Jump to content

Сөүл

Холбоос засах
Википедиа — Чөлөөт нэвтэрхий толь
(Соүл-с чиглүүлэгдэв)
Сөүл
서울
Тусгай Их Хот
Сөүл Тусгай Их Хот
서울특별시
Солонгос галиглал
 • Хангыл서울특별시
 • Ханжа[a]서울特別市
 • Шинэчилсэн латинчлалSeoul-Teukbyeolsi
 • Маккьюн–РайшауэрSŏul-T'ŭkpyŏlsi
Шөнийн Сөүл
Тогсүгүн ордон
Үндэсний Ассамблей
Lotte World ба Lotte World Tower
Кванхвамүн
Хан мөрөн дээгүүрх Сонсан гүүр
Сөүл далбаа
Далбаа
Сөүл албан ёсны тамга
Тамга
Сүлд
Сүлд
Уриа: 
"Сөүл, миний сүнс"[1]
Дуулал: байхгүй[2]
Map
Map
Солбицол: 37°33′36″N 126°59′24″E / 37.56000°N 126.99000°E / 37.56000; 126.99000Солбицол: 37°33′36″N 126°59′24″E / 37.56000°N 126.99000°E / 37.56000; 126.99000
УлсӨмнөд СОлонгос
Бүс нутагСөүл Нийслэл
Үүсгэн байгуулагчТэжу ван
Дүүрэг25 дүүрэг
Засаг захиргаа
 • ТөрөлХотын дарга–зөвлөл
 • БиетСөүл Хотын Захиргаа
Сөүл Хотын Зөвлөл
 • Хотын даргаО Се Хун (Ард түмний хүч)
 • Үндэсний Ассамблей49
Газар нутаг
[3]
605.21 км2 (233.67 бээр2)
 • Бөөгнөрөл
12,685 км2 (4,898 бээр2)
Өндөр
38 м (125 фут)
Хамгийн өндөр цэг
(Пугагсань)
836.5 м (2,744.4 фут)
Хамгийн нам цэг
(Шар тэнгис)
0 м
Хүн ам
 (1Q 2025)[4]
 • Тусгай Их Хот9,602,826
 • Байр1-р байр
 • Нягтрал16,000/км2 (41,000/бээр2)
 • Бөөгнөрөл
26,037,000
 • Нягтрал2,053/км2 (5,320/бээр2)
 • Ард түмний нэр
Сөүлчүүд
 • Аялга
Гёнги
ДНБ (нэрлэсэн, 2024)
[5]
 • Тусгай их хот$421.586 тэрбум
 • Хотын бүс$991.249 тэрбум
Цагийн бүсUTC+9 (Солонгосын Стандарт Цаг)
ISO 3166 кодKR-11
ӨнгөСөүл Улаан[6]
ЦэцэгФорситиа
СахиусХэчи
МодГинкго
Уур амьсгалDwa
Вэб сайтseoul.go.kr

Сөүл (хуучнаар Сеул; 서울солонгос [соүль]ⓘ, «нийслэл») — Өмнөд Солонгос улсын нийслэл, 10 сая хүнтэй хот юм.

Сөүл хот улсынхаа өрнө умард хэсэгт Кёнги аймгаар хүрээлэгдэн, Инчон хоттой хаяа залган оршдог. Хотын харьяалах талбай 605 км² байна. Засаг захиргааны хуваариар улсын нэгдүгээр дэсийн нутаг болох онцгой хот юм. 10 сая хүн оршин сууж байгаагаараа улсдаа тэргүүлэх бөгөөд дэлхийд 8-р байрт жагсах их хот болно. Сөүлийн эргэн тойронд хотын бөөгнөрөл бий болсон бөгөөд энэхүү Сүдугвонь бүсэд улсын тал хувь буюу 25 сая хүн оршин сууж байна.

