Чингис (хот)

Чингис Өндөрхаан ᠥᠨᠳᠦᠷᠬᠠᠨ
Сум
Хэрлэн сум ᠬᠡᠷᠦᠯᠦᠨᠰᠤᠮᠤ
Музейн цогцолбор
Чингис
Солбицол: 47°19′N 110°39′E
Улс	Монгол
Аймаг	Хэнтий
Газар нутаг
• Нийт	3,788 км2 (1,463 бээр2)
Өндөр	1,027 м (3,369 фут)
Хүн ам  (2022)
• Нийт	▲ 24,418
Цагийн бүс	UTC+8 (UTC + 8)

Чингис (хуучин нэр нь Өндөрхаан) нь Хэнтий аймгийн төв юм. Улаанбаатар хотоос зүүн талд 330 км газарт оршдог. Хүн ам нь 25,000 орчим.

Багуудын хүн ам

	Багийн нэр	Хүн ам (2010 он)
1	Хэрлэн	3261
2	Булаг	3677
3	Баянмөнх	3739
4	Сариг	3197
5	Өндөрхаан	3290
6	Цогт-Өндөр	323
7	Номгон	876
8	Ишгэн толгой	637

Нэр

Хуучнааар Өндөрхаан гэж нэрлэгддэг байсан тус хотыг Чингис хааны дурсгалд зориулан, Хэнтий аймгийн ИТХ-ын 2013 оны 11 сарын 18-ны өдрийн тогтоолоор Чингис хот хэмээн нэрийджээ.

Газар зүй

Чингис хот нь Хэнтий аймгийн хамгийн их хүн амын нягтшилтай газар юм.

Чингис бол Монголд хоёр дахь хүйтэн хот юм. Хэрлэн голын эрэгт, хамгаалалтгүй хээр газар оршдог. Өвлийн улиралд, гол хөлдөж салхи шуурахад -40^OC температурт хүрдэг.

Эдийн засаг

Хотын эдийн засагт нүүрс олборлот чухал бөгөөд хотын баруун талд 53 км зайд Чандгана Тал уурхай оршдог.

Ажилгүйдлийг бууруулах зорилготой Нэгдсэн Үндэстний Байгууллагын Хөгжлийн Хөтөлбөр (UNDP, НҮБХХ)-ийн хот ба хөдөөгийн бизнэсийг төлөвшүүлэх төсөл Чингис хотод төвтэй байдаг.

Түүх

Хятадын дарга Линь Бяо Хятадаас зугатаж явахад нь түүний онгоц 1971 оны 9 сарын 13-нд Чингис хотын ойр орчимд сөнөж, өөрөө ба түүний гэр бүлийнхэн бүгд амь үрэгдсэн аж.

Тээвэр

Өндөрхаан нисэх буудал (UNR/ZMUH) нь 1 шороон зурвастай бөгөөд Улаанбаатартай байнгын нислэгтэй.

Энэ хот нь Чойбалсан ба Улаанбаатар хотуудыг холбодог.