МОНЦАМЭ

Чөлөөт нэвтэрхий толь — Википедиагаас
Jump to navigation Jump to search

Үндэсний мэдээллийн МОНЦАМЭ агентлаг нь 1921 онд МОНТА буюу Монголын цахилгаан мэдээ нэртэй байгуулагдсан цагаасаа тасралтгүй үйл ажиллагаагаа явуулж ирсэн мэдээллийн ууган байгууллага бөгөөд Монгол Улсыг дэлхий нийтэд сурталчлах болон дэлхий дахины мэдээллийг монголчуудад хүргэх хамгийн шуурхай, үр дүнтэй, баталгаатай эх сурвалж юм.

Үйл ажиллагааны үндсэн чиглэл[засварлах | edit source]

Нэгдүгээрт[засварлах | edit source]

Монгол Улсын төр, засгийн удирдлага ба төв байгууллагууд, хэвлэл мэдээллийн хэрэгслүүд, өргөн олон нийтийг улс орны дотоод амьдралын шуурхай мэдээллээр хангах,

Хоёрдугаарт[засварлах | edit source]

гадаад ертөнц, олон хэмжээнд болж байгаа үйл явдлын мэдээллээр хангах,

Гуравдугаарт[засварлах | edit source]

Монгол Улсын гадаад, дотоод бодлого, дотоодын үйл явдал, улс орны хөгжил дэвшлийг гадаадад мэдээлэх, сурталчилан таниулах явдал болно.

Хамтын ажиллагаа[засварлах | edit source]

МОНЦАМЭ агентлаг Ази, Номхон далайн бүс нутгийн орнуудын мэдээллийн агентлагуудын нэгдсэн байгууллага ОАНА-ын гишүүний хувьд гишүүн агентлагуудтай тогтмол мэдээлэл солилцож, Монгол Улсад болж буй үйл явдлын тухай мэдээ мэдээллийг өдөр тутам ОАНА-ын мэдээллийн нэгдсэн сан /www.oananews.org/-д нийлүүлж байдаг.

Тус агентлаг ОХУ-ын ИТАР-ТАСС, Риа-Новости, Их Британийн Ройтерс, БНХАУ-ын Синьхуа, БНСУ-ын ЁНАП, БНСВУ-ын ВМА, БНКУ-ын Пренса Латина, БНПУ-ын ПАП, БНБУ-ын БТА, БНТУ-ын Анадолу, Украин Улсын Укринформ, Америкийн дуу хоолой, Азербайжан улсын Азертак, Казахстан улсын Казинформ, Иран улсын Мер, БНАСАУ-ын Цахилгаан мэдээний төв агентлаг зэрэг мэдээллийн агентлагтай хамтын ажиллагааны гэрээ байгуулан ажиллаж байна. Эгээр агентлагтай өдөр тутам мэдээ, мэдээлэл үнэ төлбөргүй солилцон, жил бүр сэтгүүлч, техникийн ажилтнуудаа харилцан айлчлуулж улс орноо гадаадад таниулан сурталчилдаг. МОНЦАМЭ агентлаг нь нийслэл Улаанбаатар хот, 21 аймаг болон ОХУ-ын Москва, БНХАУ-ын Бээжин хотод байнгын сурвалжлагчтай.

МОНЦАМЭ агентлаг өнөөдөр[засварлах | edit source]

Дотоодын уншигчдад зориулан:[засварлах | edit source]

  • Өдөр тутам монгол, англи, орос, хятад, япон 5 хэлээр дотоод, гадаад мэдээллийн www.montsame.gov.mn цахим хуудас
  • Долоо хоног тутам монгол бичгээр “Хүмүүн бичиг” сонин
  • Долоо хоног тутам Монголын тухай дэлхийн хэвлэлд гарсан мэдээллээр бэлтгэдэг “МОНЦАМЭ мэдээ” товхимол
  • Сар тутам “МОНЦАМЭ Тойм” сэтгүүл

Гадаадын уншигчдад зориулан:[засварлах | edit source]

