Гренада

	State of Grenada
	Гренада Улс
Төрийн далбаа	Төрийн сүлд
	Уриа: Ever conscious of God we aspire, build and advance as one people
Албан хэл	Англи хэл
Нийслэл	Сент Жоржес
Төрийн хэлбэр	Үндсэн хуульт хаант засаг
Төрийн тэргүүн	Хатан хаан II Элизабет; төлөөлөгчөөр Ерөнхий амбан захирагч Сесиль Ла Гренейд
Засгийн газрын тэргүүн	Кит Митчелл
Газар нутгийн талбай	344 км²
Хүн ам	107.850 (2012 он)
Хүн амын нягтрал	314 хүн/км²
ДНБ Нийт (нэрлэсэн); Нийт (ХАЧХ); ДНБ/Хүн ам (нэрл.); ДНБ/Хүн ам (ХАЧХ);	2016 он 1.027 сая $ (176.); 1.512 сая $ (176.); 9.585 $ (65.); 14.116 $ (89.);
Хүний хөгжлийн илтгэцүүр	0,744 (79.)
Мөнгөн тэмдэгт	Зүүн Карибын доллар (XCD)
Тусгаар тогтносон	1974 оны 2 сарын 7 ; (Их Британиас)
Төрийн дуулал	Гренадын төрийн дуулал
Үндэсний баярын өдөр	Хоёрдугаар сарын 7 (тусгаар тогтнолын өдөр)
Цагийн бүс	UTC−4
ТХ-н дугаар	WG
ISO 3166	GD
Домэйн нэр	.gd
Утасны бүсчлэлийн дугаар	+1 (473)

Гренада Улс Атлантын далайн Карибын тэнгис дэх Гренада, Өмнөд Гренадины арлууд дээр оршино. Экваторын, тэнгисийн халуун уур амьсгалтай. Үзэсгэлэнт мөнх ногоон ой, номин хөх тэнгис нь жуулчдын сонирхлыг татдаг. Эдгээр аралд хоол амтлагч халуун ногоо элбэг учир халуун ногооны арал гэж нэрлэх явдал бий. Гренадын эдийн засгийн салбар нь хөдөө аж ахуй. Гадил жимс, наргилын самар, задь, хөвөн тариалдаг. Задь хураалтаар дэлхийд хоёрдугаарт орно. Мөн хөвөн, жүрж, чихрийн нишингэ тариална. Ургамлын тос, ром дарс, шар айраг, янжуур тамхи, лаазалсан жимс, загас боловсруулах, хөвөн цэвэрлэх, хоол амтлагч янз бүрийн ногоо үйлдвэрлэдэг жижиг үйлдвэрийн газрууд, загас агнуур, ойн аж ахуйтай. Хүн амын тавь гаруй хувь нь африк гаралтай, бусад нь мулат, индианууд юм. Албан ёсны хэл нь англи.

Гренада арлыг 1498 онд Х.Колумб нээжээ. 1783 онд Английн колони болсон байна. 1958—1962 онд Вест-Индийн холбооны бүрэлдэхүүнд багтаж байв. 1967 онд Англи, Гренадад холбоо бүхий улсын эрх олгож, Гренада 1974 оны II сарын 7-нд тусгаар тогтнолоо тунхаглажээ. Гренада одоо Их Британи тэргүүтэй нөхөрлөлийн бүрэлдэхүүнд багтдаг тусгаар тогтносон бөгөөд Английн хатан хааныг төрийн тэргүүнээ гэж хүлээн зөвшөөрсөн улс юм. Мөнгөний нэгж нь Дорнод карибын доллар. БНМАУ, Гренад Улсын хооронд 1980 оны VII сарын 25-нд дипломат харилцаа тогтоожээ.