Опел

Opel Automobile GmbH Опел Автомобиле ХХК
Эрх зүйн хэлбэр	ХХК
Үүсгэн байгуулагдсан	1862 оны 1-р сарын 21
Төв байр	Рюсселсхайм, Хессен, Герман
Удирдлага	Михаэль Лошеллер (Опел-Группын Удирдлагын Зөвлөлийн дарга) Ульрих Шумахер (Адам Опел АГ-н УЗ-н төлөөлөгч) Дан Амманн (ТУЗ-ийн дарга)
Ажилчид	35.600 (Германд 18.250) (2017 оны 11-р сар)
Эргэлтийн хөрөнгө	11,84 тэрбум EUR (2013)
Салбар	Автомашин үйлдвэрлэл
Цахим хуудас	www.opel.de

Опелын Адамд зориулсан хөшөө, Рюсселсхайм хот Опелын үйлдвэр

Адам Опел хувьцаат компани нь Германы автомашин үйлдвэрлэгч бөгөөд 1929 онд хувьцаат компани болсон цагаасаа хойш Америкийн Нэгдсэн Улсын автомашин үйлдвэрлэгч концерн болох Женерал Моторс (анг. General Motors-GM, монгол товчлол: ЖМ) компанид харьяалагдах болсон. Европт нийт 35.000 ажилчин (үүнээс 19.000 гаруй ажилчин германд, энэ тоон үзүүлэлт нь 2013 оны 12 сард гарсан болно) Опелд ажилладаг ба энэ тоогоороо дэлхийн томоохон автомашин үйлдвэрлэгчдийн нэгд тооцогдож явдаг. Германы Кайзерслаутерн, Айзенах (герм. Кaiserslautern, Eisenach) зэрэг хотуудад үйлдвэрийн салбартай ба хамгийн анхны үйлдвэр байгуулагдсан газар нь германы Рюсселсхайм хот бөгөөд одоо ч энэ хотод компанийн төв нь байрладаг. Бохум хотод байсан салбар үйлдвэрийг ЖМ компани зардал хэмнэх үүднээс 2014 онд хаасан. Германаас гадна европ даяар нийт долоон үйлдвэрт Опелыг үйлдвэрлэдэг, зарим үйлдвэрт нь Опелын эд анги болон сэлбэгийг үйлдвэрлэн толгой компани ЖМ болон ЖМ-н бие даасан охин компани Адам Опелд нийлүүлдэг. Зарим нэг загварыг европоос гаднаx ЖМ-н салбар охин компани болох ЖМ-Солонгос (анг. ЖМ-Солонгос эсвэл гэрээт үйлдвэрлэгчдээсээ (SOVAB, Магяр Сузуки болон Тофас) худалдаж авдаг. 2005 онд Адам Опел ХХК гэсэн аж ахуйн нэгж болсон боловч сүүлд 2011 буцаад хувьцаат компани болсон.

2017 оны гуравдугаар сард PSA групп нь Германы Опел ХК, Их Британийн автомашин үйдлвэрлэгч Воксхолл Моторс болон европ дахь санхүүгийн байгууллагын хамтаар Женерал Моторс компаниас худалдан авах, мөн одоо зөвхөн харьяа албадын зөвшөөрлийг хүлээж буйгаа мэдэгдсэн юм. Европын Холбооны Комисс 2017 оны долоодугаар сарын 5-нд худалдан авах зөвшөөрөл олгосон ба үүний хүрээнд ПСА групп түрдээ Опел Автомобил ГмбХ болгон эрх зүйн хэлбэрийг өөрчилсөн байна.

Tүүxэн замнал

1862 он: Адам Опел оёдлын машины үйлдвэрлэлийн эхлэл

Адам болон Софи Опел хуримаа хийсэн жил (1868 он)

Опелын Адам нь түлхүүр, цоожны мастер Вилхелм Опел Филиппийн хамгийн том хүү болон Рюсселсхайм хотод төрсөн. Тэрээр аавынхаа жижиг цехэд мэргэжлийн сургалт дүүргээд 1857 онд мэргэжлээ бататгахаар Люттих, Брюссель, Англи болон Парисаар явжээ. Ингэж явахдаа эхлээд трезорын (үнэт эдлэлийн сав) фабрикт, дараа нь өөрийн төрсөн дүү О. Георгтэй хамт Journaux & Leblond-ын оёдлын машины үйлдвэрт ажиллав. Ах дүү хоёр 1862 оны эхээр Huguenin & Reimann-ы оёдлын үйлдвэр лүү ажлаа солин иржээ. 1862 оны намар О. Адам гэртээ буюу Рюсселсхайм хотдоо ирэн аавынхаа цехэд өөрийн анхны оёдлын машины үйлдвэрлэлээ эхэлжээ. Тэрээр 1863 оны хавар эцгийнхээ цехээс тусдаа гарч, үхрийн саравчаа оёдлын машины үйлдвэр болгон өөрчлөөд үйлдвэрлэлээ явуулсан ба Парист үлдсэн дүү О. Георг нь түүнд хэрэгтэй тусгай ган, зүү эсвэл бариул гэх мэтийг явуулдаг байв. Оёдлын машины үйлдвэртээ тэрээр их цагийг зориулсан байна. 1868 онд эхнэр Софи Мари Шеллертэй гэр бүл болсны дараа Адам Опел оёдлын машины үйлдвэрлэлээ албан ёсоор бүртгүүлсэн ба яг тэр жилдээ төмрийн цутгуурын үйлдвэр болох Lallement & Cie компанийн хувьцааны талыг худалдан авчээ. Ингээд 1880 он хүртэл нийт 20.000 гаран оёдлын машин үйлдвэрлэсэн байна. 1885 онд нийт 300 ажилчинтайгаар жилдээ 18.000 ширхэг оёдлын машин үйлдвэрлэж байжээ. 1895 онд компанийг үндэслэгч О.Адам нас барсан ба түүний бэлэвсэн эхнэр нь таван хүүтэйгээ (Карл, Вилхелм, Хайнрих, Фритц, Лудвих) хамтран үйлдвэрээ цааш үргэлжлүүлэн ажиллуулж байв.

Оёдлын машины үйлдвэрлэлээр цаашид явахгүй нь гэдэг нь 1900 он гэхэд ойлгомжтой болсон байна. Тухайн үед германы оёдлын машины үйлдвэрлэл асар хүчтэй хөгжиж их хэмжээгээр гадагш гаргадаг байж. 1863-1911 оны хооронд Опел нийт нэг сая оёдлын машин үйлдвэрлэжээ. 1911 онд тус үйлдвэрт гал гарч юу ч үгүй болсны дараа оёдлын машин ахин үйлдвэрлэхээ зогсоон зөвхөн унадаг дугуй болон моторт тэрэгний үйлдвэрлэлээр дагнан ажиллаж эхэлжээ.

1886-1940 он: Опел унадаг дугуйны үйлдвэрлэл

Опелын хүүхдүүд эцгийнхээ зохион бүтээсэн унадаг дугуйг ихэд сонирхдог байсан учир тэрээр 1886 онд анхныхаа унадаг дугуйг үйлдвэрлэсэн байна. Энэ унадаг дугуй нь их өндөр хийцтэй унадаг дугуй байлаа. 1898 он гэхэд 1200 гаран ажилчинтайгаар жилдээ 25.000 оёдлын машин мөн 15.000 унадаг дугуйг үйлдвэрлэж байв. 1911 онд үйлдвэрт гарсан галаас болж хэсэгтээ үйлдвэрлэлээ зогсоосон байснаа 1912 оноос эхлэн унадаг дугуйны үйлдвэрлэлээ ахин сэргээн ажиллуулжээ. Опелын Адамын таван хүү унадаг дугуйг өргөн дэлгэрүүлэх үйлд их үнэтэй хувь нэмэр оруулсан гэж үздэг. 1920 он гэхэд Опелын унадаг дугуйны үйлдвэр нь дэлхийн хамгийн том унадаг дугуйны үйлдвэр болтлоо өргөжин хөгжсөн байна. Мөн унадаг дугуйнаас гадна моторт унадаг дугуй үйлдвэрлэдэг байв. 1936 онд унадаг дугуйны үйлдвэрээ Неккарсулм хотын моторын үйлдвэрт зарсан.

• 
  Опел-Уралдааны унадаг дугуй 1925 он
  (Заxианы марк 1985 он)
• 
  Опел-Унадаг дугуй 1935 он

1898-1928 он: Германы хамгийн том автомашин үйлдвэрлэгчдийн нэг болон хөгжсөн нь

Опелын патент бүхий анхны машин 1899-1901 он

1898 онд компанийг үндэслэгч О. Адам хорвоог орхин одсоноос хойш гурван жилийн дараа түүний эхнэр Софи Опел нь автомашин үйлдвэрлэх шийдвэрийг гаргасан. Үүний тулд Саксон-Анхальт мужийн моторт тэрэгний үйлдвэрийг худалдаж авсан байна. Ингээд анхныхаа автомашиныг Рюсселсхайм хот буюу төв компанидаа үйлдвэрлэж эхлэв. Анхандаа төрөл бүрийн мотор болон автомашины их бие болон жижиг ачааны автомашинаар үйлдвэрлэлээ эхэлсэн байна. Автомашинд угсрагдаж байгаа моторын чадал нь үсрээд л 40 км/ц хурдтай явах боломжийг олгодог байв. Энэ нь тухайн үедээ үсрэнгүй хөгжсөн Францын моторт тэрэгтэй өрсөлдөх чадварын хувьд муу байсан учир хэсэгтээ автомашиныхaa үйлдвэрлэлийг зогсоов.

1902 онд Францын автомашины үйлдвэр Дарракктай Опел хамтын ажиллагааны гэрээнд гарын үсэг зурсанаар Опел-Дарракк хэмээх маркийн автомашин үйлдвэрлэж эхлэв. Энэ гэрээ нь 1907 хүртэл үргэлжилсэн. Үүний хажуугаар 1902 онд 10/12 морины хүчин чадал бүхий 1,9-литрийн багтаамж, 2 цилиндртэй мотортой автомашиныг дангаараа зохион бүтээсэн байна. 1904 онд Опел-Дарракк-ийн хамтарсан анхны 4 цилиндртэй, 30-32 морины хүчтэй автомашиныг нийтэд танилцуулсан. 1907 онд болсон германы эзэн хааны нэрэмжит автомашины уралдаанд Опелын 60 морины хүчтэй автомашин түрүүлэн германы эзэн хааны шагнал хүртсэнээр хааны ордонд Опелын үйлдвэрлэсэн автомашиныг нийлүүлж байх эрxийг хүлээн авч байжээ.

