Израил улс дахь COVID-19-ийн нөхцөл байдал

Чөлөөт нэвтэрхий толь — Википедиагаас
Jump to navigation Jump to search
Израил дахь COVID-19-ийн цар тахал
Ibngvirol001.jpg
Өвчин COVID-19
Вирус strain SARS-CoV-2
Байршил Израил
Анх дэгдсэн Үхань, Хүбэй, Хятад
Индекс тохиолдол Рамат-Ган
Ирсэн огноо 2020 оны 2 сарын 21
(1 жил, 2 сар, 1 долоо хоног, 5 өдөр)
Батлагдсан тохиолдол 838,576[1]
Идэвхтэй тохиолдол 1,228
Хүнд тохиолдол 104
Эдгэрсэн 830,922
Нас барсан 6,366
Үхлийн хувь 0,76%[2]
Засгийн газрын цахим хуудас
govextra.gov.il/ministry-of-health/corona,datadashboard.health.gov.il/COVID-19/,oref.org.il

Израил улс дахь COVID-19-ийн цар тахал (еврей. מגפת הקורונה בישראל) нь амьсгалын замын цочмог хам шинж коронавирус 2 (SARS-CoV-2) -аас үүдэлтэй коронавирусийн (COVID-19) дэлхийн цар тахлын нэг хэсэг юм. Израилын анхны тохиолдол нь 2020 оны 2 сарын 21 Японы Diamond Princess хөлөг онгоцноос буцаж ирсэн эмэгтэй иргэний шинжилгээнээс коронавирус илэрснээр батлагдсан юм[3]. Үүний үр дүнд Япон, Өмнөд Солонгост очсон хүн болгон 14 хоногийн гэрийн тусгаарлалтад орох журам батлагдсан[4].

3 сарын 11-ний өдрөөс эхлэн Израил халдварын тархалтыг багасгах зорилгоор зай барих болон бусад халдвар хамгааллын дүрмийг хэрэгжүүлж эхэлсэн. Эхлээд 100-аас илүү хүн цуглахыг хориглож[5], 3 сарын 15-нд энэ тоог 10 хүн болгон бууруулж, хоорондоо 2 м зай барихыг зөвлөсөн[6]. 3 сарын 19-нд Ерөнхий сайд Биньямин Нетаньяху үндэсний хэмжээнд онц байдал зарлаж, одоо мөрдөж буй хязгаарлалтууд цаашид хууль ёсоор хэрэгжиж, хууль зөрчсөн хүмүүст торгууль ногдуулна гэж мэдэгдэв. Шаардлагагүй тохиолдолд израилчуудыг гэрээсээ гарахгүй байхыг уриалсан. Хүнсний дэлгүүр, эмийн сан, банк зэрэг зайлшгүй шаардлагатай үйлчилгээг нээлттэй үлдээсэн. 3 сарын 25, 4 сарын 1-ний өдрүүдэд хөл хориог улам чангатгаж, хүн бүр гадаа хамар, амаа таглахыг уриалсан. Коронавирус Бней-Брак хотод хүчтэй тархаж, 4-р сарын эхээр халдвар авсан хүний тоо 1000 шахам хүрч байсан тул[7] Засгийн газрын хуралдаанаар хотыг "хязгаарлалтын бүс" гэж зарлаж, орох, гарахыг нэг долоо хоногийн хугацаагаар хязгаарласан.

3 сарын 20-нд Иерусалим дахь Холокостоос амьд үлдсэн 88 настай, урьд нь өвчнөөр шаналж байсан хүнийг тус улсын анхны нас барсан тохиолдол хэмээн зарлав.[8][9]

2020 оны Израилын парламентын сонгуулийн дараа засгийн газар байгуулагдаагүй тул түр засгийн газрын үед цар тахлын эхний давлагаа гарсан. Нетаньяху ерөнхий сайдын үүргээ үргэлжлүүлэн гүйцэтгэж байсан бөгөөд вирусийн тархалтыг хянах, хязгаарлах зорилгоор нэмэлт эрх мэдэл авсан гэж буруутгагдаж байгаа юм. Үндэсний эв нэгдлийн буюу шинэ засгийн газар нь 2020 оны 5 сарын 17-нд байгуулагдсан. Хоёр дахь давлагааны үеэр ''Хар туг''[10]зэрэг хөдөлгөөнүүд болон жагсаалууд нь засгийн газрын вирусийн эсрэг хариу арга хэмжээг эсэргүүцэв[11]. Гурав дахь давалгааны үеэр 2020 оны 12 сарын 22-нд үндэсний эв нэгдлийн засгийн газар огцорсноор хоёр жилийн хугацаанд дөрөв дэх сонгууль явахад хүргэсэн.[12]

Анхны давлагаа

Анхны тохиолдлууд

2 сарын 21-нд Израил улсад COVID-19-ийн анхны тохиолдол батлагдсан. "Diamond Princess" дээр хорио цээр тогтоосны дараа Японоос ирсэн Израилын иргэнээс коронавирус илэрсэн. 2 сарын 23-нд "Diamond Princess"-ийн хоёр дахь зорчигчоос коронавирус илэрч, эмнэлэгт тусгаарлагдсан.[13]

2 сарын 27-нд Италиас 2 сарын 23-нд буцаж ирсэн эрэгтэйн шинжилгээ эерэг гарсан тул Шеба эрүүл мэндийн төвд тусгаарлагдсан[14]. 2 сарын 28-нд түүний эхнэрээс коронавирус илэрсэн.[15]

3 сарын 1-нд эмэгтэй цэргээс халдвар илэрсэн байна. Тэрээр 2 сарын 27-нд халдвар авсан хүний удирддаг тоглоомын дэлгүүрт ажиллаж байсан[16]. 3 сарын 3-нд дахин гурван тохиолдол батлагдсан. Хоёр тохиолдол нь ижил тоглоомын газарт халдвар авсан: дэлгүүрт ажилладаг дунд сургуулийн сурагч, дэлгүүр орсон дунд сургуулийн орлогч захирал. Үүний үр дүнд 1,150 сурагч 2 долоо хоногийн хөл хорионд орсон. 2 сарын 29-нд Итали руу аялж байгаад буцаж ирсэн өөр нэг хүнээс коронавирусын халдвар илэрсэн байна.

Засгийн газрын хариу арга хэмжээ

Засгийн газар цар тахлын талаар мэдээлэл, зааварчилгаа бүхий олон хэлтэй вэбсайт байгуулсан. Мөн Израилын засгийн газар мөн өдөр тутмын статистик мэдээллийг үзэх боломжтой хяналтын самбар байгуулсан.[17]

Аялал, нэвтрэх хязгаарлалт

2020 оны 1 сарын 26-нд Израил зайлшгүй шаардлагагүй тохиолдолд Хятад руу явахгүй байхыг зөвлөв.[18] 2 сарын 17-нд Израил хоригоо сунгаж, Тайланд, Хонконг, Макао, Сингапурийг багтаасан.[19]

2 сарын 22-нд БНСУ-ын Сөүлээс нисэж ирсэн онгоц Бен-Гурион нисэх онгоцны буудалд газардсан. Онцгой шийдвэр гаргаж, зөвхөн Израилын иргэдийг онгоцноос буулгахыг зөвшөөрч, Израилын бус бүх иргэдийг Өмнөд Солонгост буцаасан.[20] Дараагаар Израилд ирэхээсээ өмнө 14 хоногийн хугацаанд Өмнөд Солонгост байсан Израилын оршин суугч бус болон харьяат бус хүмүүсийг оруулахыг хориглосон.[21] Үүнтэй ижил захирамж нь 2 сарын 23-наас эхлэн Япон улсаас ирсэн хүмүүст хэрэгжиж эхэлсэн.

14 хоногийн тусгаарлалт

2 сарын 21-нд Израил улс Өмнөд Солонгос эсвэл Японоос ирсэн бүх хүмүүст зориулж 14 хоногийн хугацаатай гэртээ тусгаарлах журмыг тогтоосон.

