Эрхүү хот
| Эрхүү хот | |||
|---|---|---|---|
| мужийн захирах хот | |||
| орос. город Иркутск бур. Эрхүү хото |
|||
 |
|||
|
|||
  Эрхүү
|
|||
| Улс орон |  Орос |
||
| Муж | Эрхүү | ||
| Мужийн хот | Эрхүү | ||
| Дүүрэг (4) | Нэр бүхий 4 тойрогтой | ||
| Газар нутаг | 277.35 км² | ||
| Газрын байц | д.т.д. 440 м | ||
| Хүн ам (тоол.) | 2010 онд 587,225 хүн | ||
| Ард түмэн | 87% - орос, 2.3% - буриад | ||
| Нутгийн олон | Эрхүүгийнхэн | ||
| Хотын дарга | Виктор Кондрашов | ||
| Цагийн бүс | Эрхүүгийн цаг (ГЦ+9) | ||
| Утасны дуг. | +7 3952 | ||
| Шуудан-дугаар | 664xxx | ||
| ТХ-улсын дугаар | 38, 85, 138 | ||
| Цахим хуудас | irkutsk.ru (оросоор) | ||
.png)
Эрхүү (Иркутск) — ОХУ-ын Эрхүү мужийн засаг захиргааны төв, жаран түмэн хүнтэй хот.
Түүх[засварлах | edit source]
.jpg)
1652 онд хазаг цэрэг ардын түрүүч Иван Похабов өвөлжөө (өвлийн байшин) барьж сууснаас эхлэн Эрхүү өргөжин тэлжээ.[1] 1686 онд хаант төрөөс суурин хэмээх өргөмж хүртсэн. 1760 онд Москватай холбогдох авто зам харгуй татагджээ. Бээжин зэрэг газраас цай, торго, мод, алт, арьс, үнэт эдийг Орос оронд оруулахад Хиагт, Эрхүүгээр дамждаг байв.
1821 онд Сперанскийн шийдвэрээр Сибирь хоёр хуваагдахад Дорно Сибирийн амбан сайдын газар Эрхүүд төвхнөж байв. XIX зуунд I Николай хааныг унагахаар тэмцсэн Декабристийн бослого дарагдсанаар зураач, ноён, төрийн зүтгэлтэд буруутаж Сибирьт цөлөгдсөн. Тэдний ихэнх нь Эрхүүд төвлөж барилга байшин, уран бүтээлээ туурвин соёлыг түгээсэн нь өнөөдөр Эрхүүгийн содон үзэмж болон үлджээ. 1879 онд их гал түймэр гарч байсан. 1896 онд цахилгаанд холбогдож, 1897 онд төмөр зам бүрэн тавигдаж галт тэрэгний өртөөтэй болж байв.
XX зуун гараад Оросын иргэний дайны хэдэн жилд Эрхүүд улаан-цагаан армийн тэмцэл, тулаан олон болжээ. 1937 оноос хойш Эрхүү мужийн засаг захиргааны төв болсон. 1950-1959 онд Ангар мөрөнд Эрхүүгийн усан сан баригдсан. 1920 онд цаазар аваачигдсан Александр Колчакийн хөшөөг 2004 онд босгожээ.
Газар зүй[засварлах | edit source]
Эрхүү хот улсын нийслэл Москвагаас 5185 км, Байгал нуураас баруун хойш 72 км зайд Енисей мөрөнд цутгадаг Ангар мөрний эрэгт оршдог. Эрхүүгийн УЦС-ын хэсэгт мөрөн 580 м өргөн болдог. Хотын нэрийн анхдагч утга болсон Иркут гол хотын баруун урдаас ирж Ангарт цутгадаг. Ангар хотыг зүүн эрэг, баруун эрэг гэж хоёр хуваана.
Эрхүү зундаа халуун, өвөлдөө хүйтэн. VII сард дунджаар +18°C, ихдээ +37.2°C, I сард дунджаар −18°C, туйлдаа −49.7°C хүрнэ.
Зам тээвэр[засварлах | edit source]
Сибирийн төмөр зам, Сибирийн хурдны зам (M53, M55) Эрхүүгээр дайрна. Төмөр замаар Монгол улстай холбогдоно. Эрхүүгийн нисэх буудалд олон улсын нислэг буудаг.
Хүн ам зүй[засварлах | edit source]
| Он | 1856 | 1897 | 1931 | 1967 | 2000 | 2013 |
|---|---|---|---|---|---|---|
| Хүний тоо | 24 100 | 51 000 | 113 200 | 420 000 | 593 700 | 606 137 |
Эрхүү хотод 2013 онд 606 мянган хүн оршин сууж байна. 2010 оны тооллогоос үндэслэвэл 91.8 хувь нь орос, 2.3 хувь буриад, 1.1% украйн, 0.8% татар ард байгаа юмсанжээ.[4]
Ах дүү хот[засварлах | edit source]
Эрхүү дараах хотуудтай ах дүүгийн харилцаа, хамтын ажиллагааг хөгжүүлжээ:[5][6]
|
|
Зүүлт, тайлбар[засварлах | edit source]
Commons: Эрхүү хот – Викимедиа зураг, бичлэг, дууны сан- ↑ Lantzeff, George V., and Richard A. Pierce (1973). Eastward to Empire: Exploration and Conquest on the Russian Open Frontier, to 1750. Montreal eduacadtion: McGill-Queen's U.P.
- ↑ Народная энциклопедия «Мой город». Иркутск.
- ↑ Численность населения Российской Федерации по муниципальным образованиям на 1 января 2013 года. — М.: Федеральная служба государственной статистики Росстат, 2013. — 528 с. (Табл. 33. Численность населения городских округов, муниципальных районов, городских и сельских поселений, городских населенных пунктов, сельских населенных пунктов)
- ↑ Население города Иркутска по данным Всероссийской переписи населения 2010 года
- ↑ (Орос хэл) Sister cities of Irkutsk
- ↑ (Орос хэл) МЕЖДУНАРОДНЫЕ ОТНОШЕНИЯ И - Известия ИГЭА
|
||||||||||||||||||||
|
||||||||||