Опел 8/30 1911 он (2012 онд авсан зураг)

1911 онд Опел автомашины үйлдвэрлэлээс гадна 60 морины хүчтэй анжис чирэгчийг үйлдвэрлэсэн ба энэ нь тухайн үедээ ХАА-н техникт нэлээд нэрд гарч байв. 1912 онд Опел нийт 3000 ажилчинтайгаар 30.000 унадаг дугуй 3000 автомашиныг жилдээ үйлдвэрлэж байлаа. Үйлдвэрлэлийн суурь талбай 73.000 м² байсан. Брюсселийн автомашины үзэсгэлэнд 1912 онд 24-30 морины хүчтэй суудлын тэрэгтэйгээр оролцсон. 1914 онд дэлхийн 1-р дайны үед Опел автомашины үйлдвэрлэлээ зогсоолгүй авч үлдэн 8-22 морины хүчтэй мөн 9-25 морины хүчтэй автомашины загваруудыг үйлдвэрлэж байсан. 1919 онд Опелын үйлдвэрлэсэн анхны 6 цилиндр бүхий 21-55 морины хүчтэй суудлын тэргийг нийтэд танилцуулсан ба үүнийг 1924 он хүртэл үйлдвэрлэсэн. 1924 онд Опел үйлдвэрээ шинэчлэн урсгал үйлдвэрлэлийн системийг оруулсан нь тухайн үедээ германы бүх автомашин үйлдвэрлэгчид дотроос хамгийн анxдагч болон үйлдвэрлэлийн зардлыг бууруулаx арга хэмжээг аван мөн их хэмжээгээр үйлдвэрлэx боломжтой болсон. Энэ үедээ ихээхэн амжилттай борлуулалттай байсан 4 морины хүчтэй Опел Лаубфрош (герм. Laubfrosch) гэсэн загвараа их хэмжээгээр үйлдвэрлэж гаргасан.

О. Адамын хүү Фритц нь үндсэн ажлынхаа хажуугаар машин тестлэгч жолоочийн ажлыг давxар хийдэг байсан бөгөөд энэ сонирхолдоо хөтлөгдөн ракетэн хөдөлгүүрт машиныг зохион бүтээх ажилд шамдан зүтгэж байгаад 1928 түүний зохион бүтээсэн РАК 2 (Ракетэн хөдөлгүүрт автомашин) автомашиныг Берлин хотын хурдны зам дээр 238 км/ц-ын хурдтай явж шинээр рекорд тогтоож байжээ. Үүнээс хойш нэг жилийн дараа Оpel-Sander RAK 1 хэмээх загварын нисгэгчгүй онгоцыг (бүрэн автомат удирдлага бүхий онгоц) Франкфурт хотын нисэх онгоцны талбайд туршсан бөгөөд энэ төрлийн онгоцыг дэлхийд анх удаа нисгэсэн компани болон бүртгэгдсэн. 1924-1928 оны хооронд Адам Опел компанид ажиллаж байсан ажилчдын тоо 2400-с 9400 болон өсөж 42.771 ширхэг автомашиныг үйлдвэрлэн гаргаж байсан нь германы тухайн үеийн зах зээлд гарч байгаа нийт автомашины 27,5 хувийг эзэлж, энэ тоогоороо германы хамгийн том автомашин үйлдвэрлэгч болж байв.

• 
  Лаубфрош загвараараа Опел германы хамгийн том автомашин үйлдвэрлэгч болж байв.
• 
  Опел-Ай (Opel-Ei) загвар 1911-1914 он хүртэл үйлдвэрлэсэн.

Мотоциклийн үйлдвэрлэл

Автомашины үйлдвэрлэлээ эхэлсэний дараахан Опел моторжуулсан хоёр дугуйтын үйлдвэрлэлийг бас эхэлсэн. Опелын анхны мотоцикл нь 2 морины хүчтэй байсан бөгөөд 1901 онд Рюсселсхаймын үйлдвэрээс 700 Д-Маркийн (дойч марк) үнэтэйгээр гарч байжээ. Дэлхийн 1-р дайны дараа мотоциклийн үйлдвэрлэлээ хэсэг хугацаанд зогсоосон. 1920 оны дундуур Опел мотоциклийн үйлдвэрлэлээ Саксон (герм. Sachsen) муж руу төвлөрүүлсэн. 1928 онд Саксон мужийн Элите-Диамант хэмээx унадаг дугуйны үйлдвэрийн ихэнх хувьцааг худалдаж авчээ. Энэ нь шинэ салбар үйлдвэрийн суурь болж өгсөн. Энэ үйлдвэрээс нэг их удалгүй 16 морины хүчтэй, 500 см³ багтаамжтай металл хоолой бүхий рамтай мотоциклийг Опелын эмблемтэйгээр худалдаанд гаргасан. Тэр жилээ бас нэг хувилбар болох шахмал рамтай Опел Мотоклуб 500 нэртэй мотоциклийг их хэмжээгээр үйлдвэрлэн гаргасан. Энэ мотоцикл нь тухайн үедээ их ч орлого авчрав. Хэдийгээр энэ загвар нь амжилттай үйлдвэрлэгдэж байсан ч ЖМ энэ салбар үйлдвэрийг буцаан зарсан нь 1901 оноос хойш 20 гаруй загварын 6000 гаруй худалдагдсан мотоциклийн үйлдвэрээсээ салаxад хүргэжээ. Үүнтэй холбоотойгоор цаашид үйлдвэрлэхээр бэлэн болсон загваруудаа ч үйлдвэрлээгүй юм.

• 
  Опел - xатуу хучилттай замд зориулсан уралдааны машин 1922 он
• 
  Опел - Мотоклуб 1928 он
• 
  Шаxмал рамтай мотоцикл 1929 он
• 
  Опел-500, мотоклубын суурь ашигласан 1931 он

Ачааны машин болон онгоцны моторын үйлдвэрлэл

1909 онд Опел ачааны автомашины үйлдвэрлэлээ эхлээд 1910 онд анхныхаа хөнгөн ачааны автомашинаа хэрэглэгчдэд нийлүүлсэн. Анхандаа зөвхөн 1,5 тонны даацтай ачааны автомашин үйлдвэрлэж эхлээд дараа жил нь 1911 оноос эхлэн 3,5 тонны даацтай 30 морины хүчтэй ачааны автомашин үйлдвэрлэсэн нь нэлээд амжилттай зарагджээ. Энэ загвар нь мөн автобус загвартайгаар ч хийгдсэн. 1911 онд Рюсселсхаймд гарсан галаас улбаалан энэхүү ачааны автомашины загвараа 1911-1918 он хүртэл гал командын зориулалттайгаар бас үйлдвэрлэсэн байна. Дэлхийн нэгдүгээр дайны үед мөн 4,5 тонны даацтайгаар бас үйлдвэрлэв. 1915-1918 оны хооронд 4000 гаран ажилчинтайгаар Рюсселсхаймд 4453 ачааны автомашин, 2391 суудлын автомашин болон ойролцоогоор 6000 гаран онгоцны моторыг үйлдвэрлэн нийлүүлсэн. 1918 онд Францын армид эзлэгдсэний улмаас ачааны автомашины үйлдвэрлэлээ зогсоосон. Дараа нь 1923 хямралын жилүүдэд ачааны автомашины үйлдвэрлэлээ бүрэн хаасан. Сүүлд 1927 онд жижиг 2,5 тонны даац бүхий ачааны автомашин үйлдвэрлэж эхэлсэн. Үүний дараа 1930 онд Блитц (герм. Blitz, монг. аянга) нэртэй ачааны автомашин үйлдвэрлэж нэлээд ашигтай ажиллажээ.

1929-1945 он: Женерал Моторс-д худалдагдсан болон дэлхийн 2-р дайны үе

1928 онд Опелын үйлдвэрлэсэн автомашины тоо нь нийт германд үйлдвэрлэгдэж байгаа автомашины 44%-ийг эзэлж байсан учир энэ тоогоороо германы хамгийн том автомашины үйлдвэрт тооцогдож байлаа. 1928 оны 12 сарын 3-нд Опел компанийн аж ахуйн нэгжид өөрчлөлт орон хувийн компани гэсэн аж ахуйн нэгжээс хувьцаат компани болон өөрчлөгдсөн. Үндсэн хөрөнгө нь 60 сая марктай байсан. 1927 оны 3 сарын 17-нд Опелын Вилхелм болон түүний дүү Опелын Фриедрих нар компанийнхаа нийт хувьцааны 80 гаруй хувийг америкийн автомашины үйлдвэрлэгч Женерал Моторст зарсан байна. Женерал Моторс 1931 он гэхэд үлдсэн бүх хувьцааг худалдан авч 100% Женерал Моторсын харьяалалд очжээ. Ийм шийдвэр гаргах шалтгаан нь тухай үеийн дэлхийн эдийн засгийн хямралтай холбоотой байсан. Зарсан үнэ нь тухайн үедээ асар өндөр үнэ болох 33,352 сая ам доллар буюу 154 сая Райхсмаркаар (өнөөдрийн ханшинд шилжүүлж тооцвол 509 сая евро) Женерал Моторст худалдсан байна. Хэдийгээр ах дүү хоёр Опел, компаниа зарсан боловч өөрсдөө тэр компанийнхаа удирдлагын зөвлөлийн дарга болон гишүүнээр үлдэж чадсан байдаг. Үүнээс гадна компанийнхаа нэрийг Опел хэвээр нь хадгалж авч үлдсэн байна.

• 
  Опел 1,2 литр 1931–1934 он
• 
  Опел Адмирал, Үйлдвэрлэсэн: 1937-1939 он
• 
  Опел Капитен 1938-1940

1945-1960 он: Шинэ эхлэл Рюсселсхайм

Опел ХК-ы үйлдвэрлэсэн Frigidaire хөргөгч 1946 он

1945 оны 7 сараас эхлэн америкт эзлэгдсэн хэсэгт харьяалагдаж байсан учир америкийн армийн удирдлагын зааврын дагуу, дайнаас үлдсэн 1500 орчим суудлын тэргийг гурван жил орчим засварлах даалгаварыг, ганц бүтэн үлдсэн Рюсселсхаймын үйлдвэртээ хийж гүйцэтгэсэн. Опел 1946 оноос эхлэн Фригидайре (герм. Frigidaire) нэртэй хөргөгчийг үйлдвэрлэсэн. Энэ хөргөгчний үйлдвэрлэл 1959 он хүртэл үргэлжилсэн. 1945 онд Опел, ганцхан ширхэг автомашин үйлдвэрлэсэн хэмээн компанийн түүхэнд бичигдэн үлджээ. Дайны дараах анхны Опел нь Блитц нэртэй 1,5 тонны даац бүхий жижиг ачааны тэрэг нь 1946 оны 7-р сарын 15-нд хагас нь дайнд нэрвэгдсэн үйлдвэрээс үйлдвэрлэгдэн гарсан байна. Опелын Кадеттын салбар үйлдвэр нь орост эзлэгдсэн тал болох германы Бранденбург мужид байсан ба түүнийг оросууд өөрийн нутаг руугаа нүүлгэн авч тэндээ Oпел Кадеттыг Москвич 400 нэртэйгээр үйлдвэрлэх болсон байна.