  • Өдөр тутам англи, орос хэлээр “MONTSAME Daily News”, “МОНЦАМЭ Новости” товхимол
  • Өдөр тутам улс орны түүх, соёл, хөгжил дэвшил, дотоод амьдралын үйл явдлыг харуулсан дүрстэй мэдээг монгол, англи хэлээр бэлтгэн дотоод, гадаадад түгээдэг МОНТА теле студи
  • Долоо хоног тутмын “Новости Монголии” сонин /орос хэлээр/
  • Долоо хоног тутмын “The Mongol Messenger” сонин /англи хэлээр/
  • Долоо хоног тутмын “Мэнгу сяосибао” сонин /хятад хэлээр/
  • Долоо хоног тутмын “Монгору Цушин” сонин /япон хэлээр/
  • Улирал тутам хэвлэгдэн гардаг “Mongolia Today” сэтгүүл /англи хэлээр/
  • Жил бүр шинэчлэн хэвлэдэг мэдээлэл сурталчилгаа-танин мэдэхүйн “Mongolia” ном /англи хэлээр/-ыг хэвлэн гаргаж, ажиллуулан нийтийн хүртээл болгож байна.

Бусад үйлчилгээ[засварлах | edit source]

Гэрэл зургийн студи:[засварлах | edit source]

Агентлагийн фото студи нь улс оронд болж буй чухал үйл явдлуудыг гэрэл зургийн хальсанд буулган, Монгол Улсын архивын гэрэл зургийн санг баяжуулахын зэрэгцээ дотоод, гадаадын захиалгат хэрэглэгчдийг гэрэл зургийн мэдээллээр хангаж, гэрэл зургийн самбараар тогтмол сурталчилгаа хийж байна. Мөн Монгол Улсын түүх, соёл, өнөөгийн хөгжил дэвшлийг харуулсан гэрэл зургийн үзэсгэлэн бэлтгэн гадаадын улс орнуудад гаргахаас гадна Монгол Улсаас гадаадад суугаа Элчин сайдын яамдыг сурталчилгааны гэрэл зургаар тогтмол хангадаг.

МОНЦАМЭ мэдээллийн төв[засварлах | edit source]

МОНЦАМЭ агентлагийн мэдээллийн төв нь хэвлэлийн бага хурал зохион байгуулахыг хүссэн албан байгууллага болон хувь хүмүүст нээлттэй. Тус төв нь хотын төвд байрлалтай, мэдээллийн гол гол эх сурвалжид ойр дөт байдгаараа онцлог, давуу талтай. Манай мэдээллийн төвөөс интернэтээр мэдээлэл авах, дамжуулах боломжтой.

Хэвлэх үйлдвэр[засварлах | edit source]

Манай агентлаг дотоод, гадаад сурталчилгааны зориулалтаар гаргаж буй бүх сонин хэвлэл, ном товхимлоо өөрийн хэвлэх үйлдвэрт хэвлэдэг. Энд мөн гадны байгууллага, хувь хүмүүсийн захиалгат материалыг хэвлэх , хэвлэлийн эх бэлтгэж өгөх бүрэн боломжтой юм.

Холбоо барих[засварлах | edit source]

Алба, хэлтэс Утасны дугаар
Ерөнхий редактор (976-11) 266659
“МОНЦАМЭ тойм” сэтгүүлийн редакц 263692
Дотоод мэдээний редакц (976-11) 314511
Гадаад мэдээны редакц (976-11) 328966
Гадаадад мэдээлэх редакц (976-11) 314574
Англи хэлний нэгдсэн редакц
/”Монгол мессенжер” сонин, “Mongolia today”сэтгүүл/
(976-11) 264685
“Хүмүүн бичиг” сонины редакц (976-11) 329486
“Новости Монголии” сонины редакц (976-11) 310157
“Монголын мэдээ” хятад сонины редакц (976-11) 320077
“Монгору цүүшин” япон сонины редакц (976-11) 327294
Гэрэл зургийн студи (976-11) 314510
МОНТА теле студи (976-11) 266633
Хэвлэх үйлдвэр: (976-11) 264685
Зар сурталчилгааны менежер 266904

Хаяг[засварлах | edit source]

Монгол Улс, Улаанбаатар хот, Жигжиджавын гудамж-8, Ш/х-1514, Индекс-10245, И-мэйл: contact@montsame.gov.mn --MtulgaM (talk) 04:36, 12 Арваннэгдүгээр сар 2013 (UTC)