Израилд очсоны дараа хэд хэдэн жуулчнаас шинжилгээний хариу эерэг гарсан ба үүнд Өмнөд Солонгосоос ирсэн нэгэн бүлгийн гишүүд,[22] Румынээс ирсэн хоёр хүн,[23] Грекийн мөргөлчид,[24] болон АНУ-ын Нью-Йорк мужаас ирсэн эмэгтэй орсон юм.[25] Нийт 1400 израил хүн гадаадад аялсны дараа тусгаарлалтад орсон.[26]

3 сарын 9-нд Ерөнхий сайд Биньямин Нетаньяху Израилд нэвтэрч буй бүх хүмүүст хорио цээрийн дэглэм тогтоож, тус улсад ирсэн хүмүүсийг 14 хоногийн хугацаагаар тусгаарлалтанд оруулж байх тушаал гаргав.[27][28] Энэхүү тушаал нь буцаж ирсэн бүх израилчуудад нэн даруй хүчин төгөлдөр үйлчилж эхэлсэн бөгөөд хорио цээрийн дэглэмийн хугацаанд хаана байхаа баталсан гадаадын бүх иргэнд 3 сарын 13-наас эхлэн үйлчилж эхэлсэн.[28]

Тусгаарлалтад орсон иргэдээс санал авах байр

3 сарын 2-нд 2020 оны Израилын парламентын сонгууль болсон. Тусгаарлалтад орсон Израилын санал өгөх эрхтэй 5630 иргэнд зориулж олон тооны тусгаарлагдсан бүхээгийг байгуулсан.[29] Ийнхүү тусгай санал өгөх бүхээгт 4073 иргэн саналаа өгсөн. Сонгуулийн дараа олон тооны израилчууд тусгаарлалтад оржээ.

Халдвар авсан хүмүүсийг гар утсаар хянах ажиллагаа

3 сарын 15-нд Израилын засгийн газар коронавирустэй гэж оношлогдсон хүмүүсийн өмнөх хөдөлгөөнийг гар утсаар нь дамжуулан хянах боломжийг Израилын аюулгүй байдлын агентлагт (ISA) олгохыг санал болгов. Үүний ачаар Аюулгүй байдлын агентлаг нь тандалт хийхэд шүүхийн тогтоол шаардлаггүй болсон. Энэхүү арга хэмжээний зорилго нь халдвар авсан хүмүүс оношлогдохоосоо хоёр долоо хоногийн өмнөх үед хавьтсан хүмүүсийг тодруулж, 14 хоногийн хугацаанд өөрийгөө тусгаарлах ёстой гэсэн мэдээг илгээх байв. Аюулгүй байдлын арга хэмжээг Кнессетийн дэд хороогоор батлуулснаас хойш 30 хоногийн хугацаанд хэрэгжүүлэх ёстой байсан. Шүүмжлэгчид уг саналыг хувийн нууц, иргэний эрх чөлөөнд халдсан хэрэг хэмээн үзэж байв.[30][31]

3 сарын 17-ны шөнийн 1 цаг 30 минутад Кнессетийн хороо холбоо тогтоох хөтөлбөрийг батласан.[32] Эхний хоёр өдрийн дотор Эрүүл Мэндийн яам халдвар авсан хүний хавьтал болсон 400 хүнд мэссэж илгээж, өөрсдийгөө 14 хоног тусгаарлах ёстойг мэдэгдсэн. 3 сарын 19-ний өдөр Израилын Дээд шүүх Израилын Иргэний Эрхийн Холбоо, Адала-Арабын Цөөнхийн Эрх Зүйн Төвөөс ирүүлсэн энэхүү хөтөлбөрийг зогсоох тухай өргөдлийг хэлэлцэн түр тушаал гаргасан.[33][34] Тэр өдөр хэдэн зуун эсэргүүцэгчид Кнессетийн барилгын хажууд цугларч, иргэдийн хөдөлгөөнийг хязгаарласан утасны хяналт болон бусад хязгаарлалт, засгийн газрын шүүх, хууль тогтоох салбарыг зогсоосныг эсэргүүцэв. Цагдаа нар 10 гаруй хүн хөл хориог зөрчсөн гэж гурван эсэргүүцэгчийг баривчилж, олон арван машиныг Кнессетийн барилга руу ойртохыг хориглосон байна.[35] 3 сарын 26-ны өдөр Израилын аюулгүй байдлын агентлагаас холбоо барих мөшгих замаар 500 гаруй израилчуудад хавьтал болсныг мэдэгдсэн.[36]

Эмнэлгийн салбар

3 сарын 15-ны сүүлээр эмч нар шинжилгээний удирдамж хэтэрхий хязгаарлагдмал гэж гомдоллож байсан.[37] 3 сарын 16-ны өдөр эрүүл мэндийн сайд COVID-19 өвчнөөр өвчилсөн өвчтөнүүдэд туршилтын эмчилгээ хийхийг зөвшөөрөв.[38]

3 сарын 18-нд Батлан хамгаалах яам Коронатай холбоотой тоног төхөөрөмж худалдан авах ажлыг эхлүүлсэн.[39] Тэр өдөр Израилын Биологийн Судалгааны Хүрээлэн COVID-19-ийн эсрэг вакцин дээр ажиллаж байгаагаа мэдэгдсэн.[40] 3 сарын 29-нд Маген Давид-Адом халдвар авсан хүнд өвчтэй хүмүүсийг эмчлэх зорилгоор эдгэсэн COVID-19 өвчтнүүдийн цусны сийвэнг цуглуулж эхлэхээ мэдэгдсэн.[41]

Хилийн чанад дахь иргэдийг нутаг буцаах ажиллагаа

Гуравдугаар сарын гурав дахь долоо хоногт гэхэд Израилын үндэсний агаарын тээвэрлэгч Эль Аль засгийн газраас Перу, Энэтхэг, Австрали, Бразил, Коста-Рика руу нислэг явуулж, дэлхийн өнцөг булан бүрт гацсан олон зуун израилчуудыг эх оронд нь авчрах хүсэлт ирүүлжээ. 3 сарын 22-нд 550 израилчууд Энэтхэгээс буцаж ирсэн; хэд хоногийн өмнө Перугаас Израилын 1100 орчим аялагчид буцаж ирсэн.[42]

Эдийн засагт үзүүлсэн нөлөө

Хүн хооронд зай барих ба олон нийтийн газруудын хаалт

3 сарын 10-наас Израил нэг газар 2000 хүн цуглахыг хязгаарлаж эхлэсэн.[43] Нэг өдрийн дараа буюу 3 сарын 11-ний өдөр Израил 100 хүний цугларалтыг хязгаарлаж эхэлсэн.

3 сарын 14-нд Ерөнхий сайд Нетаньяху шинэ журам зарлаж, "амьдралын шинэ хэв маягийг хэвшүүлэх" шаардлагатай гэж мэдэгдэв. Эрүүл мэндийн яам 3 сарын 15-ны өдрөөс хэрэгжиж эхлэх шинэ журмуудыг нийтэлсэн. Үүнд 10-аас дээш хүний цугларалтыг хориглох, өдөр өнжүүлэх төв, тусгай боловсрол, залуучуудын хөдөлгөөн, сургуулийн дараах хөтөлбөр зэрэг бүх боловсролын байгууллагыг хаах зэрэг хязгаарлалтууд багтсан. Хаах шаардлагатай газруудын жагсаалтад худалдааны төв, ресторан, зочид буудлын хоолны өрөө, паб, бүжгийн клуб, биеийн тамирын заал, усан сан, наран шарлагын газар, усан болон зугаа цэнгэлийн парк, амьтны хүрээлэн, тэжээвэр амьтны хүрээлэн, халуун усны газар, тахилгын банн, гоо сайхан, массажны газар, арга хэмжээ, хурлын газрууд, нийтийн завь ба кабелийн машинууд, өв дурсгалт газрууд багстан юм.

Засгийн газраас иргэдийг гэртээ байлгах зааварчилгааны үр дүнд гэр бүлийн хүчирхийлэлтэй холбоотой утсаар ярих дуудлага нэмэгдсэнээс болоод эмэгтэйчүүдийг хамгаалах түр байрууд хүчин чадлаа дийлэхээ больсон.[44]

Сургуулийн хаалт

3 сарын 12-нд Израилын засгийн газар бүх их дээд сургууль, сургуулиуд хаврын амралт дуусахаас нааш хаагдана гэж мэдэгдсэн.[45] Амралтын дараа сургуулиуд хаалттай хэвээр үлдэж[46], сурагчид онлайнаар сурч үлдсэн.

5 сарын 3-нд нэгээс гуравдугаар ангиуд зарим хотуудад хязгаарлалттайгаар хичээлээ үргэлжлүүлэхийг зөвшөөрөв.