Сөүл хотын дундуур Хань мөрөн урсдаг бөгөөд эртнээс энд суурин үүсч хөгжжээ. НТӨ 18 онд Пэгжэ улс энэ хавьд төвлөснөөс эхлээд өдгөө хүртэл улсын нийслэл болон хөгжжээ. Сөүлд ЮНЕСКО-гийн дэлхийн өвийн газар болох Чандог ордон, Хуасон цайз, Жунмю сүм, Намхань уулын цайз, Чусоний вангуудын бунхан зэрэг түүхийн дурсгалт газар байна. Сөүл хот Пүхань зэрэг уулсаар хүрээлэгдсэн. Хотыг харах өргөн цэцэрлэгт хүрээлэнтэй. Сөүлийн цамхаг, Тундэмүний загварын ордон, Лотте Уорлд, Сарны гэрлийн солонгот хүрхрээ зэрэг орчин үеийн үзэмж цогцолжээ. Солонгос поп, Солонгос давалгааны гол газар бөгөөд дэлхийд эхний 10-т орох тоо буюу жилд 10 сая гаран жуулчин ирж сонирхдог.

Сөүл Өмнөд Солонгос улсын эдийн засаг, санхүүгийн гол төв бөгөөд Каннам дүүрэг ихэд хөгжсөн. Самсон, ЛЖ, Хёндай-Киа зэрэг дэлхийд нэр хүндтэй олон компани энд төлөвлөжээ. Сөүлд хурдны галт тэрэг, метро байна. Сөүлийг зорьсон агаарын тээврийн гол буудал Иньчоний олон улсын нисэх буудал нь 2005-2013 онд дараалан дэлхийн шилдэг нисэх буудлаар шалгарчээ. Лотте Уорлд цамхаг 123 давхар бөгөөд хотын хамгийн өндөр байшин юм.

Сөүл 1986 оны Азийн наадам, 1988 оны зуны олимп, 2002 оны Хөлбөмбөгийн ДАШТ, 1980 оны Орчлонгийн сайхан хүүхэн, 2010 оны Их хорийн уулзалт зэрэг спорт, улс төрийн наадам, уулзалтыг хүлээн авч зохион байгуулжээ.

Нэр

[засварлах | кодоор засварлах]

Энэ газар түүхэнд олон нэрээр тэмдэглэгджээ.

Пэгжэ улсын үед Виресон (위례성) гэж байв. Түүнээс нааш Шилла улсын Ханжү (한주), Гуулин улсын Намгён (남경), Чусонь улсын Ханьсон (한성), Ханьян (한양) гэсэн нэртэй байлаа. Японы харьяаны үед Кэйжо (京城) гэгдсэн. Өдгөө солонгосоор «нийслэл» гэсэн утга бүхий «Сораболь» (서라벌) хэмээх эртний үгээс улбаалж Соүль (서울) гэж байна.

Монгол улсад орос кирилээс улбаалж Сеул гэж байснаа БНСУ-ын албан хүсэлтээр Сөүл гэх болсон.

Түүх

[засварлах | кодоор засварлах]

Өнөөгийн Сөүл байгаа Хань мөрний эрэгт НТӨ 4000 жилийн тэртээгээс суурин үүсчээ. Нийтийн тооллын эхлэх үеийн Пэгжэ улсын нийслэл Виресон энэ хавьд байсныг нь сударт тэмдэглэжээ. Сөүлийн гаднах Пүннабтусон хэмээх газар доор орсон овгор ханыг Виресоны хэрэм гэдэг. Энэ хавь Гурван улс буюу Когурё-Пэгжэ, 6-р зууны Когурё-Шиллагийн үеийн дайны талбар, чухал ач холбогдолт газар байжээ.

19-р зуун. Кёнбуг
ордны өмнөх гудамж

Нэгдсэн Шиллаг залган тогтсон Гуулин улс Кэгёнд нийслэл байгуулсан ба 11-р зуунд Сөүл хавьд зуны ордон барьж өмнөд нийслэл болгосноор суурин ихэд тэлжээ. Гуулин улсыг залгасан Чусонь улс нийслэлийг Сөүлд нүүлгэсэн ба Ханьян, дараа нь Ханьсон гэж нэрийджээ. 14-р зуунд баригдсан Кёнбуг ордонд 1592 он хүртэл улсын ван заларч байв. 1405 онд баригдсан Чандуггүн ордон нь 1611-1872 онд вангийн ордон болжээ.