1960-1980 он: Амжилтын үе буюу зах зээлийн тэргүүлэгч

Фолксваген - Кэфер (Фолксваген - Цоx загвар буюу түүний хэлбэрээр ийнхүү нэрлэсэн) загвар нь энэ үеийн автомашины зах зээлийн ихэнх хувийг эзэлж байхад түүнтэй өрсөлдөх чадвар бүхий шинэ загварын Кадеттыг 1950-д оны сүүлээр зохион бүтээн, 1962 оны дундаас эхлэн шинээр ашиглалтанд орсон Бохумын үйлдвэрт үйлдвэрлэж эхэлсэн. Энэ Кадеттын сурталчилгааг маш сайн хийсэн (,,Опел Кадетт - богинохон хэлбэр: О.К.“) учир анх заx зээлд гарсан цагаасаа л амжилттай зарагдсан. 1964 оны эхээр Опел Капитен нь хоёр том "ахтай" (Адмирал, Дипломат) болсон. Энэ гурвыг КАД-ын үе (Капитен/Адмирал/Дипломат) гэж нэрлэдэг бөгөөд эдгээр загвар нь 1977 он хүртэл борлуулалтын тоогоороо германы автомашины зах зээлийг тэргүүлж байжээ. Тиймээс ч 1960-1970 онуудад Опелын хөгжлийн үе байсан ба тухайн үеийн хамгийн том автомашин үйлдвэрлэгч Фолксвагены дараа хоёрдугаарт бичигдэж байв. Зарим нэг загвар нь зах зээлд борлуулалтын тоогоороо тэргүүлж байсан. 1964 оны 7 сарын 9-нд Опелын үйлдвэрээс таван сая дахь автомашин үйлдвэрлэгдэн гарсан байна.

• 
  Опел Кадетт A, 1962-1965 он
• 
  Опел Дипломат Б, 1969-1977 он
• 
  Опел Аскона А, 1970-1975 он

1980-2008 он: Захиалга багассан үе болон чанарын асуудлын эхлэл

Опел Кадетт-Д (1979–1984)

Персийн булангийн дайнаас улбаалан үүссэн анхны газрын тосны хямрал нь 1980-1982 он хүртэл бүх автомашины үйлдвэрлэлийн салбарт хүндээр туссан ба үүнийг 1929-1930 оны дэлхийн эдийн засгийн хямралтай харьцуулахад түүнээс 20 орчим хувиар илүү хүндээр туссан жилүүд байлаа. Тиймээс энэ хямрал Опелыг ч тойроогүй бөгөөд 1950 оноос хойш анх удаа улаан тоо (ашиггүй ажиллаx) бичиж эхэлсэн: 1980 онд 411 сая ДМ. Бараг 7000 гаран ажилчинг ажлаас халсан. Ганцхан шинэ гарсан урдаа хөтлөгчтэй Опел Кадетт-D хангалттай борлуулагдаж байв. 1970-аад оны дундуур VW-Поло болон Ford Fiesta жижиг тэрэгний зах зээлийг тэргүүлж байсан бол 1983 оноос эхлэн энэ ангилалд Опел Корса амжилттай өрсөлдөж эхэлсэн байна. Энэ загварыг анх 1983 онд Испанийн Сарагосса хотод байрлах ЖМ-ын салбар үйлдвэрт үйлдвэрлэж эхэлсэн бөгөөд түүнээс хойш 10 жилийн дараа буюу 1993 оноос эхлэн германы Айзенах хотод байдаг Опелын салбарт үйлдвэрлэж эхэлжээ.

1990 онд Опел-Концернд нийт 57.400 ажилчинтайгаар жилийн 23.708 тэрбум ДМ-ийн эргэлтийн хөрөнгөтэй байсан.

Опел Омега А (1986–1993)

Опел Астра F (1991–1998)

1980 оны сүүлээр Опелын менежер Жосе Игнацио Лопез де Арриортуагийн шийдвэрээр хэмнэлт хийх арга хэмжээ авсан нь буруудан чанарын асуудал гарган түүгээр ч барахгүй компаний нэр хүндэд муугаар нөлөөлсөн алхам болов. Үүнээс хойш гарсан энэ төрлийн асуудлыг Лопез-Эффект гэж нэрлэх болсон ба энэ нь Рекорд, Кадетт, Омега болон Астра-д ихээр илэрч тэр бүрд буцаан дуудаж маш их хэмжээний хохирол учирсан. Лопез нь үүний дараа VW-руу менежерээр ажлаа сольсон бөгөөд түүнийг компанийн чухал баримт бичгийг Фолксваген компани руу авч яван тэнд хэрэглэсэн хэмээн шүүхэд өгсөн байна.

Шинэ загварын муу бодлого, удирдлагын зөвлөлийн олон ойрхон солигдолт нь (ихэнх нь ЖМ-оос томилогдсон америк дарга нар) компанийн имижийг улам унагах шалтгаан болсон. Жишээ болгон харьцуулалт хийхэд: Фолксваген XК нь 1948-2008 оны хооронд нийт 8 захирал сольсон (60-жилийн хугацаанд), Луфтханза (германы иргэний агаарын тээврийн тэргүүлэгч компани) 1954-2013 оны хооронд зөвхөн зургаан захирал солигдож байсан бол Опел ХК 1970-2013 оны хооронд нийт 16 ерөнхий захиралтай байсан байна.

2008-2010 он: Эдийн засгийн хямрал болон Женерал Моторс компаниас тусдаа гарах гэсэн амжилтгүй оролдлого

2008 оны дэлхийн эдийн засгийн хямралаас шалтгаалан Женерал Моторс компани нь санхүүгийн хүнд байдалд орсон. Үүнтэй холбогдуулан Опел толгой компани болох ЖМ-оос тусдаа гарах төсөл боловсруулан германы засгийн газар өргөн барьсан. Энэ төслийн хүрээнд ажилчдын тоог багасгах, мөн ЖМ-т патентын, болон хөгжлийн төлбөрийг 1-2 жилийн хугацаанд төлж барагдуулах, энэ төлбөрийн эх үүсвэрийг улсаас зээлээр авах талаар тодорхой тусган 2009 оны 3 сарын 2-нд өргөн барьсан. Гэвч Бундес Канцлер хатагтай Ангела Меркель нь Рюсселсхаймд айлчлахдаа хийсэн мэдэгдэлдээ, улс Опел ХК-ниас хувь эзэмших сонирхолгүй бөгөөд тэнд ажиллаж байгаа ажилчдын ирээдүй нь (хэрэв Опел дампуурал зарлан бүх ажилчид ажилгүй болсон тохиолдолд) улсын эдийн засагт үзүүлэх сөрөг нөлөө нь бага хэмээн зээл өгөхөөс татгалзсан ба харин өөр хөрөнгө оруулагч олсон тохиолдолд улсаас хөрөнгийн баталгаа гаргаж өгөх боломжтой хэмээн мэдэгдэл хийсэн байна. Ингээд удалгүй 2009 оны 5 сард италийн Фиат компани, ОУ-ын автомашины ханган нийлүүлэгч Магна нь ОХУ-ын Сбербанктай хамтран мөн АНУ-ын Рипплевоод Холдингс гэсэн гурван баг худалдаж аваx саналаа гаргасан байна. Гэвч 2009 оны сүүлээр ЖМ улсад өрөө төлж барагдуулсаныхаа дараа Опелын 65%-ын хувьцааг буцаан худалдаж авсан бөгөөд гуравдагч хөрөнгө оруулагчаас татгалзсан шийдвэрийг гаргасан байна.

• 
  Опел Астра J (2009 оноос хойш)
• 
  Опел Мерива B (2010 оноос хойш)

2011 оноос хойш: Хувьцаат компанид хувирсан болон ерөнхий захирал Карл-Томас Нойманны үе

Опел Адам (2012 оноос хойш)

2005 оноос хойш Адам Опел ХХК-ийн хэлбэртэй байснаа 2011 оны эхээр буцаан хувьцаат компани болов. 2013 оны 04 сарын 10-нд ЖМ компаниас гаргасан тогтоолын дагуу герман болон европын холбоонд байгаа Опелын үйлдвэрүүдэд 2016 он хүртэл нийт 4 тэрбум евроны хөрөнгө оруулалт хийхээр болов. Энэ мөнгийг 23 төрлийн шинэ автомашины загвар болон 13-шинэ моторт хөрөнгө оруулахаар болсон. Энэ хөрөнгө оруулалтын эхлэлийг 2012 оны намар дунд гарын жип болох Мокка болон түүний дараа 2013 оны 4-р сард Опел ХК-ийн хамгийн жижиг автомашин болох Адамыг худалдаанд гаргасанаар эхэлсэн юм.

2017 оны хоёрдугаар сараас эхлэн хэвлэлээр францын ПСА-групп Женерал-Моторсоос худалдан авах хэлэлцээ явгдаж буй талаар гарчээ.

Компани

2005 оны ОУ-автомашины үзэсгэлэн худалдаанд дээрх Опелын хэсэг

Опелын автомашин тестлэх талбай

Марк

Опел нь ЖМ-ын европ дахь үндсэн марк юм. Гадаад их биеийн бага зэргийн ялгааг эс тооцвол Их Британийн Нэгдсэн Вант Улс болон хойд Ирландад үйлдвэрлэгддэг Воксхолл (анг. Vauxhall) загварууд үндсэндээ адилхан. Опелын автомашинууд Умард Африк, БНХАУ, Израил, Сингапур, Өмнөд Африк, Чили болон Ойрх Дорнодын улсуудад худалдаалагдаж байна.

Ажилчид болон үйлдвэрлэлийн салбар газрууд

Oпелийн хамгийн том үйлдвэр нь Рюсселсхаймын үйлдвэр бөгөөд 2002 он хүртэл нийт 750 сая евроны үйлдвэрлэлийн тоног төхөөрөмжийн шинэчлэлт хийн дэлхийн шилдэг орчин үеийн тоног төхөөрөмжөөр тоноглогдсон үйлдвэрүүдийн нэг болсон.

