stint together after 3 games. NBA.com. 16 ноября 2009
- ↑ Sixers meet with Iverson. NBA.com. 30 ноября 2009
- ↑ "Allen Iverson set to join Turkey's Besiktas" (англи хэлээр). Reuters. 25.10.2010. Эх хувилбараас архивласан: 2010-10-28. Татаж авсан: 25 October 2010.
{{cite web}}: Check date values in:|date=(help)
Холбоос
[засварлах | кодоор засварлах]
Commons: Аллен Айверсон – Викимедиа зураг, бичлэг, дууны сан- Аллен Айверсон - НБА (англ.)
- Аллен Айверсон - АНУ-ын олимпын баг (англ.)
- Үзүүлэлт - Basketball-Reference.com (англ.)