Дээр үед хот ан амьтан, хулгай дээрмээс сэргийлсэн чулуун хэрэмтэй байв. Хот томрохын хэрээр хэрмээс гадагш гарч тэлжээ. Хотын хаалгууд одоо хотын төвд байна. Үүнд Намдэмүнь, Тундэмүнь зэрэг өмнөд, дорнод хаалга багтана. Чусоний үед хотын хаалгыг хонхны дуугаар нээж хаадаг байжээ. Хэдэн зуунд хаалттай байсны дараа 19-р зуунд Сөүл харийнханд хаалга нээж, орчин үеийн хот байгуулжээ. Азийн орнуудаас анх удаа хааны ордондоо цахилгаан нэвтрүүлсэн нь Сөүл хот байв.

Хотын захиргааны байр

Франц, Америк зэрэг оронтой худалдаа хийдэг болсон ба Сөүлийн цахилгааны газар, Цахилгаан тэрэгний газар зэрэг нь Америк-Солонгосын хамтарсан өмчлөлийнх байв. Хот хөгжиж Дорнын хамгийн цэвэрхэн хот хэмээгдэх болсон.

1910 оны гэрээгээр Японы харьяанд орсны дараа хотын нэрийг солонгосоор Кёнсон, японоор Кэйжо хэмээжээ. Японы арга технологи хэрэглэгдэх болж Өрнийн хийцийн барилга баригдах болов. Дэлхийн хоёрдугаар дайны эцэст Сөүл хот Японы эзэрхийллээс чөлөөлөгдсөн.

Нутаг дэвсгэр тэлсэн он

1945 онд нийслэлийн нэрийг өнөөгийн нэрээр буюу Сөүл хэмээн нэрийдэгдэж БНСУ байгуулагдав. 1950-1953 оны Солонгосын дайнаар Сөүл ихэд сүйрсэн. 191 мянган барилга, 55 мянган байшин, 1000 үйлдвэр сүйджээ. Улсын нийслэл түр хугацаанд Пүсаньд шилжсэн. Дайны дараа Сөүлийг чиглэсэн их нүүдэл болж байв. 1955 онд хотын хүн ам 1.5 саяд хүрсэн.

Дайны дараа Сөүл орчин үеийн хийц бүхий барилга байшинтай сэргээн босгогдсон. 1960-аад онд аж үйлдвэржиж ажиллах хүчний шилжилт Сөүл болон бусад том хотуудыг чиглэжээ. 1970-аад онд Сөүлийн хэмжээ томорч ойр орчны сууринг хаман нэгтгэжээ.

Сөүл улсын эдийн засаг, улс төр, соёлын гол төв бөгөөд улсын хүн амын 20% амьдарч, 50% нь ойр орчимд амьдарч байна.

Сөүлд Самсон, СК, Хёньдай, ПОСКО, ЛЖ зэрэг дэлхийд томоохон компаниудын төв байр байрлажээ.

Сөүл 1986 оны Азийн наадам, 1988 оны зуны олимп, 2002 оны Хөлбөмбөгийн ДАШТ-ийг зохион байгуулсан.

Газар зүй

[засварлах | кодоор засварлах]
Дээрээс харсан зураг

Сөүл хот Өмнөд Солонгос орны өрнө умард биед, далайн түвшнээс дээш 20-40 м өндөрт, улсын хилээс 50 км зайнд оршдог. Хотын дундуур Хань мөрөн урсаж хотыг өмнөд умард хоёр хэсэг болгон хуваажээ.

1394 онд Иньвансань, Намсань, Нагсань, Пугагсань дөрвөн уулын дунд багтаж байсан бол тэлсээр одоо найман уулын дунд гэж яригдаж, 15 км радиустай тойрогт багтах 605 км² газрыг харъяалдаг болжээ. Нутгийн баруун хэсэг мөрний адаг, нам доор газар байна.

Хотын уламжлалт төв хэсэг нь Жунну, Чун дүүрэг бол өнөөгийн санхүүгийн төв нь Ёиду, эдийн засаг нь төв Каннам дүүрэг болсон.