Нэр Үйлдвэрлэлийн байршил	Үйлдвэрлэж эхэлсэн	Бүтээгдэхүүн	Тайлбар	Ажилчдын тоо
Үйлдвэрлэлийн байршил германд
Рюсселсхайм Хессен, Герман	1898	Инсигниа (лимузин, налуу урссан ар тал болон спортс тоурер) Астра J таван хаалгатай (2011 оны 9 сараас хойш) урьд нь: Омега, Вектра, Сигнум, Буйк Регал	Адам Опел ХК-Төв байр Олон улсын техникийн хөгжлийн төв Жилд үйлдвэрлэх хүчин чадал 180.000 ширхэг.	3.200 (31.12.2012)
Бохум Умард Райн-Вестфален, Герман	1962–2014	Астра Классик III (Таван хаалгат болон Караван) Цафира тоурер Цафира гэр бүлийн ЖМ-д зориулсан автомашины эд ангийн үйлдвэрлэл	Мөн үзэх: Бохумын үйлдвэр I, Бохумын үйлдвэр II/III Цафира тоурерийн үйлдвэрлэлийг 2014 оноор дуусгавар болгосон.
Бранденбург/Хавел Бранденбург, Герман	1935–1944	„Блитц“- Ачааны автомашин	Мөн үзэх: Опелын Бранденбург дахь үйлдвэр 1944 оны бөмбөгдөлтөнд өртсөн, 1945 онд бүр задлан нураасан.	4.286 (1943)
Кайзерслаутерн Райнланд-Пфальц, Герман	1966	Автомашины бүрэлдхүүн хэсэг кароссери, шасси болон дотоод дизайны нимгэн төмөр, хөнгөнцагаан, хуванцарын үйлдвэр (Жишээ нь: хажуугийн хананууд, моторын бүрхүүл, тэнхлэг, суудлын хүрээ (үндсэн араг) Моторууд: Дөрвөн цилиндрт-Турбо дизель моторууд (1,9 литр багтаамжтай) Хөнгөн металлаар хийсэн олон хувилбарын моторууд (1,9-2,2 хүртэл литр багтаамжтай)	Урьд нь Опелын загваруудын шассиг үйлдвэрлэж байсан. Кардан гол, ган болон перда диск, тормосны цилиндр, амартизатор, болон автомат хурдны хайрцагийн эд ангиудыг үүссэн цагаасаа хойш үйлдвэрлэж байна.	2.250 (31.12.2012)
Опел Айзенах Айзенах Тюринг, Герман	1990	Адам (2012 оноос хойш) Корса D (гурван хаалгатай) урьд нь: Астра, Вектра		1.600 (31.12.2012)
Опел-/ЖМ-Европ дахь охин компаниуд, гадны захиалгат үйлдвэрлэлийн компани
ЖМ Испани Сарагосса, Испани	1982	Корса D (гурав болон таван хаалгатай) Корсаван Мерива B Мокка урьд нь: Комбо		6.500
ЖМ-Польш, салбар үйлдвэр Ltd. Гливице, Польш	1998	Астра Классик III (лимузин) Астра (таван хаалгатай, GTC болон лимузин) Каскада (кабриолет) Цафира гэр бүлийн урьд нь: Агила		3.000
ИСПОЛ (Исузу Моторс Польш) Ltd. Тючю, Польш	1996	Дизель мотор		550
ЖМ-Эллесмере Порт, салбар үйлдвэр Эллесмере Порт, Их Британи	1963	Астра (таван хаалгатай болон спорт тоурер) Астраван урьд нь: Вектра		2.100
ЖММ-Лютон Лютон, Их Британи	1905	Виваро урьд нь: Бедфорд Блитц, Фронтера, Вектра	Төв байр Воксхолл Моторс	1.100
Опел Вена ХХК Вена - Асперн, Австри	1982	Моторууд (1.0 ECOTEC, 1.2 ECOTEC, 1.4 ECOTEC болон 1.4 ECOTEC Турбо) Xурдны хайрцаг (F17 таван араат- болон M20/32 болон зургаан араат хөтлүүр)		2.000
Сентготтхард, Унгар	1990	Моторууд Хурдны хайрцаг/хөтлүүр урьд нь: Астра		750
СОВАБ (Рено) Батиллю, Депт. Меуртхе-эт-Моселле, Франц	1980	Мовано
Магяр Сузуки Эсцтергом, Унгар	1991	Агила		4.274 (2008)
Тофас Туркийн автомобил фабрик Бурса, Турк	1980	Комбо		8.200
ЖМ-Солонгос Компани Бупюёнг-гу, Инчон, Өмнөд Солонгос	1937	Антара Мокка		17.200
ЖМ Авто LLC Шушары (Санкт Петерсбург), Оросын Холбооны Улс	2008	Антара Опел Астра (таван хаалгат)		1.200
Женерал Моторс Компани Детройт Хамтрамк, АНУ	1985	Ампера		1.350

Опел-Шинэ зарагдсан автомашины тоо (Германд)

Он	Автомашины тоо хэмжээ (харьцангуй)	Нийт зөвшөөрлийн тоо хэмжээ
2016	243.792	7,27 %
2015	229.352	7,15 %
2014	219.084	7,21 %
2013	207.461	7,03 %
2012	213.627	6,90 %
2011	254.605	8,00 %
2010	233.498	8,01 %
2009	338.603	8,89 %
2008	258.274	8,36 %
2007	283.854	9,06 %
2006	334.111	9,65 %
2005	347.960	10,41 %
2004	335.557	10,27 %
2003	332.781	10,28 %
2002	337.535	10,38 %
2001	396.214	11,86 %
2000	411.193	12,17 %
1999	522.170	13,73 %
1998	529.425	14,17 %
1997	545.293	15,46 %
1996	557.229	15,94 %
1989	455.672	16,09 %
1988	430.066	15,32 %
1987	454.535	15,59 %
1986	421.339	14,89 %
1985	367.740	15,46 %
1984	389.182	16,26 %
1982	391.916	18,18 %
1981	378.364	16,24 %
1973	420.679	20,71 %
1972	456.189	21,29 %
1969	349.630	18,99 %
1968	272.120	19,09 %
1967	275.821	20,33 %
1966	324.869	21,57 %
1959	139.780	16,89 %
1958	128.876	16,65 %
1957	102.199	18,10 %
1956	82.875	16,57 %
1955	78.009	18,63 %
1954	63.440	20,01 %
1953	48.069	19,19 %
1952	28.675	14,26 %
1951	29.826	16,72 %
1950	32.606	21,81 %

Эмблемийн түүхээс

Хамгийн анхны Опелын бэлгэдэл нь О үсгэн дотор А үсгийг хээ мэт хэлбэртэй байсан нь тус үйлдвэрийг үндэслэгч Адам Опелын нэрний эхний үсгүүд байв. А үсэг нь хүрэл, О үсэг нь улаан өнгөтэй байжээ.

1886 оноос эхлэн ялалтын дарь эх Викториагийн дүрсийг унадаг дугуйн эмблемээр ашигласан байна. Энэ зурагны дээд хэсэгт „Викториа Блитц“ харин доод талд нь Адам Опел нэрийг бичжээ. 1909 оноос эхлэн Опел нэрээ дангаар нь хэрэглэж эхэлжээ. Жилийн дараа компанийн бэлгэдэл ахин өөрчлөгдөн лаврын навчин дотор хөх нүдийг дүрслэн түүн дотор Опел нэрээ томоор бичин хэрэглэх боллоо.

1935 оноос эхлэн тэдний хөгжлийг илэрхийлэх чамин хэлбэрт цеппелиний дүрсийг, шар өнгийн цагирагаар (дугуйн дүрсний бэлгэдэл) хүрээлэн хэрэглэв. Цеппелинээ хөдөлгүүрийн бүрхүүлийн хэвээр ч бас ашигласан байна.

1960-аад оноос эхлэн цеппелин нь аянга болон хувирч эхэлжээ. 1963 оноос эхлэн аянга нь Опелын албан ёсны эмблем боллоо. Энэ үеийн тээврийн хэрэгсэлдээ ашиглаж байсан эмблем нь эхэндээ бичиггүй, зөвхөн аянгын дүрс байсан ба хэв маяг, материал, харьцааны хувьд ч өөр өөр хэмжээтэй бэлгэдлийг ашигласаар байжээ.

2007 онд өнөөгийн логог Опел GTC концепт загвартаа хэрэглэн танилцуулсан ба энэ удаа аянгын дээд талд Опел нэрийг шигтгэн бичсэн байна. 2008 оноос бүх загвартаа энэхүү эмблемээ ашиглаж байна.

• 
  Олимпиагийн хөргөлтийн дээрх Цеппелин эмблем (1935–37)
• 
  Капитены цеппелин эмблем-1938
• 
  Овал хэлбэртэй худалдааны байгууллагын Опел лого 1950
• 
  Цеппелинээс аянга болж хувирахын өмнө-1954
• 
  Опел Капитен-1959
• 
  Опелын хэвтээ байрлалтай аянга, бичгээр 1950
• 
  Опел Блитц, хэвтээ байрлалтай аянгын загвартай 1961
• 
  Одоогийн аянгын загварын анхны хэлбэр 1968
• 
  Шинэчилсэн загвар 1970
• 
  Шинэчилсэн загвар 1987
• 
  2017: Хоёр хэмжээст дизайн

Загвар

Загварын нэр

Автомашин үйлдвэрлэж эхэлсэн 1930 оноос Опел автомашиныхаа нэрийг ихэвчлэн 4/12PS (4-жолоодох хүч, морины хүчээр; 12- жинхэнэ хүч; PS-морины хүч гэсэн герман үг) загвараар өгч байжээ. Энэ нь ихээхэн төвөгтэй нэршил байсан учир 1931 оноос эхлэн цилиндрийн эзэлхүүний хэмжээг (жишээ нь 1,2 литр) оронд нь хэрэглэсэн боловч энэ нь 1937 он хүртэл л үргэлжилсэн байна. Ингээд 1935 онд үйлдвэрлэсэн загвартаа Олимпиа хэмээх нэр өгсөн учир нь 1936 онд болох Берлиний зуны Олимпын тоглолтыг бэлэгшээн өгчээ. Түүний дараах загвар ч мөн энэ нэртэйгээр үйлдвэрлэгдсэн.

1930-1980-аад он хүртэл усан цэргийн цолыг (Капитен, Адмирал, Кадетт) мөн албаны нэрийг (Дипломат, Сенатор) сонгож өгдөг байв. 1980-аад оноос эхлэн нэрийн сонголтоо өөрчлөн О-г загварын ерөнхий тэмдэглэгээ болгоод А-гаар төгссөн үгийг сонгох болсон. Гэхдээ үүнд зарим нэг загварууд хамааралгүй (Сигнум, Монтереи, эсвэл Спеедстер г.м.) нэрүүд ч бий.

