Бишкек

Чөлөөт нэвтэрхий толь, Википедиагаас
Харайх: Удирдах, Хайлт
Бишкек хот
—  улсын ач холбогдолтой хот  —
хир. Бишкек шаары
орос. город Бишкек
"Ала-тоо" нэрт хотын төв талбайн зураг. 2003 онд голд нь "Эркиндик" («эрх дур») хөшөөг босгожээ.

Сүлд туг

Сүлд тэмдэг
Улс орон Flag of Kyrgyzstan.svg Хиргис
Улсын хот Coat of arms of Bishkek Kyrgyzstan.svg Бишкек
Дүүрэг (4) Нэр бүхий 4 дүүрэгтэй
Газар нутаг 169.9 км²
Газрын байц д.т.д. 750—900 м
Хүн ам 2012 онд 874,400 хүн
Нягт сийрэг 5066 хүн/км²
Ард түмэн 66.2% - хиргис, 23.0% - орос
5.7% - уйгур, 10.2% - бусад
Нутгийн олон Бишкекийнхэн
1825 он Кокандын ханлигийхан шивээлэв
Анхандаа оросоор Пишпек гэж бичиж байв
1926 он Фрунзе нэртэй болсон
1936 оноос Хиргис орны нийслэл
1991 он Бишкек нэрийг эргүүлэн авав
Цагийн бүс Хиргисийн цаг (ГЦ+6)
Автомашиных B, E
Цахим газар bishkekgov.in.kg (оросоор)

Бишкек (хир. Бишкек ; Зөвлөлтийн үед монгол хэлнээ Фрунзе гэдэг байлаа) — Кыргызстаны нийслэл, тус улсын тэргүүн их хот. Бишкекийн засгийн эрх нь ямар нэгэн мужид харьяалагддаггүй учир улсын хот гэж ойлгож болно. Тэгэхдээ өөрийг нь эргэн тойрон хүрээлсэн Чүй мужийн төв байх үүрэг оногдсон байдаг.

Нүүдлийн мал аж ахуйт Хиргисийн нутагт энэ хот цогцлох гэж 19-р зууныг хүртэл хүлээжээ. 1825 онд Хокандын ханлиг тус газарт шивээлж, цэргээр сахиулснаар түүх эхэлдэг. 1862 онд Хаант Оросын мэдэлд орсон. Энэ үест Бишкек эсвэл Пишпек («айрагны бүлүүр») гэж нэрээр орос бичигт тэмдэглэгдэж байжээ. 1926 оноос Зөвлөлтийн үед хувьсгалын удирдагч Михаил Фрунзийн нэрээр Фрунзе гэж нэрлэгдэж байв. Тэр үед монгол хэлнээ Фрунзе гэж орсон. Кыргызстан тусгаар тогтнож 1991 онд хотын анхны нэрээ сэргээснээр дэлхий дахинаа 75 жилийн уламжлалт Фрунзе гуайгаар овоглосон нэрийг халж одоо Бишкек гэх болсон.

Бишкек улсынхаа хойд биед Иссык-күл нуураас баруун хойно Тэнгэр уулын салбар болох Хиргисийн нуруу (хир. Кыргыз Алатоо)-ны 4,855 м өндрөөс харагдахуйцаар ар хормойд нь д.т.д 800 метрт Чүй голын хөндийд оршдог.

Бүхэлдээ 169,6 км² газар нутагтай тус хотод 2009 онд 851,703 хүн оршин сууж байлаа.[1] Тэдний 66.2% нь хиргис, 23.0% нь орос хүмүүс байгаа юм байна. 1897 онд 7 мянга, 1926 онд 37 мянга, 1989 онд 611 мянган хүн амтай байсан түүхтэй.

Сонирхуулахад Зөвлөлтийн үед Ж. Гүррагчаа нарын Фрунзед очиж суралцсан хүн Монголд олон байдгаас гадна Бишкект одоо ч гэсэн Д. Сүхбаатарын нэрт гудамж (хир. Сухэ-Батор көчөсү; орос. Улица Сухэ-Батора) байгаа юм байна.[2][3]

Мөн үзэх[засварлах]

Иш үндэс[засварлах]