Ажилгүйдэл

3 сарын 16-нд Израил олон нийтийн болон хувийн хэвшилд хязгаарлалт тогтоов. Засгийн газрын болон орон нутгийн эрх мэдлийн бүх чухал биш ажилчдыг хавар хүртэл цалинтай чөлөөнд явуулсан. 10-аас олон ажилтантай хувийн хэвшлийн компаниуд ажлын байр дахь ажилтнуудаа 70% -иар бууруулах шаардлагатай болов.[47]

4 сарын 1 гэхэд улсын хэмжээнд ажилгүйдлийн түвшин 24.4 хувьд хүрсэн. Зөвхөн 3-р сард 844,000 гаруй иргэн ажилгүйдлийн тэтгэмж авахаар хүсэлт гаргасны 90 хувь нь цар тахлын улмаас цалингүй чөлөө авсан байсан.[48]

Нийтийн тээвэр

Хол хорионоос болж Беэр-Шева дахь Израилын төмөр замын зогсоол бүхий талбай дүүрчээ

3 сарын 19-ний байдлаар нийтийн тээврийн хэрэгслээр зорчигчдын тоо вирус гарахаас өмнөх үеийнхээс 38.5 хувиар буурчээ. Нийтийн тээврийн автобусны үйл ажиллагааг засгийн газар хатуу хязгаарлаж, шөнийн цагаар хөл хорио тогтоосон.[49]

3 сарын 22-ны байдлаар Израилын Тээвэр, замын аюулгүй байдлын яам, түүний Нийтийн тээврийн үндэсний газар нийтийн тээврийн хэрэгслээр зорчиж буй зорчигчид COVID-19 өвчтэй хүнтэй хамт аялсан эсэхээ лавлах системийг бий болгосон. Аялал жуулчлалын түүхийг Рав-Кав гэгддэг тус улсын цахим автобусны картаар дамжуулж хадгалах систем үүсгэсэн.[50]

Эхний давлагааны оргил үед буюу 2020 оны 4 сарын 20-ны өдөр нийтийн тээврийн хэрэгслээр зорчих нь дэгдэлт гарахаас өмнөх үеийнхтэй харьцуулахад 80%-иар буурчээ.[51]

Эдийн засгийг аврах багц төлөвлөгөө

3 сарын 30-нд Ерөнхий сайд Нетаньяху нийт 80 тэрбум шекель буюу 22 тэрбум доллар бүхий эдийн засгийг аврах багцыг зарлаж, энэ нь тус улсын ДНБ-ий 6% байна гэж мэдэгдсэн. Энэ мөнгийг эрүүл мэндийн салбарт (10 тэрбум шекель); жижиг, том бизнес эрхлэгчдэд үзүүлэх халамжид (30 тэрбум шекель) , ажилгүйдэл (32 тэрбум шекель), санхүүгийн хөшүүрэгт (8 тэрбум шекель) тус тус хуваарилсан.[52]

Хувийн хэвшил

Жижиглэнгийн худалдаа

3 сарын 16-нд Израилын банк жижиглэнгийн худалдааны банкуудыг хаахыг тушаасан боловч өндөр настнуудад зориулсан тусгай үйлчилгээг нээлттэй байлгахыг зөвшөөрсөн.[53]

Хаалттай Махане Йехуда захад зөвхөн супермаркет, эмийн санд дэлгүүр хэсэх боломжтой

3 сарын 22-нд Тел-Авив дахь задгай Кармел зах, Иерусалим дахь ил задгай Махане Йехуда захыг хоёулангийн хаасан.[54][55]

Иерусалим дахь супермаркетийн өндөгний хоосон тавиур.

Олон тооны супермаркетууд сандарч худалдан авах, хаагдахаас айх зэргээс үүдэлтэй өндөгний хомсдолд орсон.

Шашны хязгаарлалт

Эрүүл мэндийн яамны дотоод цугларалтыг 100-аас 10 хүртэл хүнд бууруулсан журамд миньян (олон нийтийн залбирлын чуулга)-д шаардагдах хамгийн бага гишүүний тоог харгалзан үзсэн. 3 сарын 25-нд хатуу хязгаарлалт тогтоосны дагуу, Израилын хоёр ерөнхий шашны тэргүүн бүх синагогуудыг хааж, мөргөл үйлдэхдээ гадаа 10 хүнтэй бүлэглэхийг уриалав.[56] Иерусалим дахь олон синагогуудыг хааж, гадаа залбирал хийх болсон.[57] Израилын Эрүүл Мэндийн яамны статистик мэдээллээс үзэхэд Израилын нийт коронавирусээр өвчилсөн хүмүүсийн 24% нь (мэдэгдэж буй тохиолдлын 35%) синагогт, 15% зочид буудалд, 12% нь ресторанд халдвар авсан байна.[58]

3 сарын 26-нд Ариун булшны сүмийг хаасан.[59]

Талархал

3 сарын 18-ны орой 18 цагт улс даяар израилчууд балкон дээрээ хоёр минут алга ташиж, эмнэлгийн ажилчид болон коронавирустай тэмцэж буй хүмүүст талархал илэрхийлэв.[60][61]

Бүх нийтийн бэлэн байдал

COVID-19 дэгдэлтийн улмаас хотын цэцэрлэгт хүрээлэнг хаасан

3 сарын 19-нд Ерөнхий Сайд Биньямин Нетаньяху бүх нийтийн бэлэн байдал зарласан. Одоо байгаа хязгаарлалтыг цаашид хуулийн дагуу хэрэгжүүлж, хууль зөрчсөн хүмүүст торгууль ногдуулна гэж мэдэгдсэн. Шаардлагагүй бол израилчуудыг гэрээсээ гарахыг хориглосон. Нэн шаардлагатай үйлчилгээ нээлттэй хэвээр үлдсэн.[62] Мэдээллийн үеэр олон зуун израилчууд 3 сарын 21-ний өдөр шаббатад шинээр хориг тавихыг үл тоомсорлож, наран шарлагын газар, цэцэрлэгт хүрээлэн, байгалийн үзэсгэлэнт газруудаар зочлосон нь Эрүүл мэндийн яамнаас олон нийтэд илүү хатуу хязгаарлалт хийхэд хүргэжээ.[63][64]

3 сарын 25-нд Засгийн газар иргэдийн шилжилт хөдөлгөөнд илүү хатуу хязгаарлалт тогтоов.[65] Хязгаарлалтууд:

  • Хүмүүс гэрээсээ 100 м-аас холдох ёсгүй. Үл хамаарах тохиолдлууд:
    • Тусгай зөвшөөрөлтэй ажилтнууд
    • Хоол хүнс, эм, шаардлагатай бүтээгдэхүүнийг авах, зайлшгүй шаардлагатай үйлчилгээг авах
    • Эмнэлгийн үйлчилгээ авахад
    • Цусаа өгөх
    • Хуулийн ажиллагаа
    • Жагсаал
    • Кнессетэд хүрч ирэх
    • Халамжийн тогтолцооны хүрээнд тусламж үйлчилгээ авах
    • Эмнэлгийн тусламжийг өөр хүнд үзүүлэх эсвэл хүнд хэцүү, сэтгэлийн зовиуртай хүнд туслах
    • Ил задгай газар залбирах, оршуулах ёслол, хуриманд зочлох.
    • Эцэг эх нь тусдаа амьдардаг насанд хүрээгүй хүүхдийг эцэг эхийнх нь нэг нь нөгөө эцэг эхийн гэрт шилжүүлэхэд
  • Хувийн тээврийн хэрэгсэл зөвхөн хоёр зорчигчтой байж болно. Такси нь зөвхөн нэг зорчигчтой байж болно
  • Шаардлагатай ажилчдыг ажлын байран дээрээ халууныг нь шалгаж, шинжилгээнд хамруулах шаардлагатай бөгөөд 38°C-аас дээш температуртай хүмүүсийг гэрт нь буцаана
  • Зөрчил гаргагчид 5000 шекелийн торгууль ногдуулах эсвэл зургаан сар хүртэл хугацаагаар баривчлах ялаар шийтгэнэ

4 сарын 1-ний өдрөөс эхлэн засгийн газраас иргэддээ урьдчилан сэргийлэх хязгаарлалтыг эрчимжүүлэхийг санал болгож, дараахь зүйлийг шаардсан: олон нийтийн бүх цугларалт, түүний дотор 10 хүний залбирлын чуулганаас татгалзах; нэг айлын хоёр хүнд зугаалгаар явахыг хязгаарлах; тэднийг олон нийтийн газар үргэлж нүүрний масктай явахыг уриалсан.[66]

4 сарын 12-ны өдрөөс эхлэн засгийн газар бүх израилчуудыг гэрээсээ гарахдаа хамар, амаа таглахыг шаардав. Үл хамаарах зүйлд "6-аас доош насны хүүхдүүд; сэтгэл хөдлөл, сэтгэцийн болон эрүүл мэндийн өвчтэй хүмүүс; машиндаа байгаа жолооч нар; барилга дотор ганцаараа байгаа хүмүүс; тогтмол хамт ажилладаг хоёр ажилчин" орно. ДЭМБ-аас эрүүл хүмүүсийг вирусын халдвараас хамгаалах нүүрний маскын үр нөлөөг шалгасан тэр өдөр шинэ хууль батлав.[67]