2012 оноос эхлэн Опел ХК нэр сонгохдоо компанийг үндэслэгч Опелын гэр бүлийнхэний нэрийг хэрэглэж байна (Жишээ нь: Адам Опел болон Карл Опел г.м.).

Түлхүүрийн (Үйлдвэрлэлийн) дугаар

Холбооны зам тээврийн яамнаас Опелын ихэнх суудлын тэргэнд үйлдвэрлэлийн дугаар (герм. Herstellerschlüsselnummern-HSN) болох 0035 болон 0039 хэрэглэдэг. Мовано-ийн дугаар нь HSN 3041 дугаарт жагсаагдах ба ихэнх Фронтера-загварууд болон Исузу-н дугаар HSN 2127 гэсэн дугаарын жагсаалтанд байдаг. Зарим нэг Корса-загвар HSN 7526 гэсэн жагсаалтанд байдаг. Ганцхан Опел GT 2.0 нь GM-HSN 1006 гэсэн дугаарын жагсаалтанд бүртгэгдсэн байдаг.

Загварын түүх

Үйлдвэрлэсэн он Үйлдвэрлэсэн машинууд	Үйлдвэрлэсэн загвар	Тайлбар	Зураг
Хамгийн жижиг тэрэг
2012 оноос хойш	Адам	Адам нь Корса D-ийн богиносгосон хувилбар бөгөөд 2012 оноос хойш Тюрингийн Айзенаx хотод үйлдвэрлэгдэж байна. Парисын автомашины үзэсгэлэнд Опелын үйлдвэрлэсэн хамгийн жижиг машинаар тодорсон.
Жижиг тэрэг
1975–1982	Чеветте	Чеветте 1980-1982 оны хооронд үйлдвэрлэгдсэн бөгөөд Кадетт C-г үйлдвэрлэхээ болисоноос хойш буюу Корса A-г үйлдвэрлэж эхлэхийн өмнө хямдхан вариант болгон худалдаанд гаргасан. Үүнийг Вауксxалл үйлдвэрлэсэн.
1982–1993	Корса А	Опелын анхны жижиг тэрэг ба эхэндээ зөвхөн хоёр хаалгатай ар тал шат хэлбэртэй эсвэл гурван хаалгатай ар тал налуу хэлбэртэй хийгдсэн. 1985 оноос хойх энэ хоёр вариант хоёулаа 2 хаалгатайгаар хийгдэж эхэлсэн. 1987 оноос шаталсан ар талтай хувилбарыг үйлдвэрлэхээ болисон. 1990 онд энэ загвараа шинэчилсэн.
1993–2000	Корса B	Эхний Корса Б 1983 онд үзэсгэлэнд оролцож байсан Опел Жуниор-н суурь дээр хийгдсэн. Энэ 90-ээд онд германд амжилттай зарагдаж байсан моделиудын нэг.
1994–2001	Тигра	Опел Тигра нь Корса Б-ийн суурь дээр хийгдсэн спорт купье загвар юм. Хоёр вариантын бензин мотор 1,4 болон 1,6 литр багтаамжтай үйлдвэрлэгдсэн. 1,4 литрийн багтаамжтай Тигра-г 1998 оны зун хүртэл, 1,6 литрийн багтаамжтай вариантыг 2001 оны 7 сар хүртэл үйлдвэрлэсэн.
2000–2006	Корса C	Өмнө нь үйлдвэрлэж байсан хувилбараа шинэчилсэн загвар. Корса С нь Кабрио Тигра ТвинТоп, Миниван Мерива мөн Комбо C-ийн суурь загвар болж байсан.
2004–2009	Тигра ТвинТоп	Корса С-ийн суурь дээр хийгдсэн автоматаар эвхэгдэx төмөр дээвэртэй загвар. Францын Heuliez компанид үйлдвэрлэж байсан.
2006–2014	Корса D	Корса-ийн дөрөв дэх үеийн загвар нь 2005 онд үйлдвэрлэгдсэн Fiat Grande Puntо-ийн суурь загварыг ашиглан хийгджээ. Гэхдээ дотроо гурав болон таван хаалгатай вариантуудын ар тал хоорондоо ихэд ялгаатай хийгдсэн.
2014 оноос хойш	Корса E	2014 оны 11-р сараас Корса-ийн тав дахь үеийн загварын үйлдвэрлэл эхэлсэн. Корса Е-ийн загвар нь түүний жижиг дүү болох Адам-ын загвартай нэлээд төстэй хийгдсэн. Стандарт загварт нь LED - өдрийн гэрэл багтсан байгаа. 2015 оны 1 сараас эхлэн худалдаанд гарна..
Компакт буюу жижиг дунд ангилал
1947–1953 156.870	Олимпиа	Дайны өмнө буюу 1935 оноос эхлэн үйлдвэрлэж байсан загвараа дайны дараа өөрчлөн гаргасан. 1950 онд дахин шинэчлэл хийгдсэн жишээ нь урд хөргөлтийн арматур.
1962–1965 649.512	Кадетт A	Дайны дараах анхны Кадетт, зөвхөн Кадетт-ыг үйлдвэрлэх зорилготойгоор шинээр баригдсан Опелын салбар үйлдвэр болох Бохум хотод үйлдвэрлэгдсэн. Тухайн үеийн загварууд нь хоёр хаалгатай лимузин, гурван хаалгатай комби (Караван) болон купье байсан.
1965–1973 2.649.501	Кадетт B	Өмнөx загварын шинэчилсэн хувилбар. Анх удаа дөрвөн хаалгатай (1967 онд) налуу ар талтайгаар хийгдсэн. 1967-1970 оны 7 сар хүртэл Кадетт Б-ийн урд талыг шинэчлэн гаргасан нь Олимпиа А-аас хамаагүй сайжирсан. Кадетт Б-г үйлдвэрлэж байх үед түүний борлуулалт маш өндөр байсан ба энэ тоогоороо Фолксваген Каефер-ийг ардаа орхин 1-р байр эзэлж байсан.
1973–1979 1.701.000	Кадетт C	Шинэ загвар нь гаднах арьс л өөрчлөгдсөнөөс доторx техник тэр чигтээ өмнөх загвараа агуулсан. Европод 1990 он хүртэл үйлдвэрлэгдсэн.
1979–1984 2.092.087	Кадетт D	Энэ загвар нь гадна дотногүй шинэчлэгдсэн. Хамгийн анхны Опелын урд хөтлөгчтэй тэрэг. Мөн анхны дизель моторыг Кадетт-D угсарсан байна.
1984–1993 3.779.289	Кадетт E	Гаднаx загвар өмнөx канттай загвараа бодвол бөөрөнхий хэлбэртэй болж ирсэн ба шалтгаан нь агаарын урсгалын ашигтай хэлбэрт оршино. 1994 оноос эхлэн Cолонгосын Daewoo Nexia-д гадна арьсыг өөрчлөн зарж эхэлсэн.
1991–2000	Астра F	Шинээр зохион бүтээсэн загвар бөгөөд анхны жолоочийн хамгаалах дэр угсрагдсан. Астра гэдэг нэр нь 1980-аад онд Опелын англи дахь салбар үйлдвэр болох Воксxолл-аас гаралтай. Түүний борлуулалтын хэмжээ мөн л Фолксваген Голф III-тай адил байсан. Спорт загварын хувилбар GSi нэртэйгээр гарч байсан.
1998–2005	Астра G	Шинэ загвар, гэхдээ спорт загвар нь өмнөхтэй адил GSi биш харин OPC (Opel Performance Center) нэртэйгээр гаргасан.
2004–2010	Астра H	Женерал Моторс-ын Delta - дээр суурилсан цоо шинэ загвар. Энэ нь маш амжилттай зарагдсан загваруудын нэг ба 2006 гэхэд нэг сая гаран ширхэг үйлдвэрлэгдсэн. Гадаад хэлбэр нь таван хаалгатай, комби, гурван хаалгатай мөн (GTC) болон налуу артайгаар үйлдвэрлэгдсэн. Налуу артай вариант нь зүүн болон өмнөд европ болон азид худалдаанд ихээр гарсан.
2009 оноос хойш	Астра J	Шинэ хувилбар буюу Астра-н 4 дэx үеийн загвар нь 2009 оны 12 сараас худалдаанд гарсан. Комби вариант нь (Инсигниа-тай адил Спортс Тоурер) 2010 оноос эхлэн үйлдвэрлэгдэж эхэлсэн. Гурван хаалгатай GTC вариант нь 2012 оны 1 сараас худалдаанд гарсан.
Дунд ангилал
1967–1970 80.637	Олимпиа А	1967 оны зунаас 1970 оны дунд хүртэл Кадетт Б-ийн суурийг ашиглан хамгийн чадалтай мотороо угсран тансаг загварын Олимпиа А хэмээх нэр өгөн худалдаанд гаргасан.
1970–1975 692.000	Аскона А	Кадетт болон Рекорд хоёрын завсрыг бөглөх зорилготой 1970 оны намар энэ загварыг шинээр гаргасан. Энэ төрлийн загварын зах зээлийг Форд Таунус тодорхойлж байсан үе. Мөн нэг комби Вояже санал болгож байв.
1970–1975 500.000	Манта A	Таван суудал бүхий спорт купьег Асконагийн суурь дээр хийв. 1970-аад оны хамгийн алдартай загваруудын нэг, түүний өрсөлдөгч нь Форд Капри байлаа.
1975–1981	Аскона B	Аскона нь 1975 оны 8-р сараас худалдаанд гарсан. Өмнөх загварын 60-90 морины хүчтэй цуваа дөрвөн цилиндрт моторыг хэвээр нь авч ашигласан. 1979 онд моторыг нь шинэчилсэн. Үүний нэг загварыг Их Британид 1976 оноос эхлэн Воксхолл Кавалиер нэртэй гаргаж байжээ.
1975–1988 550.000	Манта B	Аскона B-суурийг ашиглан хийсэн Манта B-г унаж явах нь тухайн үед нэр хүндийн баталгаа болдог байв. Тиймээс ч энэ загвар нь хамгийн удаан үйлдвэрлэгдсэн загвар юм. 1978 оны намраас эхлэн комби купье (Манта С) буюу ардаа их зайтайгаар хийсэн.
1981–1988	Аскона C	Аскона С нь Кадетт D-ээс хойшиx урдаа хөтлөгчтэй хоёр дахь Опелын загвар юм. 1984-1986 онуудад техникийн шинэчлэлд орон түүний үзэмж болон техник аль алины материалыг хөнгөн материалаар хийж байв. Үүний комби загварыг Австралийн ЖМ-ийн салбарт угсран Англид худалдаанд гаргаж байсан.
1988–1995	Вектра A	Цоо шинээр зохион бүтээсэн бөгөөд мөн амжилтанд ч хүргэсэн. 1988 оны намар шаталсан ар талтай вариантыг үйлдвэрлэж эхэлсэн бөгөөд 1989 оны эхээр налуу ар талтай хувилбарыг ч үйлдвэрлэж эхлэв. 1992 оны зун загварын сайжруулалт хийгдсэн ба энэ загвараас эхлэн моторын таган дээр байсан Опелын эмблем агааржуулагчийн салхивч руу буцан шилжсэн.
1989–1997	Калибра	Вектра А-ийн суурь дээр хийгдсэн спорт купье нь 1990 оноос эхлэн Манта-н амжилтыг үргэлжлүүлэх зорилготой байлаа. Түүний бусдаас ялгарах онцлог нь их гэрлийг их доор суулган маш нарийн (70 мм өндөр) хэмжээтэй хийсэн. Калибраг мөн Финландад үйлдвэрлэсэн.
1995–2002	Вектра B	Вектра B нь Аскона А-с хойших дараагийн дунд ангиллын автомашин байсан ба 1996 оноос комби хувилбарыг (Караван) үйлдвэрлэсэн. Сайжруулалт 1999 онд хийгдсэн.
2002–2008	Вектра C	Орчин үеийн загвар, гаднах хэлбэрийн хувьд хуучны загваруудаас эрс өөрчлөгдөн маш их электроникоор тоноглов. Эхлээд 2002 оны эхээр шаталсан артай лимузин зуны дунд сараас спорт загварын налуу артай хувилбаруудыг үйлдвэрлэв. Гэвч төсөөлж байсан амжилтанд хангалттай хүрч чадаагүй учир 2005 онд Астра H загвартай төстэй болгон маш их шинэчлэлт хийсэн.
2003–2008	Сигнум	Шинэ ангилалын загвар бөгөөд Вектра С хувилбарыг бодоход хоёр тэнхлэгийн хоорондох зайг караван буюу комбитой адил хэмжээнд хүргэн сунгаснаар доторх зайг томруулан богино кароссеритэй болгов. Энэ загварт Вектрад ашигласан бүх шинэчлэлийг мөн хэрэглэсэн байна.
