Монгол улс Олимпод

Монгол Улс Олимпод
Монгол улсын төрийн далбаа
ОУОХ-ны код:	MGL
ҮОХ:	Монголын Үндэсний Олимпын Хороо Албан ёсны сайт
Олимп
Медаль	Алт 2	Мөнгө 11	Хүрэл 17	Нийт 30
Монгол - Зуны олимпод
1964 • 1968 • 1972 • 1976 • 1980 • 1984 • 1988 • 1992 • 1996 • 2000 • 2004 • 2008 • 2012 • 2016• 2020 • 2024 • 2028
Монгол - Өвлийн олимпод
1964 • 1968 • 1972 • 1976 • 1980 • 1984 • 1988 • 1992 • 1994 • 1998 • 2002 • 2006 • 2010 • 2014 • 2018 • 2022 • 2026

Монгол улс нь 1964 оноос эхлэн Олимпын наадамд оролцож эхлэсэн бөгөөд үүнээс хойш бараг бүхий л зуны олимпод оролцсон. 1984 онд ЗХУ-ийн санаачилгаар социалист орнууд Лос-Анжелесын олимпыг бойкотолсноор Монгол улс 1984 оны зуны олимпод оролцоогүй ба оронд нь социалист орнуудын зохион байгуулсан "Эв санааны наадам" (Friendship Games) гэсэн тэмцээнд оролцжээ. Өвлийн олимпын хувьд мөн 1964 оноос хойш, 1976 оны олимпоос бусад бүх Өвлийн Олимпод оролцсон боловч одоогоор медаль хүртээгүй байна.

Монголын Үндэсний Олимпын Хороо нь 1956 онд байгуулагдаж 1961 онд НҮБ-ын гишүүн болсоны дараа 1962 онд Олон Улсын Олимпын Хороо хүлээн зөвшөөрч гишүүн болгосон түүхтэй.

1964 оны Токиогийн олимпын наадамд Монгол улс анх оролцож чөлөөт бөх, буудлага, хөнгөн атлетик, дугуй, спортын гимнастикийн төрөлд нийт 21 тамирчин хурд, хүчээ сорьсон байна.

Харин 1968 онд 16 тамирчин Мексикийн Мехико хотыг зорьж нэг мөнгөн медаль /Жигжидийн Мөнхбат/, гурван хүрэл /Чимидбазарын Дамдиншарав, Данзандаржаагийн Сэрээтэр, Төмөрийн Артаг/ медаль хүртэж, шагналт байрт хоёр тамирчин орсон байна. Ийнхүү 112 орон оролцсон тус олимпоос Монгол Улс 27 дугаар байрт орж байжээ.

1972 оны Мюнхены олимпод 41 тамирчин явж  нэг мөнгөн медаль /Хорлоогийн Баянмөнх/, шагналт байр хоёрыг эзэлж 121 орноос 36-д орсон.

1976 оны Монреалын олимпод 33 тамирчин оролцож нэг мөнгөн медаль /Зэвэгийн Ойдов/ хүртэж, шагналт байрт дөрвөн тамирчин орсон амжилтаар 92 орноос 35 дугаар байрт жагссан байна.

1980 оны Москвагийн олимпын наадамд 43 тамирчин оролцож хоёр мөнгө /Ж.Даваажав, Ц.Дамдин/, хоёр хүрэл медаль /Д.Оюунболд, Р.Даваадалай/, таван шагналт байр эзэлж 80 орноос 22 дугаар байрт орсон юм. Тус олимпод хөрөнгөтний гэгдэх орнууд оролцоогүй.

1984 оны АНУ-ын Лос-Анжелес хотноо болсон 23 дугаар олимпын наадамд хуучнаар социалист системийн орнууд оролцоогүйгээс манай тамирчид Лос-Анжелес хотыг зориогүй юм.

1988 оны Сөүлийн олимпын наадамд манай 28 тамирчин оролцож нэг хүрэл медаль /Нэргүйн Энхбат/, самбо бөхийн мөнгөн медаль /Содномын Эрхэмбаяр/ дөрвөн

шагналт байр хүртэж 159 орноос 47-д оржээ.

1992 оны Барселоны олимпод 33 тамирчин явснаас хоёр хүрэл медаль /Намжилын Баярсайхан, Доржсүрэнгийн Мөнхбаяр -одоо германы иргэн/ хүртэж, шагналт байранд мөн хоёр тамирчин орсноор тус олимпод оролцсон 169 орноос 48 дугаар байр эзэлсэн.