Хот, хорооллуудын хаалт

Бней-Брак хотын хаалт

4 сарын 2-ны өдөр Засгийн газрын хуралдаанаар Бней-Бракыг "хязгаарлалтын бүс" болгон зарлаж, "оршин суугчид, цагдаа, аврах алба, зайлшгүй шаардлагатай бараа материалыг авчирдаг хүмүүс, сэтгүүлчид"-ийн нэвтрэх, гарах эрхийг хязгаарласан. 200,000 хүн амтай Бней-Брак нь Израилын бүх хотуудын коронавирусын халдвараар өвчлөгсдийн тоогоор хоёрдугаарт, нэг хүнд ногдохоороо хамгийн өндөр үзүүлэлттэй байжээ.[68] 4 сарын 10-нд оршин суугчид хотоос гарч ажилдаа явах, ойрын хамаатныхаа оршуулганд оролцох эсвэл эмнэлгийн зайлшгүй хэрэгцээтэй үед гарахыг зөвшөөрсөн.[69]

Иерусалимын шашны хорооллуудын хөл хорио

4 сарын 12-нд засгийн газар Иерусалимын шашны хорооллуудыг хаах шийдвэр гаргаж, тус хотын коронавирусын халдварын бараг 75% -ийг эдгээр хорооллуудаас улбаалж магадгүй гэсэн Эрүүл мэндийн яамны статистик мэдээллийг иш татав. Эдгээр хорооллын оршин суугчид зөвхөн ажилдаа явах, ойрын хамаатан садныхаа оршуулгад оролцох, эмнэлгийн зайлшгүй шаардлагатай бусад газар руу явах боломжтой байв. Хөл хориог Иерусалим хотын дарга Моше Лион эсэргүүцэж, засгийн газрын гишүүдэд хандсан.

Улсын хэмжээний хэсэгчилсэн хөл хорио

4 сарын 14-өөс 16-ны хооронд Израилчууд бусад хотуудын гэр бүлд зочлох, Иерусалимын оршин суугчдыг Мимоуна баярын үеэр өөрсдийн хорооллоосоо гарахаас урьдчилан сэргийлэхийн улс даяар хэсэгчилсэн хөл хорио дахин тогтоосон.[70]

Гарах стратеги

Жижиглэнгийн худалдаа

2020 оны 4 сарын 24-ний өдөр Засгийн газар гудамжны дэлгүүр, үсчингийн газрыг нээхийг зөвшөөрч, 2020 оны 4 сарын 26-ны өдрөөс хэрэгжүүлж эхэлсэн. Худалдааны төвүүд, спорт заал, ресторанууд хаалттай хэвээр байв.[71]

2020 оны 5 сарын 7-нд худалдааны төвүүд болон гадаа захууд дахин нээгдсэн.[72] 2020 оны 5 сарын 27-нд зоогийн газрууд дахин нээгдэж, хүмүүс хоорондоо 1.6 метрийн зайтай, масктай байх журам гаргажээ.[73]

Хөл хорионы сулралт

2020 оны 5 сарын 4-ний өдөр Ерөнхий сайд Нетаньяху засгийн газраас баталсан хөл хориог аажмаар зөөлрүүлэх ажлыг танилцуулав.[74] Яаралтай өөрчлөлтүүдэд гадаа уулзалтыг 20-оос хэтрүүлэхгүй байх, 100 метрийн хязгаарлалтыг цуцалж, гэр бүлийн гишүүд, түүний дотор өндөр настнуудтай уулзалт хийхийг зөвшөөрсөн болно. Мөн 50 хүртэлх хүнтэй хурим хийхийг зөвшөөрсөн. Хязгаарлалтыг зөөлрүүлэх нь дараахь зүйлсийн аль нэг нь тохиолдвол зогсох байсан:

  • Өдөр тутмын 100 шинэ тохиолдол (гадаадаас ирсэн хүмүүс, тэтгэврийн гэрт гарсан дэгдэлт, бусад дэгдэлтийн голомт дахь тохиолдлуудыг эс тооцолгүй)
  • халдварын хоёр дахин нэмэгдэх хугацаа 10 хоног болж буурхад
  • хүнд өвчтэй өвчтөнүүдийн тоо 250 хүрхэд

Хөл хорионы нэмэлт хөнгөлөлтийг 2020 оны 5 сарын 5-нд зарласан.[75]

2020 оны 5 сарын 19-ний өдөр хэт халалтын улмаас гадаа болон сургуулийн маск зүүх шаардлагыг долоо хоногийн турш цуцалжээ.[76]

2020 оны 5 сарын 20-нд наран шарлагын газар, музейнүүд нээгдэж, автобусанд зорчигчдын тоог нэмэгдүүлсэн. Залбирлын байшингууд 50 хүртэлх хүн нэг дор байх боломжтойгоор дахин нээгдэв. Оролцогчид маск зүүж, хоёр метрийн зайтай байх шаардлагатай байв.[77]

Сургуулиудын нээлт

2020 оны 5 сарын 3-нд сургуулиуд 1-ээс 3-р анги, 11-12-р ангиудад дахин нээгдэв.[78] Хичээлүүд хязгаарлагдмал байсан, ба сурагчид маск өмсөх шаардлагатай байв. 2020 оны 5 сарын 17 гэхэд анги дүүргэлтийн хязгаарлалтыг цуцлав.[79]

2020 оны 5 сарын 10-ны өдөр сургуулийн өмнөх боловсролын байгууллагууд, цэцэрлэгүүд шинээр нээгдэж, нэг ангид ногдох хүүхдийн тоог хязгаарлаж, хагас долоо хоногийн хуваарьтай ажиллаж эхэлсэн. Ясли бүтэн долоо хоногийн хуваарийн дагуу нээсэн боловч хүүхдүүдийн зөвхөн 70%-ийг л хамруулах боломжийг олгов. Өрх толгойлсон эсвэл ажил эрхэлж буй эхчүүдийн хүүхдүүдэд давуу эрх олгосон.[80]

2020 оны 5 сарын 17-оос 19-ний өдрүүдэд сургуулиуд бүрэн нээгдэж, зай барих тодорхой дүрэм журам мөрдөж, завсарлага, завсарлагааны үеэр сурагчдын хооронд 2 метрийн зайтай байхаар журамласан.

Хоёрдугаар давлагаа

Засгийн газрын хариу арга хэмжээ

2020 оны 7 сарын 6-нд өдөр тутмын шинэ тохиолдлын тоо хоёр долоо хоног тасралтгүй нэмэгдсэний дараа Нетаньяху засгийн газраас баталсан хөл хорионы шинэ удирдамжийг зарлав.[81][82] Үүнд:

  • 20 хүнийг цуглархыг хязгаарлах
  • Синагогт мөргөл үйлдэх хүмүүсийн тоог 19 хүнээр хязгаарлах
  • Спорт заал, шөнийн цэнгээний газар, соёлын газар, арга хэмжээний танхимын хаалт
  • Нийтийн тээврийн автобусанд зорчих хүний тоог 20-оор хязгаарлах
  • Рестораны зочдын тоог дотор 20, гадаа суудалтай ресторанд 30-аар хязгаарлах

7 сарын 17-нд нэмэлт хязгаарлалт зарласан.[83][84] Үүнд:

  • Мэргэжлийн тамирчдын ашигладаг стадионоос бусад бүх студи, спорт заалны хаалт
  • Баар, ресторанд суухыг хориглоно (хүргэлтийн үйлчилгээ, авч явахыг зөвшөөрнө)
  • 2020 оны 7 сарын 24-ний өдрөөс эхлэн амралтын өдрүүдэд наран шарлагын газруудыг хаах

Бизнес эрхлэгчдийн шахалтаас болж засгийн газар ресторан, усан сан, наран шарлагын газруудыг эргэж нээсэн.[85] Амралтын өдрүүдээр худалдааны төвүүд, захуудыг хаах шийдвэр цуцлагдсан.[86]

'Гэрлэн дохио' төлөвлөгөөнд үндэслэн хот, хорооллыг хаах

2020 оны 8 сарын 31-нд Профессор Ронни Гамзугийн танилцуулсан 'гэрлэн дохио' төлөвлөгөөг баталж, хот бүрт өнөөгийн COVID-19 түвшинг харуулсан өнгө хуваарилав.[87] Хот бүрийн өнгийг засгийн газрын вэбсайтаас үзэх боломжтой.[88]

2020 оны 9 сарын 6-нд засгийн газар сургуулиудыг хааж, дөчин "улаан" сууринд шөнийн цагаар хөл хорио тогтоов.[89] Энэхүү төлөвлөгөө нь Гамзугийн арван 'улаан' хотод бүрэн хаах саналыг орлож, 9 сарын 8-ны өдрөөс хэрэгжиж эхэлсэн. Хорио цээрийн дэглэмд нэрвэгдсэн суурингүүд нь Израил дахь хамгийн ядуу иргэдийн тоонд багтаж байсан бөгөөд ихэнхдээ Араб болон Ортодокс хүн амтай хотууд байв.[90] Хорио цээрийн дэглэм тогтоосон оршин суугчид нь гэрээсээ 19-ээс 5 цаг хүртэл 500 метрийн зайнаас холдох хориотой гэж тогтоосон.

