Цэвэгмид

Чөлөөт нэвтэрхий толь — Википедиагаас
Jump to navigation Jump to search

Одоогийн Хэнтий аймгийн Баян-Адарга сумын нутгийн бөх. 1850 оны орчим төрсөн.

Анх 1874 оны уул тайлгын наадамд ирж барилдаад 5 даван шөвгөрч начин цол хүртжээ. Мөн наадамд 1876 онд дахин ирж барилдаад 7 даван үзүүрлэж заан цол авсан байна. Улмаар 1876 оны их даншигт 11-ийн даваанд Богдын шавь Гэлэгсэнгэ (хожмын дархан аварга)-д буулгуулж үзүүрлэн арслан цол, 1880 оны их даншигт 10-ийн даваанд Богдын шавь Дончин (хожмын арслан)-д буулгуулж үзүүрлэн даян аварга цол хүртсэн.

Цэвэгмид аварга олон жил сайн барилдаж их даншигт 2 удаа, уул тайлгад 3 удаа нийтдээ Монгол наадмын түрүү үзүүрт 5 удаа үлдээд Богдын шавийн бөхөд буулгуулж байжээ. Түүний энэхүү бөхийн амжилтыг үнэлж 1893 онд дархан аварга цол шагнажээ.