2008 хойш	Инсигниа	Вектрагийн дараагийн үеийн загвар болох Инсигниа нь 2008 оны аравдугаар сараас эхлэн шаталсан- болон налуу артай лимузин загварууд борлуулагдаж эхэлжээ. 2009 оны гуравдугаар сард түүний коби хувилбар гарсан ба үүнийг караван гэж нэрлэхээ болиод, харин Спортс Тоурер хэмээн нэрлэгдэх болов. Инсигниа нь 2009 онд "Оны шилдэг автомашин" шагналыг хүртсэн. 2013 оны зуны сүүлээр түүний сайжруулсан загвар гарсанаас гадна яг тэр жилдээ дөрвөн дугуй хөтлөгчтэй комби хувилбарыг Коунтри Тоурер гэсэн нэртэйгээр худалдаанд гаргав.
2013 хойш	Каскада	Эвхэгдэх зөөлөн материалтай дээвэр бүхий кабриолет нь Астра J-н платтформ дээр суурилсан боловч техникийн чухал эд хэсгүүдээ Инсигниагийн эд хэсгийг авч угсарсан байна.
Дундаас дээд ангилал
1953–1957	Олимпиа Рекорд	Олимпиа Рекорд нь дэлхийн 2-р дайны дараах анхны шинэ загварын автомашин байлаа. Олимпиа Рекорд, арай сүүлд буюу 1953 оны намар зохион бүтээгдсэн Капитен хоёр нь Америкийн Понтонкароссиетэй адил загварууд юм.
1957–1960	Рекорд P1	Бүх талаараа өмнөх загвараасаа илүү орчин үеийн автомашин байсан. P үсэг нь урдаа болон хойноо панорама салхивчтайг илэрхийлнэ. Рекорд P1 нь хоёр болон дөрвөн хаалгатай лимузин, комби (караван) болон ачаа нийлүүлэх зориулалтын бүхээгтэй (арын ачааны хэсэгт цонхгүй) хийгдсэн бөгөөд энэ загварууд нь гэр бүл болон мужаануудын хэрэглэх дуртай автомашины нэг болж байв.
1960–1963	Рекорд P2	Tехникийн хувьд нэг их өөрчлөгдөөгүй, харин гадаад төрхийн хувьд маш их өөрчлөлт хийгдсэн.
1963–1965	Рекорд A	Нэлээд цэвэрхэн хийцтэй шулуун шугамдсан мэт шинэ загварын автомашин. Үүнтэй болон Кадетт А-гаас эхлэн Опел нэг төрлийн автомашины загваруудаа үсгийн дарааллаар ангилж эхэлсэн.
1965–1966	Рекорд B	Рекорд B нь шилжилтийн загвар байсан, хэдийгээр Опелын үйлдвэрлэсэн шинэ мотор тавигдсан боловч бусад техникийн хувьд өмнөх загвартайгаа ижил байв. Үүнд жишээлбэл арын тэнхлэг нь хавтгай пүрштэй хэвээр үлдсэн.
1966–1972	Рекорд C	Рекорд C нь гаднах хэлбэрийн хувьд ихээхэн өөрчлөгдсөн, хойд хэсгээрээ өмнөх загвараа бодвол өргөн болсоноос гадна С-багана болон сайжруулсан шурагтай пүрш бүхий явах анги арын тэнхлэг давхар буюу таван гарт тэнхлэг зэргийн өөрчлөлт хийгджээ. Рекорд C нь хамгийн амжилттай борлуулагдсан загварын нэг юм. Бразилд 1990 он хүртэл үйлдвэрлэгдсэн.
1967–1971	Коммодоре A	Рекорд C-г ашиглан хийсэн, урд талыг сунгасан учир тэнд зургаан цилиндрт 150 морины хүчтэй мотор угсарсан. Kоммодоре A нь лимузин болон купье загвар хийгдсэн.
1971–1977	Рекорд D	"Опел Рекорд" -ийн хэлбэр нь дахиад л „европ“ хэлбэртэй байв. Энэ тэрэг нь анхандаа ,,Рекорд II“ гэсэн нэртэй байсны учир нь түүний дизель тэрэгний хувилбар байдаггүй гэдгийг илэрхийлсэн санаа байж. Үнэндээ бол 1972 оноос эхлэн ,,Рекорд D“-г дизель мотортойгоор ч үйлдвэрлэсэн байна.
1972–1977	Коммодоре B	1972 оны эхээр үйлдвэрлэж эхэлсэн Коммодоре B-г Рекорд D-ийн суурь дээр үйлдвэрлэсэн ба түүнд мөн Рекорд D -д угсарсан зургаан цилиндрт моторыг угсарсан байна. Энэ загвар нь лимузин болон купье хувилбартайгаар үйлдвэрлэгдсэн.
1977–1982	Рекорд E1	Рекорд E-д шинэ загварын их бие болон урд тэнхлэгийг угсарсанаас, бусдаар бол өмнөх загварынx нь техникийг ашигласан байдаг. Хамгийн сүүлийн хоёр хаалгатай Рекордын хувилбар юм.
1982–1986	Рекорд E2	Рекорд E2 нь 1982 оны намраас эхлэн урд хэсгийг сайжруулсан загвар болон гарч ирсэн. Моторын хувьд нэг их өөрчлөгдөөгүй өмнөхөө авч ашигласан бөгөөд ганцхан 1984 оны намар нэмж 2,0 литрийн 115 морины хүчтэй бензин мотор угсарсан юм. Дөрвөн хаалгатай лимузинээс гадна гурван хаалгатай комби караван болон гурван хаалгатай хайрцган загвартай хувилбарын сонголттой байв.
1978–1986	Сенатор A	Сенатор A нь 1978 оны хавар түүний дээр байрлалтай Опел KAD B-загварын цувралыг үргэлжлүүлэн гарч ирэсэн. Энэ нь Рекорд E дээр суурилсан ба арын таван бул бүхий "хатуу тэнхлэг" байхгүй, харин орчин үеийн ташуу бултай тэнхлэг угсрагдсан. Мөн 3 литр хүртэл эзэлхүүнтэй 180 м.x. мотор угсрагджээ. 1982 оны сүүлээр хийгдсэн өөрчлөлтүүд нь "Рекорд Е2"-той нэлээд төстэй болсон.
1978–1986	Монца	Монца бол Спорт купье бөгөөд "Сенатор"-ын суурь дээр хийсэн ба түүнтэй хамт тухайн үедээ хамгийн чадалтай мотор бүхий Опелын загварууд байв. 1982 оны сүүлээр Рекорд E2 болон Сенатор -той адил нэгэн ижил нүүрний хэсэгтэй болсон. 1983 оны намраас түүний шилдэг загвар болох "Монца GSE" худалдаанд гарав. Хянах самбарын гэрэлтүүлэгт "LED"-заагч болон спорт загварын явах анги 3 литрийн мотор зэргийг сонгон захилах боломжтой байсан.
1978–1982	Коммодоре C	Дөрвөн цилиндртэй "Рекорд Е"-ийн хажуугаар зургаан цилиндртэй "Коммодоре" үйлдвэрлэж байв. гэвч "Сенатор" үйлдвэрлэлтээс хамааралтайгаар түүнийг 1982 наймдугаар сараас эхлэн "Коммодоре"-ийн үйлдвэрлэлтийг зогсоосон аж. Коммодоре-н цувралаас дан ганц энэ загвар л "Voyage" хэмээх тансаг загварын комби үйлдвэрлэгдэж байж.
1986–1993	Омега A	Цоо шинээр зохион бүтээсэн автомашины үе бөгөөд тухайн үедээ "Сенатор B"-тэй нэг платформ дээр хамгийн орчин үеийн техникийг ашиглажээ. Үүнийг дөрөв болон зургаан цилиндрт мотортойгоор дөрвөн хаалга, шаталсан ар бүхий лимузин болон таван хаалгатай комби загвартайгаар үйлдвэрлэгдсэн.
1987–1993	Сенатор B	1987 оны зунаас эхлэн үйлдвэрлэсэн "Сенатор B" нь өмнөх жил нь үйлдвэрлэж эхэлсэн "Омега A"-д суурилсан байна. Энэ хоёр дахь үеийн загварын борлуулалт яваандаа маш муудаж эхэлсэн учир Опел нь "Сенатор"-цувралын үйлдвэрлэлтийг бүрэн зогсооx шийдвэр гаргасан. Ингээд 1993 дундаас "дундаас дээд" ангилалын автомашины загварт ганцхан "Омега"-г үйлдвэрлэсэн байна.
1994–2003	Омега B	Дотор болон гадна тал нь өмнөх үеийн загвараасаа хамаагүй том зайтай загвар. "Омега B" нь шинэ мотор, аюулгүйн дэр болон дизель мотортойгоор нийлүүлэгдсэн. Хэдийгээр эхний үед амжилттай зарагдаж байсан боловч, чанарын асуудал ихээр гарсанаас гадна марктингийн алдаа, нийлүүлэлтийн хугацаа хэт урт болон захиалга багассан зэрэг шалтгаанаар Омегаг ямар ч дараах загваргүйгээр 2003 онд үйлдвэрлэлтийг хаасан байна.
Дээд ангилал
1948–1953	Капитен '48	Дэлхийн 2-р дайны дараа үйлдвэрлэгдсэн анхны Капитен нь 1938 онд буюу дайны өмнө үйлдвэрлэгдсэн загвартай бараг адилхан загвар байлаа. 1951 оноос эхлэн бага зэргийн өөрчлөлтүүд хийгдсэн ба жишээлбэл шинэ урд хөргөлтийн нүүргэвч хийгдсэн.
1953–1955	Капитен '54 [1953-1955)	Дайны дараах анхны загвар (Опел Олимпиа Рекорд-той хамт) бөгөөд америк маягийн загвар бүхий хөргөлтний нүүргэвчтэй.
1955–1958	Капитен '56/’57 (1955–1958)|	Ерөнхийдөө Капитен ’54-ийг сайжруулсан загвар ба тоноглолтын хувьд хамаагүй илүү болон хүчтэй мотор нүүргэвчийн хэлбэр нь босоо байрлалтай хийгдсэн.
1958–1959	Капитен P 2,5 (1958–1959)	Өргөн бөөрөөнхий хэлбэр бүхий урд салхины шилтэй автомашин. Түүний арын гэрэлний хэлбэр нь цоожны нүхтэй адил хэлбэртэй учир "Түлхүүрийн нүхтэй Капитен" ч гэж бас нэрлэдэг байна.
1959–1963	Капитен P 2,6 (1959–1963)	1959 оны зун үйлдвэрлэгдэн худалдаанд гарсан Капитен P 2,6 нь Рекорд P2-той адил сайжруулалт хийгдсэн. Шинэ их бие нь намхан, сунгасан шугаман эмжээр болон шинээр дахин томруулсан панорама урд салхины шилтэй хийгдэв. Өмнөх загварын дээврийн арын хаалганы дээд хэсэг нь хэт доош суусан байсан бөгөөд энэ нь ихээр шүүмжлэгддэг байсныг энэ загварт сайжруулалт хийн зорчигч суухад эвтэйхэн болгожээ.
1964–1968	Капитен/Адмирал/Дипломат A (КАД A)	Цоо шинэ загвар ба ар тал ихээхэн том хэлбэртэй. "Гурван том" нь харагдах байдал болон техникийн хувьд бараг адилхан боловч тоноглолт болон моторжуулалтын хувьд ялгаатай юм. 1967 оны дундаас Дипломат А-г купье загвартайгаар зөвхөн 347-г үйлдвэрлэсэн байна.
1969–1977	Капитен/Адмирал/Дипломат B (КАД B)	1969 оны гуравдугаард сард худалдаанд гарсан КАД B цуврал нь өмнөх загвараа бодвол илүү том их биетэй юм. Мөн энэ загвар Мерседес-Бенц W 115-тай төстэй бөгөөд Бенцийн урд их гэрэл нь босоо хэлбэртэй бол КАД B-ийн урд их гэрэл хэвтээ хэлбэртэй юм. Хамгийн сүүлийн дээд ангилалын загварыг 1977 оны зун үйлдвэрлэсэнээр зогсоосон байна.
Спорт загвар
1968–1973 103.463	GT	Хоёр суудалтай купьег Кадетт B-ийн суурийг ашиглан хийжээ. Онцлог шинж: урд гэрэл хаагдах гэртэй.
1971–1974 127	Интермекканика Индра	Кабрио болон купье загварыг Дипломат V8 суурийг ашиглан хийсэн.
2000–2005 7.207	Спеедстер	Цэвэр спорт загварын автомашин бөгөөд Лотус Элисе S2 суурь дээр хийгдсэн.
2007–2009 7.519	GT	Опел GT гэсэн нэрийг 34 жилийн дараа дахин сэргээсэн ба энэ удаа хоёр суудал бүхий Родстерийг ЖМ-ын Каппа-платформ дээр суурилан хийсэн.
Микрован
2000–2007	Агила A	Опел Агила нь Сузуки Вагон R+-тэй нэг загварт харъяалагдах бөгөөд түүнийг Польшийн Гливике хотод үйлдвэрлэсэн.
2007–2014	Агила B	Хоёр дахь Агила загвар нь Сузуки болон Опел/Фиат мотортойгоор угсрагдсан ба Сузуки Сплаш-тэй эгч дүү загвар юм.
Миниван
2003–2010	Мерива A	Түүнээс том хэмжээтэй Опел Цафираг бодвол Мерива нь Корса C дээр суурилсан ба дээд тал нь таван хүний суудалтай байдаг. 2006 онд бага зэргийн дизайны өөрчлөлт хийгдсэн бөгөөд 180 морины хүчтэй чадалтай мотортой болсон байна.