Уур амьсгал

[засварлах | кодоор засварлах]

Сөүл нь Өмнөд Солонгосын бусад нутагтай ижил, чийглэг уур амьсгалтай. Учир нь Солонгосын хойг гурван талаараа далайгаар хүрээлэгдэнэ[7]. Зундаа халуун, чийглэг, наймдугаар сард хамгийн их хална. Энэ үед дундаж температур 22-30 °C байна. Өвөлдөө дунджаар -7 °C-1 °C байна. Өвөлдөө харьцангуй хуурай байх ба жилд дунджаар 28 өдөр цас орно.

Цаг уурын мэдээлэл: Сөүл (1991–2020 оны хэвийн, туйлын үе 1907–одоо)
Сар 1 сар 2 сар 3 сар 4 сар 5 сар 6 сар 7 сар 8 сар 9 сар 10 сар 11 сар 12 сар Жил
Макс. Температур °C (°F) 14.4
(57.9)		 18.7
(65.7)		 25.1
(77.2)		 29.8
(85.6)		 34.4
(93.9)		 37.2
(99.0)		 38.4
(101.1)		 39.6
(103.3)		 35.1
(95.2)		 30.1
(86.2)		 25.9
(78.6)		 17.7
(63.9)		 39.6
(103.3)
Дундаж макс. °C (°F) 9.2
(48.6)		 13.3
(55.9)		 19.2
(66.6)		 25.6
(78.1)		 30.2
(86.4)		 32.5
(90.5)		 33.7
(92.7)		 34.7
(94.5)		 30.9
(87.6)		 26.1
(79.0)		 19.7
(67.5)		 11.9
(53.4)		 35.1
(95.2)
Дундаж дээд °C (°F) 2.1
(35.8)		 5.1
(41.2)		 11.0
(51.8)		 17.9
(64.2)		 23.6
(74.5)		 27.6
(81.7)		 29.0
(84.2)		 30.0
(86.0)		 26.2
(79.2)		 20.2
(68.4)		 11.9
(53.4)		 4.2
(39.6)		 17.4
(63.3)
Өдрийн дундаж °C (°F) −2.0
(28.4)		 0.7
(33.3)		 6.1
(43.0)		 12.6
(54.7)		 18.2
(64.8)		 22.7
(72.9)		 25.3
(77.5)		 26.1
(79.0)		 21.7
(71.1)		 15.0
(59.0)		 7.5
(45.5)		 0.2
(32.4)		 12.8
(55.0)
Дундаж доод °C (°F) −5.5
(22.1)		 −3.2
(26.2)		 1.9
(35.4)		 8.0
(46.4)		 13.5
(56.3)		 18.7
(65.7)		 22.3
(72.1)		 22.9
(73.2)		 17.7
(63.9)		 10.6
(51.1)		 3.5
(38.3)		 −3.4
(25.9)		 8.9
(48.0)
Дундаж мин. °C (°F) −12.7
(9.1)		 −10.7
(12.7)		 −4.9
(23.2)		 2.1
(35.8)		 8.7
(47.7)		 14.5
(58.1)		 18.9
(66.0)		 18.4
(65.1)		 12.1
(53.8)		 3.1
(37.6)		 −4.7
(23.5)		 −11.2
(11.8)		 −13.9
(7.0)
Мин. температур °C (°F) −22.5
(−8.5)		 −19.6
(−3.3)		 −14.1
(6.6)		 −4.3
(24.3)		 2.4
(36.3)		 8.8
(47.8)		 12.9
(55.2)		 13.5
(56.3)		 3.2
(37.8)		 −5.1
(22.8)		 −11.9
(10.6)		 −23.1
(−9.6)		 −23.1
(−9.6)
Дундаж хур дунадас см (инч) 16.8
(0.66)		 28.2
(1.11)		 36.9
(1.45)		 72.9
(2.87)		 103.6
(4.08)		 129.5
(5.10)		 414.4
(16.31)		 348.2
(13.71)		 141.5
(5.57)		 52.2
(2.06)		 51.1
(2.01)		 22.6
(0.89)		 1,417.9
(55.82)
Дундаж хур тунадастай өдрүүд (≥ 1 мм) 3.3 3.4 4.7 6.5 6.8 7.6 13.3 11.8 6.5 4.8 6.4 4.2 79.3
Цастай дундаж өдөр 7.1 5.1 2.8 0.2 0.0 0.0 0.0 0.0 0.0 0.0 2.3 6.4 23.9
Дундаж харьцангуй чийгшил (%) 56.2 54.6 54.6 54.8 59.7 65.7 76.2 73.5 66.4 61.8 60.4 57.8 61.8
Сарын дундаж нартай цаг 169.6 170.8 198.2 206.3 223.0 189.1 123.6 156.1 179.7 206.5 157.3 162.9 2,143.1
Percentage possible sunshine 52.3 53.6 51.0 51.9 48.4 41.2 26.8 36.2 47.2 57.1 50.2 51.1 46.4
Дундаж хэт ягаан туяаны индекс 2 3 5 7 8 9 10 9 7 4 3 2 6
Эх сурвалж 1: Солонгосын Цаг Уурын Алба (нарны хувь 1981–2010)[8][9][10]
Эх сурвалж 2: Weather Atlas (UV),[11] Meteo Climat (хамгийн их, хамгийн бага)[12]