Эдийн засаг

Санхүүгийн туслалцаа үзүүлэх чиглэлээр хэд хэдэн алхам хийгдсэн:

  • Иргэн бүрт олгох нэг удаагийн төлбөрийг хоёр хувааж олгов: эхнийх нь 18-аас доош насны хүүхдийн эцэг эхэд, хоёрдугаарт 18-аас дээш насныханд.[91]
  • Ажилгүйдлийн тэтгэмжийг 2021 оны 6 сарын 30 хүртэл сунгасан.[92]
  • Ажлаас халагдсан буюу чөлөө авахаас өөр аргагүйд хүрсэн 67-оос дээш насны бага орлоготой ажилчдад нэмэлт тэтгэлэг олгох.[93]
  • Цартахлын улмаас хохирсон бизнес эрхлэгчдэд олгох буцалтгүй тусламж.[94]

2020 оны 9 сарын 21-ний өдөр засгийн газар Кнессетийн бүх гишүүд болон засгийн газрын сайд нарын цалинг 10% бууруулахыг санал нэгтэйгээр батлав.[95][96]

Гарах стратеги

2020 оны 10 сарын 18-нд Израил нь 'улаан' биш хотуудад хол хориог сулруулсан. Гарах стратегийн эхний шатанд дараахь зүйлийг багтаасан:[97][98]

  • Цэцэрлэг, яслиг нээх
  • Хоолны газрууд нээх
  • Гэрээсээ 1 км-т явахыг хязгаарлахаа болих
  • Дотор 10 хүртэлх хүн, гадаа 20 хүртэлх хүний цугларалтыг зөвшөөрөх
  • Баруун хана, сүмийн уул, Ариун булшны сүм зэрэг Иерусалим дахь алдартай шашны газруудыг нээх
  • Наран шарлагын газар, үндэсний цэцэрлэгт хүрээлэнг нээх

2020 оны 11 сарын 1-ний өдөр Израил хязгаарлалтыг улам зөөлрүүлэв:[99]

  • Бага сургуулиудыг нээх (1-4 анги)
  • Синагогуудыг нээх (гадаа 10 хүн, гадаа 20 хүн цугларах боломжтойгоор)
  • Үс, гоо сайхны салонуудыг нээх
  • Жолооны хичээл, хувийн фитнессийн бэлтгэл зэрэг зарим "ганцаарчилсан" үйл ажиллагааг сэргээх

2020 оны 11 сарын 8-нд гудамжны дэлгүүрүүд нээгдсэн.[100] 2020 оны 11 сарын 27-нд төлөвлөгөөний дагуу 15 худалдааны төв нээгдсэн.[101]

Орон нутгын хөл хорио

Улсын ихэнх хэсэгт хязгаарлалтыг зөөлрүүлсэн байхад тохиолдлын тоо их байсан тул дараах хотуудад орон нутгийн хөл хориог тогтоосон:

2020-2021 оны хичээлийн жил

Шашны сургуулийн хичээлийн жил 'гэрлэн дохио' төлөвлөгөө батлагдахаас өмнө 2020 оны 8 сарын 24-нд эхэлсэн.[105] 'Улаан' биш хотуудын бусад бүх сургуулиуд 2020 оны 9 сарын 1-нд нээгдсэн.[106] Долоо хоногийн дотор хэд хэдэн сургууль, цэцэрлэгүүдэд өвчний дэгдэлт гарч, ажилтан сурагчдыг хорио цээрийн дэглэмд оруулсан байна.[107]

Биеийн тамирын сургууль, цэцэрлэг, ясли 3 долоо хоногийн хөл хорио эхлэхэд буюу 9 сарын 13-нд хаагдаж, хичээлүүд онлайнаар үргэлжилж эхэлсэн.[108]

Цэцэрлэг, яслиуд 10 сарын 18-нд, тэр дундаа 'улаан' хотуудад нээгдэв.[109]

1-4-р ангиуд 'улаан' биш хотуудад 11 сарын 1-нд дахин нээгдсэн. Ангид нэг дор 18 хүүхэд байх хязгаар тогтоогдсон. Сурагчид өдөржингөө маск зүүж, хоолоо гадаа эсвэл бие биенээсээ хол зайтай идэх ёстой байв. 5, 6-р ангиуд 11 сарын 24-нд танхимын сургалтанд эргэж ирсэн.[110] Ахлах сургуулийн 11, 12-р ангиудын сурагчид нь 11 сарын 29-нд танхимын сургалтанд буцаж ирсэн.[111] 12 сарын 6-нд үлдсэн 7-10 дугаар ангиудын танхимын сургалтууд нээгдсэн.[112]

Ханукагийн дараа 'улбар шар' ба 'улаан' хотуудын 5-12-р ангийн 220,000 гаруй сурагчид онлайн сургалтанд эргэж орсон.[113]

Эсэргүүцэл

2020 оны 7, 8-р саруудад олон эсэргүүцлийн жагсаал болж, Нетаньяхугийн засгийн газрын цар тахлын эсрэг хариу арга хэмжээнд бухимдалтай байгаагаа эсэргүүцэгчид илэрхийлэв.[114][115]

9 сарын 30-нд Кнессет жагсаал цуглааныг хязгаарласан хууль баталж, сөрөг хүчний зүгээс Ерөнхий сайд Биньямин Нетаньяхуг авлига авсан, түүний коронавирусын хямралыг буруу удирдсантай холбогдуулан эсэргүүцлийн жагсаалыг зогсоох зорилготой гэж үзэж байсан. Хуулиар израилчууд гэрээсээ 1 км-ээс хол зайд томоохон цугларалт хийхийг хориглосон. Засгийн газар энэ арга хэмжээг COVID-19-ийн халдварыг бууруулах арга зам гэж мэдэгдсэн.[116]

10 сарын 3-нд Израилд хол хорионы үеэр жагсаал цуглааныг хязгаарлах хууль батлагдсаны дараа Нетаньяхугийн эсрэг олон эсэргүүцлийн жагсаал болов.[117] 'Хар туг' хөдөлгөөн Бямба гарагт Израил даяар хот, суурин газруудад Нетаньяхуг эсэргүүцсэн жагсаалд 130,000 хүн оролцсон гэж тооцоолжээ.[118]

Гуравдугаар давлагаа

2020 оны 12-р сард тохиолдлууд тогтмол өсч, өдөр бүр 3000 гаруй тохиолдол бүртгэгдэж эхэлсэн байна.[119] Олон улс орнууд COVID-19-ийн шинэ, илүү халдвартай омог илэрснийг зарласан; 12-р сарын сүүлчээр Израильд В.1.1.7 хэлбэрийн анхны тохиолдол илэрсэн.[120] Өмнөд Африкийн хувилбарын анхны тохиолдлууд 2021 оны 1-р сард илэрсэн.[121]

Засгийн газрын хариу үйлдэл

Аяллын хориг

2020 оны 12 сарын 20-ны өдөр Израил улс Их Британи, Өмнөд Африк, Дани улсаас ирэх бүх гадаадын аялагчдыг хилээр нэвтрэхийг хориглосон.[122] Эдгээр улсаас буцаж ирсэн израилчууд зочид буудалд тусгаарлагдах ёстой болсон.