1996 оны Атлантын олимпын наадамд 18 тамирчин оролцож жүдо бөхийн нэг хүрэл медаль /Доржпаламын Нармандах/ хүртэж 179 орноос 71 дүгээр байрт оржээ.

2000 оны Сиднейн олимпод 20 тамирчин оролцож буудлагын тамирчин Отрядын Гүндэгмаа шагналт байр эзэлж, манай тамирчдын олимпын наадамд 1964 онд анх удаа оролцохдоо медаль хүртээгүй шиг Сиднейгээс ганзага хоосон ирснээр 199 орноос 150 дугаарт орж сүүл мушгисан билээ.

Шинэ зууны анхны олимп болох 2004 оны Афины олимпын наадамд Монголын баг тамирчид нэг хүрэл медалийг Хашбаатарын Цагаанбаатар хүртжээ.

2008 оны Бээжингийн олимпын наадамд нийт 28 тамирчин оролцож жүдо бөхийн -100 кг-д Найдангийн Түвшинбаяр, боксоор Энхбатын Бадар-Ууган нар Монголын баг тамирчдын түүхэн дэх анхны алтан медалийг хүртсэн. Мөн 25 метрийн спорт гар бууны төрөлд Отрядын Гүндэгмаа, боксын спортоор Пүрэвдоржийн Сэрдамба мөнгөн медаль хүртэж гайхалтай амжилт гаргаж байсан түүхтэй.

2012 оны Лондоны олимпын наадамд жүдо бөхийн -100 кг-д олимпын аварга Найдангийн Түвшинбаяр мөнгөн медаль хүртэж, Монгол Улсаас анх удаа олимпын хос медальтан болсон. Боксын спортоор Нямбаярын Төгсцогт мөнгө, жүдо бөхөөр Сайнжаргалын Ням-Очир, чөлөөт бөхөөр Соронзонболдын Батцэцэг, боксын спортоор Уранчимэгийн Мөнх-Эрдэнэ нар хүрэл медаль хүртэж монголчууд олимпын наадмаас анх удаа хамгийн олон буюу 5 медальтай ирсэн юм.

2016 оны Рио-де-Жанейрогийн олимпын наадамд жүдо бөхөөр Доржсүрэнгийн Сумьяа мөнгө, боксоор Доржнямбуугийн Отгондалай хүрэл медаль хүртсэн билээ.

2020 оны Токиогийн олимпын наадамд спортын 8 төрлөөр хурд, хүч, ур чадвараа сорих 38 эрхийн болзлыг хангаж 43 тамирчинтай оролцов. Энэ олимпын наадмыг Монголын таван шүүгч дэнсэлсэн нь мөн л түүхэн дэх анхны тохиолдол. Тэд бол жүдогийн шүүгч Т.Энхцэцэг, байт харвааны шүүгч Э.Саруул, хүндийг өргөлтийн шүүгч Л.Одгэрэл, боксын шүүгч Ц.Цогтгэрэл, О.Мандахбаяр нар юм.

Монголын баг тамирчид зуны Олимпын наадмаас нийт 2 алт, 11 мөнгө, 17 хүрэл, нийт 30 медаль аваад байна. Монголчууд медаль хүртэж байсан чөлөөт бөх, жүдо, бокс, буудлага гэсэн 4 төрөл бий. 2008 оны Бээжингийн олимпоос өмнө Монгол улс нь нэг ч алтан медаль аваагүй орнуудаас медалийн чанараараа тэргүүлж байсан боловч энэхүү олимпод жүдогийн төрлөөр Найдангийн Түвшинбаяр улсынхаа анхны Олимпын алтан медалийг авчирсан.

Одоогийн байдлаар Монгол улсын жүдочид 11, чөлөөтийнхөн 10, боксчид 7, буудлагынхан 2 медаль хүртсэн байна.