2010 оноос хойш	Мерива B	Мерива А-ийн хөгжүүлсэн хувилбар ба хажуугийн хоёр хаалга нь урд урдаасаа харан нээгддэг юм. Энэ ангилалд анх удаа дээд зэрэглэлийн техникийн шийдлүүдийг хэрэглэсэний дотор галоген эргэлтийн гэрэл, нуруунд ээлтэй суудал болон унадаг дугуй тээвэрлэх систем зэрэг орно.
Өндөр дээвэртэй комби
1986–1993	Комбо А	Кадетт E-д суурилсан өндөр дээвэр бүхий комби загвар нь Опелын энэ ангилалд үйлдвэрлэсэн анхны автомашин юм. Анхны өндөр дээвэрт комби нь зөвхөн бүхээгтэй ачааны загвар л үйлдвэрлэгдсэн байна.
1993–2001	Опел Комбо B	Хоёр дахь үеийн өндөр дээвэрт комби нь Корса B-ийн суурийг ашигласан. Сүүлд 1993 оны намраас эхлэн Комбо нь бие даасан загвар болон хөгжсөн юм.
2001–2011	Опел Комбо C	Энэ загварыг Корса C-ийн суурь дээр 2001 оны зунаас 2011 оны эхэн үе хүртэл үйлдвэрлэсэн. 2007 оноос эхлэн Испаны Сарагосса хотод үйлдвэрлэгдсэн бол түүнээс өмнө нь Португалийн Азамбуяад үйлдвэрлэж байжээ.
2011 оноос хойш	Опел Комбо D	Опелын дараагийн өндөр дээвэрт загвар нь энэ удаа 2010 оны эхнээс үйлдвэрлэгдсэн Фиат Добло-той нэг ижил платформ дээр хийгдсэн байна. 2011 оны эхнээс эхлэн Турк улсын Бурса хотод үйлдвэрлэгдэж байна.
Компактван
1999–2005	Цафира A	Цафира A нь Астра G- дээр хийгдсэн ба хөарин их биеийн хувь өөрчлөлт орсоны дотор богиносгосон моторын таг болон эвхэгдэх долоон хүний суудалтай. 2003 оны эхээр бага зэргийн дизайны өөрчлөлт хийгдэв. Мөн "OPC" хувилбарт нь 192 морины хүчтэй моторыг угсарчээ.
2005–2014	Опел Цафира B	Астра H-н суурин дээр хоёр дахь үеийн загвар Цафира B-г хийсэн. Коммон-Райл-Техник бүхий 100-150 м.х. чадалтай дизель мотортой. 2008 онд дизайн болон моторт нь жижиг өөрчлөлтүүд хийгдсэн.
2011 оноос хойш	Опел Цафира C	Гурав дахь үеийн загвар нэмэлт нэртэй болсон бөгөөд доод хэсэг нь Астра J-той адилхан юм. Опелын анхны радарын технологи бүхий зайн тохируулгатай загвар юм. Өмнөх загвар нь 2014 он хүртэл Цафира Фамили хэмээх нэртэйгээр үйлдвэрлэгдсэн байна.
Ван (урт)
1996–1999	Синтра	Опелын анхны Ван ангиллын загвар нь ЖМ-ын Шевролет Вентуре болон Понтиак ТрансСпорт загваруудад суурилсан байна. Худалдаанд гарсанаас хойш ослын болон тормосны туршилтын дүн муу гарсанаас гадна борлуулалт муутай байсан учир 1999 онд түүний үйлдвэрлэлтийг бүр мөсөн хаасан байдаг.
Микро автобус
1973–1986	Бедфорд Блитц	Энэ жижиг автобус нь автомашин үйлдвэрлэгч Бедфорд худалдан авсан ба Воксхолл Моторс компанид үйлдвэрлэгдсэн байдаг.
1997–2000	Арена	Бедфорд Блитцийн үйлдвэрлэлийг зогсоосоноос хойш 11 жилийн дараа үйлдвэрлэсэн автобус юм. Гэхдээ энэ загвар Рено Трафиктай адилхан загвар бөгөөд Трафикийг бүр эрт 1980 онд үйлдвэрлэгдсэн байна.
2001 оноос хойш	Виваро Комби/Тоур/Лифе	Рено-Ниссантай хамтран зохион бүтээсэн орчин үеийн загвар бөгөөд Рено Трафик болон Ниссан Примастар-тай ижил загвар юм. Үүний хоёр дахь үе нь 2014 оны зунаас худалдаанд гарсан.
Бартаат замын тэрэг
1991–1998	Фронтера A	Опелын өөрийн үйлдвэрлэсэн анхны бартаат замын жип бөгөөд Монтереи-тэй адил автомашины үйлдвэр Исуцу компаны лиценцээр үйлдвэрлэгдсэн байна. Эхэн үеийн моторууд нь Омега А-д ашигласан мотор байжээ.
1998–2004	Фронтера B	1998 оны намраас Опел Фронтера B худалдаанд гарав. Энэ автомашин нь өмнөхтэйгээ адил гурван хаалгатай тэнхлэг хоорондын зай нь богино загвар хийгдсэнээс гадна таван хаалгатай урт тэнхлэг хоорондын зайтайгаар бас үйлдвэрлэгдсэн.
1992–1999	Монтереи	Опел Монтереи нь 1992 оноос 1999 оны хооронд үйлдвэрлэгдсэн бөгөөд Исузу Троопер-той ижил нэг их биетэй. Фронтера-тай адил гурван хаалгатай болон таван хаалгатай урт хувилбартай хийгдсэн. 1998 онд бага зэргийн загварын сайжруулалт хийгдсэний дотор урд нүүрний хэсэг болон моторжуулалтыг өргөтгөсөн. 1999 оны хавар түүний импортыг Опел зогсоон хаасан.
SUV
2006–2015	Антара	Антара нь 2006 оны намраас зах зээлд гарсан бөгөөд шууд биш ч Фронтерагийн залгамж үе юм. Чадлын хувьд 2 литр 120 м.x.-тэй дизель мотороос 3,2 литрийн 227 м.x. бензин мотортой үйлдвэрлэгджээ.
2012 оноос хойш	Мокка	2012 онд Опел бас нэг спорт бартаат замын тэрэг гаргасан нь Опел Мокка юм. Үүнийг үйлдвэрлэхдээ Опел Корса D-ийн суурийг ашиглажээ.
Ачаа тээврийн автомашин
1932–1954	Блитц	Блитц нь зах зээлд гаргасан олон хувилбарын хамгийн эхний үеийн хувилбар юм. 1935 онд шинэ баригдсан Опел Бранденбург үйлдвэрт гурван тонны даацын чадалтайгаар ихэвчлэн армид зориулан хийжээ. 1944-1949 оны хооронд Даймлер-Бенцийн Манхайм хот дахь ачааны машины үйлдвэрт лицензээ өгөн үйлдвэрлүүлж байж.
1951–1960	Блитц	Блитц-ийн хоёр дахь үе нь 1,75 тонны даацтай ачааны автомашин байв.
1960–1965	Блитц	Блитц-ийн гурав дахь үе нь 1,9 тонны даацтай ачааны автомашин байжээ.
1966–1975	Блитц	Блитц-ийн хамгийн сүүлчийн үе нь 1,7-2,4 тонны даацтай ачааны автомашин байсан.
1973–1987	Бедфорд Блитц	Энэ жижиг ачааны транспортерыг автомашин үйлдвэрлэгч Бедфордоос авч Воксхолл Моторс-д үйлдвэрлэсэн.
1986–1993	Комбо A	Анхны Комбо нь Кадетт E-ийн суурь дээр хийгдсэн. Үүнээс гадна энэ Комбо нь Опелын үйлдвэрлэсэн анхны өндөр дээвэртэй комби загвар юм.
1991–2001	Кампо	Кампо нь Пик-Ап загварын автомашин байсан ба түүнийг Исузу Фастер-ийн суурь дээр хийжээ.
1993–2001	Комбо B	Кадетт Комбо-ийн залгамж боловч түүнийг Корса B-ийн суурь дээр хийсэн. 1993 оноос Комбо нь өөрийн гэсэн үндсэн загварыг бий болгон хөгжсөн.
1997–2000	Арена	Рено Трафик-ийн бага зэрэг өөрчилсөн загвар.
1998–2009	Мовано A	Реногийн зохион бүтээсэн загвар бөгөөд 2002 оноос хойш Рено Мастер болон Ниссан Интерстар-тай хамт нэг их биеийг хуваан үйлдвэрлэгджээ.
2001–2011	Комбо C	Хайрцаг хэлбэртэй тэргийг Корса C-ийн суурь дээр, Португали дахь салбар үйлдвэртээ 2007 он хүртэл үйлдвэрлэжээ. Дараа нь Испаний Сарагосса-д үйлдвэрлэв.
2001 оноос хойш	Виваро	Бас нэг жижиг транспортер. Түүнийг мөн Рено, Ниссантай хамтран хийсэн ба 2014 оноос эхлэн түүний дараачийн залгамж үе гарч ирсэн.
2010 оноос хойш	Мовано B	Хэмжээний хувьд дунд ангилалын транспортер ба өмнөх үеийн загвартайгаа адил Рено-Ниссан-тай хамтарсан загвар.
2011 оноос хойш	Комбо D	Фиат Добло II-ийн суурь дээр хийгдсэн хайрцаг хэлбэртэй тэргийг Туркийн салбар үйлдвэр болох Тофас-үйлдвэрт 2011 оны намраас хойш үйлдвэрлэж байна.
Түүхэн загварын автомашин (сонгон оруулав)
1899–1901	Патентмоторваген „Систем Лутцманн“	Хамгийн анхны Опелын автомашиныг зохион бүтээгч Фридрих Лутцманнтай хамтран зохион бүтээжээ.
1909	Опел 4/8 PS „Докторваген“	Опелын анхны суудлын автомашин нь олны хүртээл болсон автомашин байв. „Докторваген“ хэмээх хоч нэр нь эмч нар ихээхэн хэрэглэн гэрт ирж үзлэг хийдэгтэй холбоотойгоор бий болсон байна.
1911–1920	Опел 5/12 PS „Пуппхен“	Дөрвөн төрлөөр үйлдвэрлэсэн жижиг автомашин.
1914	12,3-Литр-Реннваген	4 цилиндр, 260 м.x., 228 км/ц, жин 2.000 кг
1922–1924	Опел 10/30 PS Опел 10/35 PS	Зургаан хүний суудал бүхий тансаг дээд ангилалын автомашин нь дөрвөн цилиндртэй 30-35 м.x. автомашин байсан.
1924–1931	Опел 4/12 PS „Лаубфрош“	Германд хамгийн анх урсгал дамжлагын систем ашиглан үйлдвэрлэсэн автомашин юм.
1928	Опел РАК2	Ракетенауто нь берлиний автомашины туршилтын замд зориулсан туршилтын загвар юм.
1929	Опел Регент	Женерал Моторс компани Опелыг худалдж авсаныхаа дараа Регентийн үйлдвэрлэн зарсан байсан 25 ширхэг автомашиныг буцаан дуудаж бүгдийг устгасан байна. Үүний учир нь ЖМ-ын өөрийн тансаг дээд ангилалд үйлдвэрлэдэг Кадиллактай өрсөлдөх чадвартай, тиймээс түүний зах зээлийг булаацалдах аюултай хэмээн устгуулсан байна.
1931–1933	Опел 1,2 Литр / Опел 1,8 Литр	Женерал Моторс-той хамтран зохион бүтээсэн анхны автомашин. Урд тэнхлэг нь хатуу холболттой, ардаа төмөр утсан татагчтай хүрдэн тормостой тэрэг байжээ.
1935–1937	P4	Дөрвөн хүний суудалтай P4 нь германы эзэнт гүрний анхны „ард нийтийн автомашин“ гэж тооцогддог. Түүний газраас чөлөөтэй өндөрт байрлах их биетэй учир зөвхөн хучилттай замд ч биш бас хучилтгүй бартаат замд ч ашиглах боломжтой юм.
1935–1953	Олимпиа	Германы хамгийн анхны аралгүй өөрийгөө тээх бүрэн гангаар хийсэн их биетэй автомашин юм. Түүний залгамж үе нь 1953 онд үйлдвэрлэгдсэн Олимпиа Рекорд юм.
1936–1940	Кадетт	Анхны Кадетт нь маш амжилттай зарагдсан бөгөөд нийт 107.000 ширхэгийг үйлдвэрлэсэн аж.
1937–1938	Супер 6	Капитен-ы өмнөх үеийн загвар. Түүний 2,5 л мотор нь 55 м.x. гаргах чадалтай байсан.
1937–1939	Адмирал	Адмирал нь 3,6 литрийн багтаамж бүхий мотортой Опелын шилдэг загваруудын нэг байсан ба түүнтэй нэгэн зэрэг үйлдвэрлэгдэн гарсан Супер 6-ийн дээр байрладаг байв.
Опелийн концепт (анхны туршилтын загвар) автомашин
		Опелын концепт автомашиныг үзнэ үү!