Улсын хэмжээний гурав дугаар хөл хорио

2020 оны 12 сарын 24-нд засгийн газар 2020 оны 12 сарын 27-ны өдрөөс эхлэн улсын хэмжээний гурав дахь хөл хориог зарлав. Хязгаарлалтууд:

  • Гэрээсээ 1000 метрийн радиуст хязгаарлагдмал аялал хийх (бие даасан спортын үйл ажиллагаа эрхлэх боломжтой)
  • Зөвшөөрөгдсөн арга хэмжээнд (жишээ нь оршуулга, хурим гэх мэт) гадаа 10 хүн, гадаа 20 хүнээс илүү хүн цуглуулах хориотой
  • Өөр хүний гэрт очихыг хориглоно
  • Шаардлагагүй бүх дэлгүүр, үйлчилгээг хаах
  • Үйлчлүүлэгч хүлээн авдаггүй бизнесүүд нь 50%-ийн хүчин чадлаар эсвэл 10 хүртэлх ажиллагсад нээлттэй байх боломжтой
  • Ресторанууд зөвхөн хүргэлтийн үйлчилгээгээр ажиллана
  • Амьтны хүрээлэн, сафари, цэцэрлэгт хүрээлэнг хаах
  • Анагаах ухааны төвүүд, гоо сайхан, үсчин гоо сайхны салонуудыг хаах
  • Жолооны курсийг цуцлах
  • Нийтийн тээврийн дүүргэлтийг 50% болгож бууруулах

Сургуулийн өмнөх насны хүүхдүүд, 4-р анги, 11-12-р анги, тусгай боловсролын сургуулиуд "улбар шар", "улаан" хотуудад ч гэсэн танхимын хичээлээ үргэлжлүүлэн хийсэн. Засгийн газрын анхны шийдвэрээс 5-10 дугаар ангиудыг алсын зайнаас суралцахыг уриалж байсан бол энэ шийдвэрийг Кнессетийн Боловсролын Комисс шинэчлэн боловсруулсан: "ногоон" ба "шар" хотуудад 5-10 дугаар ангиуд танхимын сургалтаар үргэлжлүүлэн суралцахаар болсон бол "улбар шар", "улаан" хотуудад онлайнаар суралцах болсон.[123]

Хөл хорионы чангалалт

2021 оны 1-р сарын эхний долоо хоногт өдөрт 8000 гаруй шинэ тохиолдол бүртгэгдэж байсан.[124] 2021 оны 1 сарын 5-нд засгийн газар 2021 оны 1 сарын 7-ны Пүрэв гарагийн шөнө дундаас эхлэн хоёр долоо хоногийн хугацаатай, хатуу түгжээг зарлав.[125] Үүнд:

  • Оршуулах ёслол, хурим бусад тохиолдолд гадаа 5 хүн, гадаа 10 хүн цугларна.
  • Тусгай боловсролоос бусад сургуулийн өмнөх боловсролын байгууллагыг хаах.
  • Зөвхөн зайлшгүй шаардлагатай зорилгоор гадаадад аялахыг зөвшөөрөх.[126]

2021 оны 1 сарын 19-нд хатуу хөл хориог 1-р сарын эцэс хүртэл сунгасан.[127] Хатуу хөл хориог эхлээд 2021 оны 2 сарын 5 хүртэл сунгаж,[128] дараа нь 2021 оны 2 сарын 7 хүртэл сунгасан.[129]

Бен-Гурион нисэх онгоцны буудлын хаалт

2021 оны 1 сарын 24-нд засгийн газар шинэ хувилбаруудыг Израил руу нэвтрэхээс урьдчилан сэргийлэх зорилгоор 1 сарын 25-ны даваа гарагийн шөнө дундын үеэс эхлэн ихэнх нисэх, гарах нислэгүүдэд долоо хоногийн хугацаатай хориг тавихаа мэдэгдэв.[130] Нислэгийн хязгаарлалтыг эхлээд 2021 оны 2 сарын 5 хүртэл,[131] дараа нь 2021 оны 2 сарын 21 хүртэл сунгасан.[132]

Гарах стратеги

2021 оны 2 сарын 7-нд Израилын засгийн газар хөл хориог зөөлрүүлж эхлэв:[133]

  • Хот доторх болон хот хооронд зорчих хязгаарлалтыг цуцлав
  • Үйлчлүүлэгч хүлээн авдаггүй байгууллагуудыг дахин нээх
  • Ил задгай байгалийн нөөц газар, цэцэрлэгт хүрээлэнгүүдийг дахин нээх

Сургуулиуд

Сургуулийн өмнөх боловсролын байгууллагууд, цэцэрлэгүүд, 1-4-р ангиуд 2021 оны 2 сарын 11-ний өдөр "шар", "ногоон", мөн иргэдийн 70-аас доошгүй хувийг вакцинжуулсан "цайвар улбар шар" хэсэгт дахин нээгдэв.[134] 5-6-р анги, 11-12-р ангиуд 2021 оны 2 сарын 21-нд "шар", "ногоон", "цайвар улбар шар" хэсгээр сургуульдаа эргэн ирэв.[135]

Ногоон паспорт

Гурав дахь хөл хорионы үеэр олон израилчууд COVID-19-ийн эсрэг вакцин хийлгэсэн.[136] Дараах зүйлд ногоон паспорт шаардагдана:

  • биеийн тамирын заал, театр, зочид буудал, концертод ороход
  • цаг авсан синагогуудад орох

Ирэх долоо хоногт нэмэлт үйл ажиллагаа, байгууллагууд нээгдэх төлөвтэй байна.

Вакцин

Худалдан авах ажиллагаа

Израилын засгийн газар COVID-19-ийн эсрэг вакцины тунг янз бүрийн эх үүсвэрээс худалдан авч эхэлсэн:

  • 8 сая тунг Pfizer-ээс захиалсан[137]
  • 10 сая тунг AstraZeneca-аас захиалсан[138]
  • 6 сая тунг Moderna-аас захиалсан.[139] Израил нь Модерда вакцины анхны хөрөнгө оруулагч байв.[140]

Pfizer-ийн вакцины эхний багц 12 сарын 9-нд ирсэн.[141] 2021 оны 1 сарын 10-нд нэмж 700,000 тун вакцин ирсэн.[142]

Moderna-ийн вакцины эхний багц 2021 оны 1 сарын 7-нд ирсэн.[143]

Израил Pfizer-ийн вакцинд тэргүүлэх ач холбогдол өгсөн. Үүний хариуд Израил улс өөр өөр насны бүлгүүдийн вакцинжуулалтын талаархи гаж нөлөө, үр нөлөө, эсрэг биет боловсруулахад шаардагдах хугацаа зэргийг багтаасан Pfizer-д эмнэлгийн мэдээллийг илгээх үүрэг хүлээжээ. Нууцлалыг хамгаалахын тулд вакцин хийлгэсэн хүмүүсийг хэн болохыг Pfizer-д мэдээлэхгүй байхаар тохиролцов.[144]

Вакцинжуулалт

Эрүүл Мэндийн яамнаас вакцинжуулалтын дараах тэргүүлэх журмуудыг тогтоосон:

  • А үе шат: эрүүл мэндийн ажилтнууд дараах дарааллаар: эмнэлгийн ажилчид, хувийн эмнэлгүүд ба шүдний эмнэлгүүд, гериатрик ба сэтгэцийн эмнэлгүүд, сувилахуйн болон анагаахын оюутнууд клиникийн шатанд, түргэн тусламжын ажилтнууд ба аврах байгууллагууд, аав, ээжийг хамгаалах байгууллагууд, мөн асрамжид байгаа хүмүүс болон тэдний асран хамгаалагчдын халамжийн байгууллагууд. А үе шатыг 60 ба түүнээс дээш настай хүмүүст өргөжүүлсэн.
  • Б үе шат: Хүн амын үлдсэн хэсэг нь дараах дарааллаар: эрсдлийн бүлгүүд (чихрийн шижин, өвчтэй таргалалт, COPD, цусны даралт ихсэх, дархлаа дарангуйлагдсан өвчтөнүүд ба тэдний гэр бүлийн гишүүд, эрхтэн шилжүүлэн суулгуулагчид, гематологийн өвчтөнүүд гэх мэт), багш нар, цэцэрлэгийн багш нар, нийгмийн ажилтнууд, хоригдол, шоронгийн харуул, ЦАХАЛ болон бусад аюулгүй байдлын байгууллагын ажилтнууд.
  • Үлдсэн хүн ам вакцинжуулах хуваарийг эрүүл мэндийн байгууллагуудаас тогтооно

Вакцинжуулалт 2020 оны 12 сарын 19-нд эхэлсэн.[145] Pfizer-ийн анхны том хэмжээний вакцинаар хурдан вакцинжуулж, 3 долоо хоногийн дотор 1.5 сая орчим хүн (нийт хүн амын 16%) вакцинд хамрагджээ.[146] Израилд COVID-19 вакциныг нэвтрүүлэх нь асуудалтай байсан боловч эхний үе шат нь хурдан бөгөөд үр дүнтэй байсан.[147]