Нутгийн хуваарь

[засварлах | кодоор засварлах]
Сөүлийн 25 дүүрэг газрын зурагт

Сөүл хот 25 дүүрэг (구 гү)-т хуваагддаг. Дүүрэг нь хороо болж (동 дун) хуваагдана. Нийт 423 хороо бий.

Дүүргээс газар нутгаар хамгийн том нь Сочу, хамгийн жижиг нь Чүн дүүрэг юм. Хүн амаар олон нь Сунба дүүрэг.

Далбаа Нэр СолонгосХүн амТалбайХүн амын нягтшил
Тубун дүүрэг 도봉구; 道峰區 355,712 20.70 км2 17184/км2
Тундэмүнь дүүрэг 동대문구; 東大門區 376,319 14.21 км2 26483/км2
Тунжаг дүүрэг 동작구; 銅雀區 419,261 16.35 км2 25643/км2
Ыньпён дүүрэг 은평구; 恩平區 503,243 29.70 км2 16944/км2
Канбүг дүүрэг 강북구; 江北區 338,410 23.60 км2 14339/км2
Кандун дүүрэг 강동구; 江東區 481,332 24.59 км2 19574/км2
Каннам дүүрэг 강남구; 江南區 583,446 39.50 км2 14771/км2
Кансо дүүрэг 강서구; 江西區 591,653 41.43 км2 14281/км2
Кымчонь дүүрэг 금천구; 衿川區 258,030 13.02 км2 19818/км2
Күру дүүрэг 구로구; 九老區 457,131 20.12 км2 22720/км2
Куанак дүүрэг 관악구; 冠岳區 531,960 29.57 км2 17990/км2
Куанжинь дүүрэг 광진구; 廣津區 377,375 17.06 км2 22120/км2
Чунну дүүрэг 종로구; 鍾路區 165,344 23.91 км2 6915/км2
Чүн дүүрэг 중구; 中區 136,227 9.96 км2 13677/км2
Чүннан дүүрэг 중랑구; 中浪區 423,411 18.50 км2 22887/км2
Мабу дүүрэг 마포구; 麻浦區 395,830 23.84 км2 16604/км2
Нувонь дүүрэг 노원구; 蘆原區 586,056 35.44 км2 16536/км2
Сочу дүүрэг 서초구; 瑞草區 454,288 47.00 км2 9666/км2
Содэмүнь дүүрэг 서대문구; 西大門區 320,861 17.61 км2 18220/км2
Сонбүг дүүрэг 성북구; 城北區 475,961 24.58 км2 19364/км2
Сондун дүүрэг 성동구; 城東區 303,891 16.86 км2 19364/км2
Сунба дүүрэг 송파구; 松坡區 671,794 33.88 км2 19829/км2
Янчонь дүүрэг 양천구; 陽川區 490,708 17.40 км2 28202/км2
Ёндынбу дүүрэг 영등포구; 永登浦區 421,436 24.53 км2 17180/км2
Юнсань дүүрэг 용산구; 龍山區 249,914 21.87 км2 11427/км2
Сөүл 서울 10,369,593 605.21 км2 17134/км2

Хүн ам зүй

[засварлах | кодоор засварлах]
Чүн дүүрэг, Мён хороо. Худалдааны гудамж

Сөүл хот 2013 онд 10.4 сая оршин суугчтай байв. Хүн амын тоогоор дэлхийн 8-р олон хүнтэй хот болно. Сөүл хотын бөөгнөрөл Сүдугвоньд 25 сая хүнтэй байгаа нь дэлхийд Токиогийн дараа хоёрдугаарт орох их дүн юм. Хүн амын нягт суурьшилтай.