Ном, сурах бичиг

• Hans-Jürgen Schneider: Autos und Technik: 125 Jahre Opel . Verlag Schneider + Repschläger, Weilerswist 1987, ohne ISBN. 472 S., zahlreiche Illustrationen.
• Peter Schirmbeck (Hrsg.): Morgen kommst Du nach Amerika. Erinnerungen an die Arbeit bei Opel 1917-1987. Verlag J. H. W. Dietz Nachf., Berlin 1988, ISBN 3-8012-0128-7.
• Eckhart Bartels: Opel, Fahrzeug-Chronik von 1887 bis 2000. (Fahrräder, Motorräder, Personenwagen und Lastwagen), Podszun Verlag, Brilon 2000, ISBN 3-86133-146-2.
• Wolfgang Schmarbeck, Bodo Fischer: Alle Opel Automobile seit 1899. Motorbuch Verlag, Stuttgart 1996, ISBN 3-613-01478-5.
• Opel seit 1899. Motorbuch Verlag, Stuttgart 2007, ISBN 978-3-613-02804-3.
• Alexander Franc Storz: Typenkompass – Opel Personenwagen seit 1945. Motorbuch Verlag, Stuttgart 2008, ISBN 978-3-613-02930-9.
• Eckhart Bartels, Rainer Manthey: Typenkunde – Opel Klein- und Mittelklassewagen ab 1962. Band 1, Delius Klasing Verlag, 2005, ISBN 3-7688-1637-0.
• Eckhart Bartels, Rainer Manthey: Typenkunde – Opel Mittel- und Oberklasse ab 1947. Band 2, Delius Klasing Verlag, 2006, ISBN 3-7688-1726-1.
• Eckhart Bartels: Opel Militärfahrzeuge von 1906–1956. Nebel Verlag, 2002, ISBN 3-89555-860-5.
• Jürgen Nöll: Im Schatten des Automobils – Opel-Motorräder aus drei Jahrzehnten. Heel Verlag, Königswinter 2001, ISBN 3-89880-012-1. (Bildband über die Jahre 1900 bis 1930).
• Henry Ashby Turner: General Motors und die Nazis. Das Ringen um Opel. Econ Verlag, Berlin 2006, ISBN 3-430-19206-4.
• Karl E. Ludvigsen: Opel – Räder für die Welt. Automobile Quarterly Publications, Princeton 1983, ISBN 0-915038-17-X.

Цахим холбоос

 Commons: Опел – Викимедиа дуу дүрсний сан

 Commons: Опел тээврийн хэрэгсэл – Викимедиа дуу дүрсний сан

 Commons: Опел унадаг дгуй – Викимедиа дуу дүрсний сан

• Опел-Герман албан ёсны цахим хуудас
• Опел-Австри дахь салбарын цахим хуудас
• Опел-Швейцари дахь салбарын цахим хуудас
• Опел Медиа - Өдөр тутмын хэвлэлийн тойм
• Адам Опел ХК-ны түүх