2021 оны 1 сарын 12-нд багш нарт болон 55 ба түүнээс дээш насны хүмүүст,[148] 2021 оны 1 сарын 17-нд 45 ба түүнээс дээш насны хүмүүст,[149] 2021 оны 1 сарын 19-нд 40 ба түүнээс дээш насны хүмүүст,[150] 2021 оны 1 сарын 28-нд 35 ба түүнээс дээш насныханд тус тус вакцин хийж эхэлсэн.[151] Жирэмсэн эмэгтэйчүүдэд вакцин хийлгэхийг зөвлөж, тэргүүлэх жагсаалтад 2021 оны 1 сарын 19-нд нэмж оруулсан.[152] 2003, 2004 онд төрсөн өсвөр насныхан 2021 оны 1 сарын 23-наас вакцинжуулалтанд хамрагдаж эхэлсэн.[153] Вакцин нь 2021 оны 2 сарын 4-ний өдрөөс эхлэн 16 ба түүнээс дээш насны бүх хүмүүс авах боломжтой болсон.[154] Pfizer вакцин нь нас баралт, эмнэлэгт хэвтэхээс 95.8% үр дүнтэй болох нь тогтоогдсон судалгаагаар Израилд хөл хориог сулруулсан. Маск өмсөх шаардлага хэвээр үлдсэн. COVID-19-ийн эсрэг вакцины дор хаяж нэг тунг хүн амын 49% авсанаар Израил улс одоогоор дэлхийд тэргүүлж байна.[155]

2021 оны 4 сарын 27-ны байдлаар 5.3 сая гаруй хүн (нийт хүн амын 58%) вакцины эхний тунг авсан бөгөөд 5.000.000 гаруй хүн (54%) бүрэн вакцинд хамрагдсан.[156]