Медальтнууд

Медаль	Нэр	Он	Спорт
2 Мөнгө	Жигжидийн Мөнхбат	1968 Мехико	Чөлөөт бөх
3 Хүрэл	Чимидбазарын Дамдиншарав	1968 Мехико	Чөлөөт бөх
3 Хүрэл	Данзандаржаагийн Сэрээтэр	1968 Мехико	Чөлөөт бөх
3 Хүрэл	Төмөрийн Артаг	1968 Мехико	Чөлөөт бөх
2 Мөнгө	Хорлоогийн Баянмөнх	1972 Мюнхен	Чөлөөт бөх
2 Мөнгө	Зэвэгийн Ойдов	1976 Монреаль	Чөлөөт бөх
2 Мөнгө	Цэндийн Дамдин	1980 Москва	Жүдо
2 Мөнгө	Жамцын Даваажав	1980 Москва	Чөлөөт бөх
3 Хүрэл	Равдангийн Даваадалай	1980 Москва	Жүдо
3 Хүрэл	Дугарсүрэнгийн Оюунболд	1980 Москва	Чөлөөт бөх
3 Хүрэл	Нэргүйн Энхбат	1988 Сөүл	Бокс
3 Хүрэл	Намжилын Баярсайхан	1992 Барселона	Бокс
3 Хүрэл	Доржсүрэнгийн Мөнхбаяр	1992 Барселона	Буудлага
3 Хүрэл	Доржпаламын Нармандах	1996 Атланта	Жүдо
3 Хүрэл	Хашбаатарын Цагаанбаатар	2004 Афин	Жүдо
2 Мөнгө	Отрядын Гүндэгмаа	2008 Бээжин	Буудлага
1 Алт	Найдангийн Түвшинбаяр	2008 Бээжин	Жүдо
2 Мөнгө	Пүрэвдоржийн Сэрдамба	2008 Бээжин	Бокс
1 Алт	Энхбатын Бадар-Ууган	2008 Бээжин	Бокс
3 Хүрэл	Сайнжаргалын Ням-Очир	2012 Лондон	Жүдо
2 Мөнгө	Найдангийн Түвшинбаяр	2012 Лондон	Жүдо
3 Хүрэл	Соронзонболдын Батцэцэг	2012 Лондон	Чөлөөт
3 Хүрэл	Уранчимэгийн Мөнх-Эрдэнэ	2012 Лондон	Бокс
2 Мөнгө	Нямбаярын Төгсцогт	2012 Лондон	Бокс
2 Мөнгө	Доржсүрэнгийн Сумъяа	2016 Рио-де-Жанейро	Жүдо
3 Хүрэл	Доржнямбуугийн Отгондалай	2016 Рио-де-Жанейро	Бокс
3 Хүрэл	Мөнхбатын Уранцэцэг	2020 Токио	Жүдо
3 Хүрэл	Цэнд-Очирын Цогтбаатар	2020 Токио	Жүдо
2 Мөнгө	Саид Моллай	2020 Токио	Жүдо
3 Хүрэл	Бат-Очирын Болортуяа	2020 Токио	Чөлөөт бөх

Медалийн хүснэгтүүд

Наадмаар ангилсан нь

Олимп	Тамирчдын тоо	Спорт	Тамирчдын тоо төрөл бүрээр											Медаль			Нийт	Байр	Нийт медалийн байр
1964 Токио	21	4												0	0	0
1968 Мехико	20	4												0	1	3	4	34	26
1972 Мюнхен	39	7												0	1	0	1	33	16
1976 Монреаль	34	6												0	1	0	1	34	18
1980 Москва	43	8												0	2	2	4	27	15
1984 Лос-Анжелес	оролцоогүй
1988 Сөүл	28	5												0	0	1	1	46	23
1992 Барселона	33	7												0	0	2	2	51	24
1996 Атланта	16	7												0	0	1	1	71	26
2000 Сидней	20	6												0	0	0
2004 Афин	20	7												0	0	1	1	71	25
2008 Бээжин	29	7												2	2	0	4	31	24
2012 Лондон	29	7	2	2	4	0	0	9	2	2	0	0	8	0	2	3	5	56	22
2016 Рио-де-Жанейро	43	9	1	5	6	0	0	13	3	2	1	2	10	0	1	1	2	-	-

Спортоор ангилсан нь

Спорт	Алт	Мөнгө	Хүрэл	Нийт
Жүдо	1	4	6	11
Чөлөөт бөх	0	4	6	10
Бокс	1	2	4	7
Буудлага	0	1	1	2
Нийт	2	11	17	30

Медалийн тоог хүн амын тоотой харьцуулсан нь

Зуны Олимп
Он	Хүн ам	Медаль тус бүрт ногдох хүн амын тоо	Байр
1968	1,187,194	296,798	1
1972	1,333,214	1,333,214	12
1976	1,504,213	1,504,213	13
1980	1,687,664	421,916	4
1988	2,031,974	2,031,974	22
1992	2,435,243	1,217,621	20
1996	2,374,906	2,374,906	39
2004	2,737,118	2,737,118	38
2008	2,736,800	684,200	15
2012	2.8 сая	600,000	7

Мөн үзэх

• All-time Olympic Games medal count

Эшлэл

• "Olympic Medal Winners". Олон Улсын Олимпын Хороо. Татаж авсан: 2007-12-20.
• "Mongolian National Olympic Committee". Олон Улсын Олимпын Хороо. Татаж авсан: 2007-12-20.