Сөүлийн оршин суугчид үндсэндээ солонгос үндэстэн байна. Цөөн хувь буюу 2011 оны байдлаар 281 мянган гадаадын иргэн оршин сууж байгаагийн ихэнх нь Хятад, Японоос иржээ.

Сөүлд гэмт хэрэг маш бага. Буддын болон христийн шашин хүн амын дунд дэлгэрсэн.

Сөүлийн оршин суугчийн тоо (1660-2015)
Он 1660 1880 1920 1955 1985 2015
Хүний тоо200,000199,100250,2081,574,8689,639,11010,349,312

Ах дүү хот

[засварлах | кодоор засварлах]
Сөүлийн ах дүү хотын жагсаалт[13]

Зураг

[засварлах | кодоор засварлах]

Лавлах бичиг

[засварлах | кодоор засварлах]
  1. ↑ ""Seoul, my soul" selected as the city's new slogan". Сөүл хотын захиргаа. 2023-04-05. Архивласан огноо 2023-05-07. Татаж авсан: 2026-04-21.
  2. ↑ "서울시 사이트에 서울 시가인 서울의 찬가가 없습니다". Seoul Metropolitan Government. Архивласан огноо 2021-09-22. Татаж авсан: 2021-09-22.
  3. ↑ Эш татахад гарсан алдаа: Invalid <ref> tag; no text was provided for refs named seoul1
  4. ↑ "City Overview (Population)". Сөүл хотын захиргаа.
  5. ↑ "2024년 지역소득(잠정)". www.kostat.go.kr.
  6. ↑ "Color". Архивласан огноо 2012-05-11. Татаж авсан: 2026-04-21.
  7. ↑ "BBC Weather - Country Guide". Архивласан огноо 2006-04-23. Татаж авсан: 2006-04-23.
  8. ↑ "Climatological Normals of Korea (1991 ~ 2020)" (PDF) (Солонгос хэлээр). Солонгосын Цаг Уурын Алба. Эх хувилбараас (PDF) архивласан: 2022-01-29. Татаж авсан: 2026-04-21.
  9. ↑ 순위값 - 구역별조회 (Солонгос хэлээр). Солонгосын Цаг Уурын Алба. Татаж авсан: 2026-04-21.
  10. ↑ "Climatological Normals of Korea" (PDF). Korea Meteorological Administration. 2011. х. 499 and 649. Эх хувилбараас (PDF) архивласан: 2016-12-07. Татаж авсан: 2026-04-21.
  11. ↑ "Seoul, South Korea - Detailed climate information and monthly weather forecast". Weather Atlas (Англи хэлээр). Yu Media Group. Эх хувилбараас архивласан: 2024-07-25. Татаж авсан: 2026-04-21.
  12. ↑ "Сөүл станц" (Франц хэлээр). Meteo Climat. Татаж авсан: 2026-04-21.
  13. ↑ "Seoul – Sister Cities". Эх хувилбараас архивласан: 2012-03-25. Татаж авсан: 2017-06-22.

Цахим хуудас

[засварлах | кодоор засварлах]
 Commons: Seoul – Викимедиа зураг, бичлэг, дууны сан
  1. ↑ Сөүл хотод Ханжа гаралтай нэр байхгүй. Хотын албан ёсны Хятад орчуулга нь Shou'er юм.
Эш татахад гарсан алдаа: <ref> tags exist for a group named "lower-alpha", but no corresponding <references group="lower-alpha"/> tag was found
"https://mn.wikipedia.org/w/index.php?title=Сөүл&oldid=854492"-с авсан