Сю Шүжан

Чөлөөт нэвтэрхий толь — Википедиагаас
Jump to navigation Jump to search
Xu Shuzheng2.jpg

Сью Шүжан (1880 оны 11 сарын 11 –1925 оны 12 сарын 29) Дундад Иргэн Улсын хятадын цэргийн генерал, Анхуй бүлгийн нэгэн зүтгэлтэн бөгөөд Хятадын ерөнхийлөгч Юань шикайн цэргийн сайд болон ерөнхий сайд байсан Дуан Цижуйгийн баруун гар болж байсан этгээд. Богд хаант Монгол улсыг устган Монголыг цэргийн хүчээр эзлэх үйл ажиллагааг гардан удирдаж зохион байгуулсан. Жили бүлгийхэн Анхуй бүлгийг засгийн эрхээс зайлуулахад зугтсан ба хятадын маршал Фэн Юйсянд алагдсан.

Түүний эцэг Дуань Чируйтай дотно байсан нь Сюйгийн улс төрийн карьерт нөлөөлжээ. 1911 онд Хятадын хуурай замын цэргийн сургалтын газрын дарга, Дуань Чируй ерөнхий сайд болсны дараа 1916 онд төрийн зөвлөлийн нарийн бичгийн даргаар дэвшиж Жан Золиниг идэвхтэй дэмжиж, ”Аньфу” хэмээх улс төрийн клуб үүсгэн байгуулжээ. 1919 онд Сюй баруун хойд хязгаарын хэргийг шийтгэх яамны сайд, тус хязгаарын цэргийн ерөнхий командлагчаар томилогдон, Хятадын хуурай замын цэргийн ангийг удирдан, Хүрээнд ирж Монголын автономийг сайн дураар устгах тухай хүсэлт гаргахыг Богдын засгийн газарт тулган хэрэгжүүлэх ажиллагааг гарджээ. 1920 оны зун Аньфу бүлэг ялагдсаны дараа Сюй албанаасаа бууж баривчлагдсан ч оргон Шанхайд нуугджээ. Сюй 1922 онд Дуан Чируйн зараалаар Сүнь Ятсэнтэй уулзаж Жили бүлгийн эсрэг хамтран тэмцэх төсөл боловсруулжээ. 1924 онд жили бүлэгт дахин цохигдсоны дараа цагаачлан Европ, Америк, Японд очжээ. 1925 онд Дуан Чируй дахин засгийн эрхэнд гарахад нутагтаа эгэн ирж Бээжингээс Шанхай орох замдаа хөлсний алуурчинд алуулжээ.