Эшлэл

  1. נגיף הקורונה בישראל - תמונת מצב כללית (he).
  2. Corona Tracker Overview.
  3. Israel confirms first coronavirus case as cruise ship returnee diagnosed. The Times of Israel (21 February 2020).
  4. "How is Israel Dealing With Coronavirus?", 16 March 2020 
  5. "Israel limits gatherings to 100 people as coronavirus cases climb to 97", The Jerusalem Post, 11 March 2020 
  6. "No more daycare, restaurants, gyms or prayer quorums: The new virus regulations", 15 March 2020 
  7. Bnei Brak coronavirus cases near 1000 as Haredi cities hit hardest. Ynetnews (2 April 2020).
  8. Israel reports first coronavirus fatality. Reuters (20 March 2020).
  9. Holocaust Survivor Is First Coronavirus Death In Israel (en) (21 March 2020).
  10. "A bipartisan protest movement is rocking Israel", 5 August 2020 
  11. "Thousands gather in Tel Aviv for Black Flag protest against coalition", 26 April 2020 
  12. "Israel's government collapses, not with a bang but a whimper, triggering fourth election in 2 years", 22 December 2020 
  13. Second coronavirus case in Israel confirmed, as panic increases. The Jerusalem Post (23 February 2020).
  14. Israel confirms its first case of coronavirus. Ynet News (27 February 2020).
  15. Health Ministry confirms second case of coronavirus in Israel.
  16. Number of people infected with coronavirus in Israel jumps to 15 (4 March 2020).
  17. COVID19 dashboard.
  18. "Israel Suspends All Flights From China, Isolates Arrivals Over Coronavirus Outbreak", Haaretz, 30 January 2020 (en) 
  19. "Israel bans foreigners coming from East Asian countries over virus fears", The Times of Israel, 17 February 2020 
  20. Israel refuses entry to Korean Air passengers (he) (23 February 2020).
  21. Israel extends entry ban over coronavirus to South Korea and Japan (en) (22 February 2020).
  22. "Korean Nationals Who Visited Israel, West Bank Tested Positive for Coronavirus", 24 February 2020 
  23. 8 more people tested positive for Coronavirus in Bucharest, 25 cases confirmed overall in Romania (10 March 2020).
  24. "Greek tourist who recently visited Israel dies of coronavirus", 12 March 2020 
  25. Virus cases in New York state double to 22 (5 March 2020).
  26. 1,600 Israelis are in 14-day quarantine for coronavirus (2020-02-26).
  27. Twitter.
  28. 28.0 28.1 "Israel declares 14-day quarantine for all arrivals", BBC News, 9 March 2020 
  29. "With 5,630 Israelis in isolation, Health Ministry says 'go vote'", Jerusalem Post 
  30. Gross, Judah Ari (15 March 2020). Government okays mass surveillance of Israelis' phones to curb coronavirus. The Times of Israel.
  31. Live Updates Israel Approves Cellphone Tracking for Coronavirus Patients as Cases Rise to 213. Haaretz (15 March 2020).
  32. "Knesset committee chair slams cabinet's phone tracking decision as 'power grab'", 17 March 2020 
  33. HCJ 2109/20 Association for Civil Rights v. Prime Minister (19 March 2020)
  34. Updated decision in HCJ 2109/20 Association for Civil Rights v. Prime Minister (24 March 2020)
  35. Heller, Aron. "Protesters Accuse Netanyahu Of Exploiting Pandemic For Power Grab", HuffPost, March 19, 2020 
  36. Shin Bet: Over 500 Israelis diagnosed with coronavirus thanks to agency's efforts (26 March 2020).
  37. Efrati, Ido (15 March 2020), "Coronavirus in Israel: Refusal to Approve Tests Leads to Dumping Samples", Haaretz, <https://www.haaretz.com/israel-news/.premium-israel-health-ministry-s-refusal-to-ok-tests-leads-to-dumping-of-samples-1.8675058>
  38. "Health Ministry approves experimental treatments for coronavirus", 16 March 2020 
  39. "Defense Ministry takes over buying corona-related gear amid claims of shortages", 18 March 2020 
  40. "Israeli Research Center to Announce It Developed Coronavirus Vaccine, Sources Say", Haaretz, 18 March 2020 
  41. "Israel: MDA to collect plasma from recovered coronavirus donors to treat severely ill", i24 News, 29 March 2020 
  42. El Al answers government's plea to rescue more Israelis stranded overseas (en) (2020-03-22).
  43. Times of Israel Staff (10 March 2020). Israel bars gatherings over 2,000 people, limits visits to sick or elderly.
  44. With families cooped up at home due to virus, domestic violence complaints soar. The Times of Israel (March 23, 2020).
  45. "109 Israelis diagnosed with coronavirus, schools to close", 12 March 2020 
  46. בתי ספר בהדרגה, בלי בתי קפה: אסטרטגיית היציאה (he) (2020-04-10).
  47. "Coronavirus: Israel places severe limits on public, private sectors", 16 March 2020 
  48. Halon, Eytan (1 April 2020). Israeli unemployment exceeds one million: 24.4% of workforce. The Jerusalem Post.
  49. Israel public transit usage down 38.5% compared to before coronavirus. The Jerusalem Post (March 20, 2020).
  50. Pick, Lior Gutman and Adi (2020-03-22). Israel's Bus Pass Card to Notify Users if They Shared a Ride With a Covid-19 Patient.
  51. Israel public transit usage during first wave was down 80% compared to before coronavirus. CC-BY icon.svg Material was copied from this source, which is available under a Creative Commons Attribution 4.0 International License.
  52. Haaretz. "Coronavirus in Israel: Netanyahu Announces New Restrictions Barring Gatherings of Over Two", Haaretz, 2020-03-30 (en) 
  53. "Bank of Israel orders most retail banks closed, special services for elderly", Times of Israel, 16 March 2020 
  54. תיעוד: שוטרים עוברים בשוק הכרמל וסוגרים את הדוכנים. Mako (22 March 2020).
  55. Heller, Shlomi (22 March 2020). כעת, שוטרים החלו בסגירת שוק מחנה יהודה (he). Kol Ha'ir.
  56. Chief Rabbis Order Synagogues Closed Following Israel's New Coronavirus Regulations. Haaretz (25 March 2020).
  57. Jeffay, Nathan (29 March 2020). Prominent rabbi: Media trying to 'slur' Haredim in coronavirus reports. The Times of Israel.
  58. Winer, Stuart (24 March 2020). Synagogues top coronavirus hotspot list, epidemiological report finds. The Times of Israel.
  59. Rasgon, Adam (2020-03-26). Jerusalem's Church of Holy Sepulchre closes as Israel ups anti-virus measures. The Times of Israel.
  60. Israelis Across Country Applaud from Their Balconies in Appreciation of Medical Workers Battling Coronavirus.
  61. Israelis applaud healthcare workers in two-minute clap (22 March 2020).
  62. "Netanyahu: Israelis face fines for breaking state of emergency orders", 19 March 2020 
  63. Health officials threaten 'stricter virus measures' if orders are ignored. Ynetnews (21 March 2020).
  64. Health Ministry warns of tougher action as many venture outside in warm weather. The Times of Israel (21 March 2020).
  65. "The Government Approved Emergency Regulations to Restrict Activities in Order to Curb the Spread of Coronavirus in Israel", 25 March 2020 
  66. Haaretz. "Israeli Government Debates Curfew on ultra-Orthodox Coronavirus Hot Spot", Haaretz, 2020-04-02 (en) 
  67. Israelis will be required to wear face masks outdoors under new order. The Times of Israel (7 April 2020).
  68. Magid, Jacob (2 April 2020). Cabinet declares Bnei Brak 'restricted zone,' readies to do same for other towns. The Times of Israel.
  69. Peleg, Bar (12 April 2020). Bnei Brak Lockdown Extended; Virus Cases in Israel Up 3 Percent and 101 People Have Died. Haaretz.
  70. Passover closure comes into effect, with all intercity travel banned. The Times of Israel (7 April 2020).
  71. "Israel approves reopening of all streets stores, barbershops", 4 April 2020 
  72. "Malls and markets reopen after Israel lifts coronavirus restrictions", 7 May 2020 
  73. "Cafes, restaurants begin to reopen — with coronavirus restrictions in place", 27 May 2020 
  74. "Rolling out exit plan, Netanyahu unveils easing of lockdown restrictions", 5 May 2020 
  75. "No more 100-meter limit; malls, libraries to reopen: All the eased regulations", 5 May 2020 
  76. "Due to heat wave, Israel temporarily lifts mask requirement in schools, outdoors", 19 May 2020 
  77. "Coronavirus openings: Beaches, synagogues, restaurants and more", 20 May 2020 
  78. "Schools open gates Sunday morning, some cities refuse", 3 May 2020 
  79. "After Reopening Schools, Israel Orders Them To Shut If COVID-19 Cases Are Discovered", 3 June 2020 
  80. "Preschoolers return as Israel further eases coronavirus curbs", Reuters, 10 May 2020 
  81. "Israel tightens restrictions and is 'a step away from a full lockdown.'", 5 July 2020 
  82. "Government orders closure of event halls, culture venues, gyms and nightclubs", 5 July 2020 
  83. "Israeli gov't imposes new restrictions: Weekend lockdowns, closure of gyms, studios", 17 July 2020 
  84. "Coronavirus crisis: What are the new restrictions?", 17 July 2020 
  85. "Israel to keep restaurants, pools open but gyms to remain closed", 20 July 2020 
  86. "Israel's virus death toll hits 600; outdoor cultural performances set to resume", 9 August 2020 
  87. "Red light, green light, go! Gamzu's traffic light plan passes", 31 August 2020 
  88. [1]
  89. "Israel gov't approves night-time curfew for 40 'red zone' communities", 6 September 2020 
  90. "1.3 million Israelis locked down as curfew kicks off in 40 virus hotspots", 8 September 2020 
  91. מענק לכל אזרח.
  92. הארכת תשלום דמי האבטלה עד ל-30.6.2021.
  93. מענק הסתגלות לבני 67 ומעלה.
  94. מענק סיוע לעסקים - השתתפות בהוצאות קבועות - פעימה שלישית.
  95. "Ministers to get 10% pay cut", 21 September 2020 
  96. "הממשלה אישרה הצעה לקיצוץ שכר הח"כים והשרים ב-10%", 21 September 2020 
  97. "Israel steps out of coronavirus lockdown and rolls back restrictions", 18 October 2020 
  98. "Israel begins rolling back coronavirus lockdown measures as kindergartens reopen", 18 October 2020 
  99. "School is back in session for grades 1-4 as lockdown eased; synagogues reopen", 1 November 2020 
  100. "Street shops reopen after long closure, but some businesses succumb to virus", 8 November 2020 
  101. "Israelis flood reopened malls as task force warns of clear rise in virus cases", 27 November 2020 
  102. "Ministers expected to approve 2 local lockdowns in virus-hit northern areas", 6 November 2020 
  103. "Arab towns Qalansawe and Iksal designated restricted coronavirus zones", November 2020 
  104. "Ministers approve lockdowns for northern towns of Nazareth and Isfiya", 20 November 2020 
  105. "Haredi school year opens amidst coronavirus concerns", 24 August 2020 
  106. "COVID-19: Israeli schools open this morning - but not in red cities", 1 September 2020 
  107. Coronavirus in Israel: Outbreaks reported in schools in multiple cities (5 September 2020).
  108. "Israel to enter 3-week lockdown from Friday; schools, malls, hotels to be closed", 13 September 2020 
  109. "Easing restrictions, Israel begins opening up from second lockdown", 18 October 2020 
  110. "Education minister says he'll push to open all grades starting next week", 23 November 2020 
  111. "Israeli high schools reopen amid spike in virus infection", 29 November 2020 
  112. "Israel's school system now open for all students as another lockdown looms", 6 December 2020 
  113. "Coronavirus: 222,000 students in red and orange cities stay at home", 20 December 2020 
  114. "Thousands in Israel protest Netanyahu's coronavirus response", 19 July 2020 
  115. "Coronavirus crisis sparks a young Israeli protest movement", 27 July 2020 
  116. "Israel passes law to limit protests during coronavirus lockdown", Al Jazeera, September 30, 2020 
  117. Tel Aviv protesters disperse after facing off with cops; over 20 arrested. The Times of Israel (2020-10-03).
  118. Clashes, Arrests as Hundreds of anti-Netanyahu Protests Held Across Israel Under Lockdown. Haaretz (2020-10-04).
  119. "Edelstein: Israel 'has entered the 3rd wave,' no choice but to go into lockdown", 22 December 2020 
  120. "Here's Where 3 New Strains Of Covid-19 Have Traveled So Far", 24 December 2020 
  121. "Coronavirus: First cases of South African mutation found in Israel", 9 January 2021 
  122. "Entry banned to foreigners from UK; returning Israelis sent to quarantine hotels", 20 December 2020 
  123. "Third COVID-19 lockdown begins as controversy surrounds schools opening", 27 December 2020 
  124. "Daily infections surge past 8,300, with 7.6% of COVID tests positive", 5 January 2021 
  125. "Coronavirus lockdown to begin Thursday at midnight and last two weeks", 5 January 2021 
  126. Air travel to and from Israel.
  127. "Coronavirus in Israel: Cabinet extends lockdown until the end of January", 19 January 2021 
  128. "Israel extends lockdown by 4 days amid 'worst infection wave'", 1 February 2021 
  129. "Coronavirus: Gov't to meet on schools Sunday as lockdown ends", 6 February 2021 
  130. "Israel 'closes skies' to air travel to prevent spread of Covid-19 variants", 25 January 2021 
  131. "Israel extends lockdown by 4 days amid 'worst infection wave'", 1 February 2021 
  132. "Cabinet extends closure of Ben Gurion airport", 5 February 2021 
  133. "Israel extends COVID-19 lockdown to Sunday, will ease it slowly", Reuters, 5 February 2021 
  134. "Coronavirus: Some Israeli children return to school today", 11 February 2021 
  135. "Hebrew, to be replaced by English source when available.", 21 February 2021 
  136. "Everything you need to know about Israel’s green passport program", 20 February 2021 
  137. "Israel will reportedly pay much more than US, EU for Pfizer coronavirus vaccine", 16 November 2020 
  138. "AstraZeneca Israel CEO Ohad Goldberg says Israel ordered 10 million doses directly, after discovering WHO-program factories did not meet Health Ministry standards", 25 November 2020 
  139. "Israel, Moderna sign expanded deal for 6 million COVID vaccine doses", 5 December 2020 
  140. "Moderna CMO: Israel among countries first in line for vaccine", 16 November 2020 
  141. "Israel to begin giving corona vaccines Dec. 27", 9 December 2020 
  142. "Coronavirus: 700,000 more Pfizer vaccines arrive in Israel", 11 January 2021 
  143. "First batch of Moderna vaccines arrives in Israel", 7 January 2021 
  144. "Israel trades medical data for vaccine doses", 8 January 2021 
  145. "Netanyahu: A small shot for a person, a huge step toward the health of us all", 19 December 2020 
  146. "Vaccination nation: 5 factors in Israel's world-leading COVID inoculation drive", 6 January 2021 
  147. Rosen, Bruce (2021-01-26). "Israel’s rapid rollout of vaccinations for COVID-19". Israel Journal of Health Policy Research 10 (1): 6. DOI:10.1186/s13584-021-00440-6.
  148. "Israel expanding vaccination teachers, people 55+ beginning Tuesday", 11 January 2021 
  149. "Israel to start vaccinating citizens aged 45+ Sunday", 15 January 2021 
  150. "Israelis aged 40+ start receiving vaccines in race to halt record infections", 19 January 2021 
  151. "Israel expands coronavirus vaccine drive to over-35s", 27 January 2021 
  152. "Health Ministry advises pregnant women get vaccine, after 10 serious infections", 20 January 2021 
  153. "Coronavirus vaccination: Teens 16-18 begin getting the jab", 24 January 2021 
  154. "Israel opens coronavirus vaccines to all over-16s", 3 February 2021 
  155. Israel eases restrictions following vaccine success. 21 February 2021-д хандсан.
  156. מדדי התחסנות / 'Immunity indices' datadashboard.health.gov.il, accessed 7 April 2021